Eksodas 4:15 - Buka Blahi Ka Cheke Holo

^15-16 Iara ginauna togho ghami ghopa mala cheke, eghuteuna iara ginauna fagriu ghami unha te mala eni ghopa na. Iagho ginauna chekedi cheke igre ka mana, iagho jateula God eghu ka mana. Eghuteuna Eron ginauna mala cheke ka naiknore tughu nigho iagho, mana mala jateula foflomu eghu iagho.

Eksodas 4:15 ပူးပေါင်းရင်းမြစ်များ

Profet Isaia 51:16

Iara neke lilisei maloa gne ka thofno mala augna na, eghuteuna lilisei famaku nauthoglu igne. Iara neke cheke eghu ka naikno te au ka namono Jerusalem, ‘Ghotilo nogu naikno iara.’ Iara neke farirhiu ghami ghotilo, eghuteuna iara reireghi ghami ka khamegu iara.”

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Diutronomi 18:18

Uve, iara ginauna kuru mei kaisei mae profet jateula iagho eghu, eghuteuna mana ginauna kaisei mae kheradi thedi. Iara ginauna cheke lao ka mana nogu chekere, eghuteuna mana ginauna cheke ka naiknore gobigna lepo teke chekedi iara ka mana ra.

Naba 23:16

Aonu Lord mei ne thafoni mae Balam, ne toutonu ka mana unha te mala tonudi mana re, eghuteuna ke kuru fapuloni mana ka mae Balak mala tonu ka mana nogna thonu re.

Naba 23:12

Mae Balam ne cheke eghu, “Iara chekedi kolho unha te cheke meidi Lord ka iara re.”

Naba 23:5

Aonu Lord ne tufa lao kaisei nonomho ka phepeogna mae Balam ne cheke eghu, “Iagho ke pulo ka mae Balak eghuteuna toutonu lao ka mana nonomho igne eghu.”

Profet Jeremaea 1:9

Aonu, Lord ne habo ka foflogu iara na, ne cheke eghu, “Filo sagho! Iara gognarona tusu ari ka iagho nogu cheke na mala tei toutonu iagho ka naiknore.

Profet Isaia 59:21

“Igne nogu nhaꞌa cheke iara na: Iara lisei soru Tharungagu na ka ghotilo, eghuteuna iara neke tusu arihi ka ghotilo nogu farirhiu ra. Eghuteuna phei glepo igre, Tharunga ghe Farirhiu ginauna au fabrahu balumi ghotilo. Phei glepo igre ginauna na au fabrahu baludi thumi ghotilore, eghuteuna jaola au baludi iheire nate karha mei ke leghumi ghotilore tifa tifa.” Igne chekegna Lord.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Fapea Samuel 14:3

Aonu iagho tei filoni king mala toutonu ka mana u thoutonu nate toutonu ari iara ka iagho igne!” Aonu, mae Joab ne funu toutonu ka naꞌa u thoutonu te mala toutonu naꞌa ka mae king na.

Naba 22:38

Nu mae Balam ne cheke eghu ka mana, “Uve, iara la meihi gognaro na. Nu iara na theome chekeni kaisei glepo mala togho nigho iagho. Nu iara na chekedi kolho unha teke cheke mei God ka iara re.”

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Ululahu Korin 11:23

Farirhiu teke hata iara ka Lord na tela tusu arihi iara ka ghotilo ana. Tutuani, ka bongi mae Judas teke snakreni Jisas ka khamedi mae naokare, Lord Jisas neke hata bret na,

Diutronomi 5:31

Iagho kolho nate au teu agne balugu iara na. Eghuteuna iara ginauna tusu ari ka iagho nogu cheke te gnafa nei vetula, nei cheke faheta te gnafa teu igre. Eghuteuna ke leghu na, iagho mala farirhiu glepo igre ka naiknore, mala leghudi mare ka glose teke tusu lao iara ka mare mala khotodi.’ ”

Ululahu Korin 15:1

Gognaro na, kheraguro, iara magnahaghe ghami ghotilo teke ghatho fapuloni u Nonomho te Keli teke toutonunihi iara ka ghotilo ia. Ghotilo neke hata balu gleale'a, eghuteuna nomi fatutuani ghotilo re kegra maku tagna.

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Eksodas 4:28

Moses ne toutonu ka Eron gobigna lepo teke chekedi Lord ka mana re. Eghuteuna mana jaola chekedi kofubobhoi teke chekedi Lord mala edi mana tekure.

Eksodas 4:30

Eron kegra haghe ne chekedi gobigna lepo teke chekedi Lord ka Moses, mala jaola ke edi kofubobhoi igre ke uludi naiknore.

Naba 16:28

Mae Moses ne cheke eghu, “Gognaro na, ghotilo ginauna laseni eigna God ngala teke kuru mei ghau iara mala edi gobigna lepo igre. Eghuteuna ghotilo ginau jaola laseni te theome edi iara gobigna lepo igre ka gaoghathogu thegu na.

Ululahu Samuel 16:3

Eghuteuna iagho ginauna kiloni mae Jesi mala mei ka fafara igne. Iara ginauna falalase ka iagho mae ihei ka thugna mana igre nate fablahi iagho te mala king na.”

Nodi Khoje Hatimare Mae Jiu 51:15

Lord, togho ghau iara mala cheke eigna iara magnahaghei te cheke fakeli nigho na.

Profet Jeremaea 36:32

Aonu mae Jeremaea atha keha pepa brahu na ne tusu lao ka mae Baruk. Eghuteuna mae Baruk neke rioriso soru cheke te gnafa teke au ka pepa brahu ulu lahu teke gnubra King Jehoiakim igre ka pepa brahu igne, baludi kmana cheke teke chekedi mae profet ka mana re.

Nodi Khoje Hatimare Mae Jiu 25:12

Lord, ihei te leghudi nou cheke iagho re, iagho ginauna falalase ka mana nabrou te keli te mala leghuni mana na.