Eksodas 40:16 - Buka Blahi Ka Cheke Holo

¹⁶ Eghuteuna Moses ne edi gobigna lepo igre thofno leghuni unha teke cheke ni Lord ka Moses.

Eksodas 40:16 ပူးပေါင်းရင်းမြစ်များ

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Ululahu Korin 4:2

Tutuani, mae gloku na mala eni gloku te keli ranghini nogna funei na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Hibru 3:2

God neke vahini mae Jisas mala edi gobigna lepo te magnahaghedi mana re. Tutuani, mae Jisas neke thofno leghuni u chekegna God jateula mae Moses teke leghuni chekegna God na teke batudi nogna naikno God ra eghu.

Hibru 3:5

Mae Moses mala reireghi fakelini tharaknagna God nei edi unha teke magnahaghedi God re. Nogna gloku mae Moses igne mala toutonuni unha nate chekeni God thogheiro eigna Kraes. Eigna mae Moses kaisei mae gloku kolho.

Eksodas 40:15

mala fablahi di jateula teke fablahi iagho kmadi mare ia eghu mala loku ranghi ghau iara. Puhi te fablahi mae pris igne ginauna eghu fabrahu, eghuteuna iheire nate karha mei ke leghudi mare igre mala pris mala loku ranghi ghau iara.”

Profet Jeremaea 13:5

Aonu iara ne leghuni unha te chekeni Lord igne ne tei pophoru pohe igne Pera.

Jenesis 6:22

Aonu mae Noa ne edi glepo igre thofno leghuni ngala unha teke chekeni God na.

Eksodas 7:6

Aonu, Moses ghe Eron ne eni unha Lord teke chekeni mala eni phiamare teku na.

Levitikas 8:9

Eghuteuna mana atha nogna khepi mae pris biꞌo na ne nhaꞌa lao ka phaꞌugna mae Eron, eghuteuna ke ulu ka khepi tuana mana fagefe lao medol blahi teke eni ka gol igne. Gobigna lepo igre mae Moses ne thofno leghudi unha teke chekedi Lord ka mana re.

Levitikas 8:13

Aonu mae Moses ne atha mei thugna mana re ne nhaꞌa lao nogna pohe pris na ka mare, eghuteuna mana famamhaku pohe igre ka nodi nhugha mae pris. Eghuteuna nhaꞌa lao nogna khepi pris ka phaꞌudi re, thofno leghuni unha teke chekeni Lord ka mana na.

Naba 9:22

Jame te au fabrahu gromno na ke kligna gna suga thapuale na nabagna phei narane, ba kaisei nhigra, ba kaisei finogha teuna, mare theome tangomana te jifla kokoni vido tuana. Nu jame te thugha haghe gromno na, mare jaola thugha.