Eksodas 4:8 - Buka Blahi Ka Cheke Holo

⁸ Lord ne cheke eghu ka Moses, “Jame te theome fatutuani nigho ba theome filo glanidi teu naiknore nou kofubobhoi eigna khodo igne, nei kate fakakhana iagho kofubobhoi eigna bakua igne teuna, mare ginauna fatutuani nei figri nagnafadi eghu.

Eksodas 4:8 ပူးပေါင်းရင်းမြစ်များ

Profet Isaia 28:10

Mae igne jateula te farirhiudi goro sua te ikodi ra eghu chekedi cheke teke chekedila re eghu fabrahu!”

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Thoutonu Eigna Mae Job 5:18

Eigna God tangomana te nhaꞌa lao thubu ka naikno na, nu mana jaola nhaꞌa lao meresin tagna. God tangomana te eni naikno na mala ghoreho, nu mana tangomana te eni te mala ke keli fapulo naikno na.

Fapea Kings 5:7

Kate iuꞌiju king gna Israel letas igne, mana diꞌatagna ne rerheku nogna pohe na. Mana ne cheke eghu, “Kaisei puhi biꞌo signe! King gna Siria gne na fagnafani iara fogra mana igne eghu ka gaoghathogna na, nu iara theome God. Iara theo nogu nolaghi te mala fakarhini ba te mala faleheni naikno na. Iara laseni, mana magnahaghei te hironi kaisei nabrou te mala magra ka iara na kolho.”

Jone 12:37

Neubane edi mana kmana kofubobhoi ke uludi mae Jiu, mare theome fatutuani ni ngala mana ne mae Kraes teuna.

Eksodas 4:7

Lord ne cheke eghu ka mana, “Iagho ke nhaꞌa laoi lamna pohe khamemu na.” Aonu Moses nhaꞌa lao khamegna na lamna pohe. Eghuteuna kate hata fajifla mana na, khamegna mana igne neke keli fapulo jateula keha khame na neu.

Eksodas 4:9

Nu jame eni iagho fapea kofubobhoi igne, eghuteuna theome fatutuani nei theome fanomho ka nou cheke iagho re teuna, iagho ginauna hata katha khoꞌu ka Khoꞌu biꞌo Nael, eghuteuna tofa soru ka glose na. Khoꞌu igne ginauna vuhai dadara kate tofa soru iagho ka glose na.”

Eksodas 4:28

Moses ne toutonu ka Eron gobigna lepo teke chekedi Lord ka mana re. Eghuteuna mana jaola chekedi kofubobhoi teke chekedi Lord mala edi mana tekure.

Jajis 6:17

Gidion ne cheke eghu, “Jame te tutuani iagho te Lord nate togho ghau iara na, falase mei kaisei fagaglana ka iara.