Eksodas 4:22 - Buka Blahi Ka Cheke Holo

²² Ka narane tuana iagho na cheke eghu ka king, ‘Igne unha te chekeni Lord na: Naiknodi Israel igre jateula thugu teke kulu karha ra eghu iara.

Eksodas 4:22 ပူးပေါင်းရင်းမြစ်များ

Profet Hosia 11:1

Lord ne cheke eghu, “Kani teke jateula puhidi sua majaghani ra teku naiknodi Israel igre, iara neke namhadi fara jateula thofno thugu teke karha majaghani ra neku neke hata fajifladi Ijep.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Hibru 12:23

Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Profet Isaia 63:16

Nu iagho kmami ghehati! Ku'emi ghehati mae Ebraham ghe mae Jekop ra theome au balumi eghuteuna phiamare theome lase ghami ghehati. Nu iagho Lord, iagho thofno kmami ghehati. Naiknore kiloni nanghamu iagho na, “Mae mala fakarha ghami ghehati fabrahu.”

Diutronomi 14:1

Mae Moses ne cheke eghu, “Ghotilo thugna Lord nomi God. Eghume kate lehe kaisei naikno na, ghotilo thosei vahe thinimi themi are, ba ghoighori khakla ka greremi are eigna te lehe naikno na.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Fapea Korin 6:18

“Eghuteuna iara ginauna jateula Kmami eghu ghotilo, eghuteuna ghotilo ginauna jateula thugu nalhaꞌu nei gaꞌase eghu iara. Iara God mae ihei te au nolaghi te gnafa te chekeni igne.”

Matiu 2:15

Mae Josep ne au neu jare ne ghilei lehe mae Herod. Igne ne horoghoto fara ka chekegna Lord teke cheke eghu mae profet Hosia tifa ia, “Iara neke kilo fajiflani mae thugu na ka namono Ijep.”

Eksodas 6:11

“Iagho tei cheke ka king mala snakredi mana naiknodi Israel igre mala jifla ka nogna kantri mana igne.”

Eksodas 7:16

Iagho cheke eghu ka mae king, ‘Nomi Lord God ghehati mae Hibru gre na ne kuru mei ghau iara mala cheke ka iagho mala snakredi iagho nogna naiknore mala tei pogho soruni mana ka namono nagou gno. Nu iagho gne theome fanomho la ghilei posa ka narane gognaro gne eghu.

Nodi Khoje Hatimare Mae Jiu 89:27

Mana ginau na mala jateula mae thugu teke kulu karha mei ka iara ra eghu, eghuteuna mana ginauna mala kaisei mae nafnakno ke uludi hatimare mae king te gnafa ka nauthoglu igne.

Diutronomi 32:6

Ba, tuana puhi te keli te mala tegio ka Lord na? Theo. Ghotilo noli fara! Ghotilo theo kaisei nomi glalase te keli! Lord na kmami ghotilo, eghuteuna mana ngala teke vuavuha ghami ghotilo na.

Profet Jeremaea 2:14

Lord ne cheke eghu, “Ghotilo nogu naikno iara ra, ghotilo theome naikno sneka. Theo, ghotilo theome thudi naikno sneka. Naugna unha si mae naoka igre te mei goigoni ghami ghotilo gnea?

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’