Eksodas 4:21 - Buka Blahi Ka Cheke Holo

²¹ Lord ne cheke eghu ka mana, “Kate figri teke posa iagho Ijep na, iagho mala kegra ke ulugna king mala edi kofubobhoi te gnafa teke tusu ari nolaghi iara mala edi iagho tekura. Nu iara ginauna farerheta nagnafagna king na, eghuteuna mana ginauna theome snakre ghami ghotilo te jifla te tei na.

Eksodas 4:21 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Profet Isaia 63:17

Lord, naugna unha sagho te snakre ghami te tei snivi ghehati ka puhimu iagho te keli gnea? Naugna unha sagho te snakre ghami te thufu ghehati te figri fadelei ka iagho gnea? Funu tifa te ghilei mei posa ka narane gognaro igne, ghehati nou naikno iagho, eghuteuna ghehati nou naikno gloku iagho. Iagho ke pulo mei mala togho ghami!

Josua 11:20

Lord thegna neke huhurudi mare mala magra mare ka mae Israel gre, eghume mae Israel theome kokhonidi mae igre. Thono theo fara. Eigna mae Israel gre mare leghuni cheke teke tusu lao thegna Lord ka mae Moses tifa igne ne falehedi ne gnafa vike igre.

Jone 12:40

“God neke fadodofu tathadire nei famamhaku nagnafadire. Naugna igne gognaro na tathadire la dofuhi nei nagnafadire la ihohi. Naugna igne mare ginauna theome ke pulo mei ka iara mala fakarhidi.”

Eksodas 14:8

Lord ne famamhaku nagnafagna mae king na mala tei mare ke leghudi mae Israel gre. Neuba, hatimare mae Israel tirodi mhaghu kolho, nu mare ne gleale'a ne tei nodi kolho.

Eksodas 9:35

Aonu mae king neke tirogna snakre teidi naiknodi Israel re. Igne ne horoghoto fara ka unha teke chekeni Lord na eghu teku ka mae Moses ia.

Eksodas 9:12

Nu Lord ne famamhaku nagnafagna mae king na ne tirogna fanomho ka nodi cheke mae Moses ghe mae Eron re, jateula teke chekenihi thegna Lord ia neu.

Eksodas 7:13

Mae king filoni igne ne famamhaku u nagnafa gna na jateula teke chekeni Lord ia neu ne tirogna fanomho ka mae Moses ghe mae Eron.

Eksodas 3:20

Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Eksodas 10:20

Nu Lord ne famamhaku nagnafagna mae king na ne tirogna snakre teidi naiknodi Israel re.

Eksodas 7:3

Neuba iara ginauna edi kmana kofubobhoi biꞌo agne Ijep mala filo mana, iara ginauna eni king igne mala patugama, nei theome fanomho eghu ka gho.

Profet Isaia 6:10

Isaia! Nou cheke iagho igre mare ginauna theome lase fakelidi, eghuteuna na theome nomhi fakeli, eghuteuna na jaola theome laseni kaisei glepo. Ka puhi igne, mare ginauna theome tangomana na teke pulo mei ka iara te mala fakarhidi re.”

Eksodas 14:4

Iara ginauna nake famamhakui nagnafagna mae king na, eghuteuna mana ginau na ngolhi ghami ghotilo mala fariuriu athi ghami. Nu naugna ka unha te eni iara ranghini mana nei nogna mae soldia mana re teu na, naiknore ginau na ghatho tahu ghau iara. Eghuteuna naiknodi Ijep re ginau na laseni te iara ngala Lord na.” Aonu kate nomhini chekegna Lord igne na, naiknodi Israel neke pulo neke horo nodi suga tapuale ka vido aheva teke cheke ranghidi mana na.

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Fapea Korin 2:16

Ka iheire te snivi fabrahu re, sisiri igne siri diꞌagna fara, eghuteuna hata mei glehe ka mare. Nu ka iheire teke fakarhidi God re u sisiri igne thofno keli fara eghuteuna hata mei karha ka mare. Eghume ihei te nabagna na gloku igne?! Iara theome nabagu!

