Eksodas 4:23 - Buka Blahi Ka Cheke Holo

²³ Eghuteuna iara neke kulu chekehi te iagho mala snakreni thugu iara na mala jifla ka namono igne, mala mei tufru soru ghau iara. Nu naugna iagho ne theome snakredi mare te mei na, iara ginauna aknu falehe thumu nalhaꞌu ululahu iagho na!’ ”

Eksodas 4:23 ပူးပေါင်းရင်းမြစ်များ

Eksodas 12:29

Fari hotei bongiro Lord ne falelehe ne gnafa thudi nalhaꞌu hatimare mae Ijep teke kulu karha re. Funu ka thugna nalhaꞌu mae king na ghilei tei posa ka thudi mae te au ka suga sosolo re. Mana ne jaola ne falelehe sua nalhaꞌudi u buluka ba unha te oho naiknodi Ijep re.

Eksodas 11:5

eghuteuna goro mae sua nalhaꞌu teke kulu karha ka tharakna te gnafa ka naiknodi Ijep gre ginau na lehe, vuvuha ka mae thumu ulu lahu iagho te mala ke tughu nigho iagho na ghilei tei posa ka thugna naikno gloku kolho na. Eghuteuna sua ulu lahu te karha ka buluka ba gre ginau na jaola lehe.

Nodi Khoje Hatimare Mae Jiu 135:8

Mana neke falelehe goro sua teke kulu karha ka naiknodi Ijep re, nei jaola nodi buluka ba sipu ba nanigot, ba hose eghu teke kulu karha re.

Nodi Khoje Hatimare Mae Jiu 105:36

Aonu Lord ne falehedi goro sua nalhaꞌu teke kulu karha ka tharakna te gnafa Ijep.

Nodi Khoje Hatimare Mae Jiu 78:51

Mana neke falelehe fahui goro sua nalhaꞌu teke kulu karha mei ka tharakna te gnafa ka namono Ijep.

Eksodas 7:16

Iagho cheke eghu ka mae king, ‘Nomi Lord God ghehati mae Hibru gre na ne kuru mei ghau iara mala cheke ka iagho mala snakredi iagho nogna naiknore mala tei pogho soruni mana ka namono nagou gno. Nu iagho gne theome fanomho la ghilei posa ka narane gognaro gne eghu.

Eksodas 5:1

Moses ghe Eron tei ne filoni king gna Ijep, eghuteuna phiamare ne cheke eghu ka mana, “Lord nodi God maedi Israel ne cheke eghu, ‘Snakredi nogu naikno iara gre mala jifla ka kantri igne, mala tangomana mare ei gaghamu ka iara ke lamna namono nagou!’ ”

Eksodas 6:11

“Iagho tei cheke ka king mala snakredi mana naiknodi Israel igre mala jifla ka nogna kantri mana igne.”

Eksodas 8:1

Aonu Lord neke cheke eghu ka mae Moses, “Tei cheke ka mae king gna Ijep, eigna iara magnahagheni mana te mala snakredi nogu naikno iara re mala pogho soru ranghi ghau iara.

Eksodas 8:20

Lord ne cheke eghu ka mae Moses, “Hamerane nathuꞌu na iagho ginau tei thafoni mae king ka nabrou gno, eigna hamerane nathuꞌu na mae king ginau tei ka khoꞌu gno. Iagho mala cheke eghu ka mana: ‘Igne unha te chekeni Lord na, mana magnahaghei nigho iagho te snakredi nogna naiknore mala tei pogho soru ranghini mana.

Eksodas 9:1

Ke leghugna igne na, Lord neke cheke ka mae Moses mala tei cheke eghu mana ka mae king, “Nomi Lord God ghehati mae Hibru gre na ne cheke mei ka iagho mala snakredi iagho nogna naiknore mala tei pogho soru ranghini mana.

Eksodas 9:13

Ke leghugna igne, Lord ne cheke eghu ka mae Moses, “Hamerane nathuꞌu na iagho tei mala thafoni mae king mala cheke eghu ka mana: Igne unha te chekeni Lord, nomi God ghehati mae Hibru gre na, ‘Snakredi nogu naikno iara gre mala tei mare mala pogho soru ranghi ghau iara.

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Nodi Khoje Hatimare Mae Jiu 136:10

Mana neke falelehedi goro sua nalhaꞌu teke kulu karha ka naiknodi Ijep. Mana ne namha ghita tahati tifa tifa.

Profet Hosia 11:1

Lord ne cheke eghu, “Kani teke jateula puhidi sua majaghani ra teku naiknodi Israel igre, iara neke namhadi fara jateula thofno thugu teke karha majaghani ra neku neke hata fajifladi Ijep.

Eksodas 3:18

“Mae te mala baubatu ka naiknodi Israel igre ginauna fanomho ka cheke igne, eghuteuna iagho ginauna tei baludi mare mala cheke ka king. Ghotilo mala cheke eghu ka mana, ‘Lord, nomi God ghehati mae Hibru, la meihi ka ghehati, eghuteuna ghehati magnahaghei nigho iagho te snakre ghami te mala tei ka namono nagou nabagna thilo narane mala fafara ka mana.’

Eksodas 8:16

Aonu Lord neke cheke eghui ka mae Moses, “Iagho tei cheke ka mae Eron mala atha haghe mana nogna khodo na mala puphuri ka glose na. Eghuteuna gaughavu glosegna Ijep gne ginau figri nake vuhai khakaramahe.” Phiamare leghuni chekegna Lord na ne eni igne.

Eksodas 8:17

Mae Eron ne atha haghe nogna khodo na ne puphuri ka glose na, eghuteuna u gaughavu glosegna Ijep na ne flalo haghe kligna ka maloa na neke vuhai khakaramahe igre ne funu fodu ne kathidi naikno nei buluka teure.

Eksodas 9:2

Jame te tirou fanomho iagho ka nogna cheke mana igre na,

Eksodas 10:4

Jame te theo iagho na, iara nathuꞌu na ginau kuru mei kmana cheche fara mala mei fodu ka nou kantri iagho igne.

Eksodas 13:15

Ulu lahu na mae king gna Ijep na neke maku fara nagnafagna na neke tirogna snakre tei ghami ghehati. Eghume Lord neke falelehe goro mae sitei nalhaꞌu teke kulu karha ka mae Ijep re neku, nei jaola ngau nodi sua sipu nei nanigot eghu teke kulu karha re neku. Eghume gognaro na ghehati fafara sua nalhaꞌudi sipu nei nanigot teu igre ka Lord. Nu gognaro na ghehati tangomana teke foli fapulo goro mae sua nalhaꞌudi Israel teke kulu karha re.’