Eksodas 4:20 - Buka Blahi Ka Cheke Holo

²⁰ Aonu Moses atha khetogna na nei phei thugnare ne fasaghedi ka nogna dongki na neke figri Ijep. Eghuteuna mana jaola ne atha nogna khodo teke cheke God mala atha mana tekuna.

Eksodas 4:20 ပူးပေါင်းရင်းမြစ်များ

Eksodas 17:9

Aonu mae Moses ne cheke eghu ka mae Josua, “Iagho na vavahi keha mae ka mae tahati igre mala jifla nathuꞌu mala tei magra ka hatimare mae Amalek. Nu iara ginau na kegra ka thogele ikoi igne balugu khodo mala atha iara teku God igne.”

Naba 20:11

Aonu mae Moses ne loku haghe khodo na ne phia fata cha lao ka thina biꞌo na, eghuteuna khoꞌu ne loloro mei, aonu naikno baludi glepo te tautagu re ne koꞌu.

Eksodas 4:2

Aonu Lord ne ghusna eghu ka Moses, “Unha site loku teu iagho ana ia?” Eghuteuna Moses ne cheke eghu, “Kaisei khodo.”

Eksodas 4:17

Eghuteuna iagho atha nou khodo na mala ei kofubobhoi.”

Mae Khuru 7:29

Kate nomhini mae Moses igne, mana ne rikha Ijep ne tei ne au ka namono Midian. Aonu, mana ne tolaghi jare ne au phei thugna nalhaꞌu.

Eksodas 2:22

Ke leghu, Sipora ne karha kaisei thugna nalhaꞌu, eghuteuna mae Moses ne ghaoghatho eghu, “Iara kaisei mae phosa ka namono igne. Eghume, iara kiloni mae sitei igne Gesom. Gaoghathogna nangha igne, ‘Mae phosa.’ ”

Eksodas 14:16

Eghuteuna atha nou khodo ana mala tusu lao ke kligna thongna, eghuteuna thongna gne ginau na fnota pea mala tei kasa mae Israel gre kate khapra fari hoteidi phei gringni khoꞌu te au ka phei philedi are.