Eksodas 4:13 - Buka Blahi Ka Cheke Holo

¹³ Nu Moses ne cheke eghu, “Lord, iara tore nigho mala kuruni kaisei mae ngau!”

Eksodas 4:13 ပူးပေါင်းရင်းမြစ်များ

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Eksodas 4:1

Moses ne toreni Lord ne cheke eghu, “Faꞌunha eghu jame te tirodi fatutuanidi nogu cheke iara re, ba tirodi fanomho ka iara na? Eghuteuna jame te cheke eghu mare ka iara na, ‘Iagho chaghi! Lord na theome mei kolho ka iagho!’ Jame te eghu na, unha nate chekeni iara ka mare na?”

Jone 6:29

Mana ne cheke eghu ka mare, “U gloku te magnahagheni God te mala eni ghotilo na igne, fatutuani ghau iara, mae ihei teke kuru mei mana gne.”

Matiu 13:41

Iara mae teke mei funu ka God na ginauna kuru fajifladi nogu engel re. Mare ginauna vavahi fadelei ka nogna naikno God igre iheire te eꞌei puhi te diꞌa ba te fariuriu batudi keha naiknore mala theome fatutuani ni God.

Profet Jona 1:6

Kate filoni mana na, kapten ne cheke eghu fabiꞌo ka mana, “Sei! Thuru unha sagho ia? Dofra, tarai balu eha fabiꞌo ka nou god na! Glahu kokhoni ghita mana, eghuteuna tahati ginauna theome lehe.”

Profet Jeremaea 20:9

Jame te cheke eghu iara ka gaoghathogu thegu na, “Gognarona iara ginauna na ghatho ihoni Lord. Iara ginauna tirogu toutonu ka nanghagna mana.” Nu kate ghathoni iara igne na, glamnagu iara na brana jateula khaꞌaghi eghu. Eghuteuna iara haimidi nhubragu fateote'o re jateula te gnhubra eghu. Iara fariu riu mala haboni glamnagu na, nu iara theome tangomana te eni igne na.

Profet Jeremaea 1:6

Aonu iara ne cheke eghu, “Nu Lord God, iara mae majaghani fara. Iara theome raꞌe lase cheke fakeli!”

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.

Eksodas 23:20

Lord ne cheke eghu, “Filo si ghotilo, iara ginau na kuruni nogu engel na mala tei ke ulumi ghotilo mala reireghi ghami ghotilo ka nabrou te mala tei ghotilo na. Mana ginau na atha ghami ghotilo tei ka kantri teke kulu tarabana teku iara mala tei au ghotilo tagna teku ia.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Ululahu Kings 19:4

Aonu mae Elija nolo kaisei narane thongana ne tei ka namono nagou na. Mana tei ne filoni kaisei gaju ikoi ne tei gnokro ka naungo gna gaju igne ne tarai, “Nabahi! Lord, iagho hata fadelei nakarhagu iara gne. Te keli na iara mala lehe jateula mae kmagu ra eghu kolho.”

Jenesis 24:7

Lord, God gna kligna na neke hata fajifla ghau iara ka suga gna mae kmagu na, nei ka glosedi eghu vikegu iara re neke nhaꞌa cheke eghu ka iara, ‘Iara ginauna na tusu ari ka vikemu iagho gre namono igne.’ Eghume Lord ginauna na kuruni nogna engel na mala baubatu nigho tei posa ka namonogu iara na. Eghuteuna engel igne ginauna na togho nigho iagho mala hata iagho kaisei gaꞌase malagna mae thugu iara na jare.

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Eksodas 4:14

Lord ne diꞌatagna fara ka Moses, ne cheke eghu ka mana, “Thabusimu Eron, mae ka vikegna Livae, mana kaisei mae keli mala cheke, mana ginauna mala togho nigho iagho. Gognarona mana mei mala thafo nigho iagho, eghuteuna mana ginauna na kelitagna te filo nigho iagho na.

Jenesis 41:35

Hatimare mae funei igre mala salo fodu gano te hata mare ka finogha te keli te mei igre. Mae igre mala loku ke parimu iagho mala salo fodu gano mala lilisei ka sugagna gano na ka namono gre.