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Nodi Khoje Hatimare Mae Jiu 105:25

Lord ne faꞌeiꞌeidi naiknodi Ijep mala susukudi nogna naiknore. Mare hiro phoge te mala paradi nogna naikno mana re.

Ululahu Kings 22:22

“Lord ne cheke eghu ka mana, ‘Ka unha nate eni iagho na?’ Naitu igne ne cheke eghu, ‘Iara ginauna tei chekedi nogna profet mae Ehab igre mala cheke chaichaghi mare.’ “Lord ne cheke eghu, ‘Tei sagho gognarogne, mala tei mana ka magra.’ ”

Diutronomi 2:36

Ka narane tuana, Lord neke togho ghita tahati neke hata nodi namono mare te funu Aroa ka geri Khoꞌu Anon, nei namono ka sare rhegna khoꞌu igne, tei posa ke raru namono Gilead. Theo kaisei namono te bara thina te haghe fara ba maku fara te mala theome tangomana tahati te uluni na.

Jenesis 6:3

Aonu Lord ne cheke eghu, “Iara ginauna na theome snakredi mala karha fabrahu naikno igre. Iara ginauna na snakredi mare mala karhau nabagna kaisei gobi varadaki finogha kolho ame lehe nga eghu.”

Eksodas 8:32

mae king neke maku fapulo nagnafagna na neke theome snakredi naiknore.

Eksodas 10:1

Ke leghugna igne, Lord neke cheke eghu ka mae Moses, “Moses, iagho ke pulo mala ke tei filoni king gna Ijep. Eigna iara neke famamhaku nagnafagna king na nei nagnafadi hatimare nogna mae funei mana re eghu, mala tangomana iara te eꞌei kofubobhoi igne ke uludi mare.

Eksodas 10:27

Nu Lord neke famamhakui nagnafagna mae king na ne theome snakredi mae Israel gre te tei na.

Eksodas 11:9

Lord ne cheke eghu ka me Moses, “Mae king ginau na tirogna fanomho ka nou cheke iagho re, eghume iara ginau na nake edi keha kofubobhoi agne Ijep.”

Eksodas 11:10

Mae Moses ghe mae Eron ne edi kmana kofubobhoi ke ulugna mae king, nu Lord ne famamhaku nagnafagna mae king na. Eghuteuna mae king ne tirogna snakredi naiknodi Israel re te jifla ka nogna kantri na.

Nodi Khoje Hatimare Mae Jiu 78:43

Ka narane tuana God neke edi kofubobhoi ka sare Soan jare Ijep, nu mare neke theome ghathodi kolho neku.

Eksodas 3:19

Nu iara lasenihi eigna king gna Ijep ginauna theome snakre ghami ghotilo te tei na, jame te theome huhuruni iara mana te mala eni igne.

Eksodas 8:11

Ghotilo ginau na theome filodi groma igre aheva nga ka sugamu iagho na, ba ka sugadi hatimare nou mae funei nei naikno teu iagho are eghu, nu jare ka Khoꞌu biꞌo Nael kolho.”

Eksodas 8:15

Nu kate filoni mae king teke la theohi kaisei groma jare teke la keli fapulohi gobigna lepore, mana neke maku fapulo nagnafagna na jateula teke chekeni Lord ia neu ne tirogna fanomho ka unha te chekedi mae Moses ghe mae Eron igre.

Eksodas 14:17

Eghuteuna iara ginau na famamhaku nagnafadi mae Ijep are mala ari mare ke leghumi ghotilo. Iara ginau tapla soruni mae king gna Ijep ana baludi nogna mae soldia te gnokro ka chariot, nei hose nei iheire te nonolo kolho pari teu are. Eghuteuna naikno te filoni unha te eni iara igne na, mare ginau na fafnaknoni nanghagu iara na. Mae Ijep gre ginau na laseni te kaisei Iara gne ngala Lord na!”