Eksodas 4:11 - Buka Blahi Ka Cheke Holo

¹¹ Lord ne cheke eghu ka mana, “Ihei teke eni foflogna naikno na? Eghuteuna ihei te mala eni naikno na te mala megli ba te mala theome lase cheke na? Ihei te mala eni naikno na te mala fifilo na, ba te mala dofu na? Iara Lord, iara ngala tangomana te edire glepo igre.

Eksodas 4:11 ပူးပေါင်းရင်းမြစ်များ

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Nodi Khoje Hatimare Mae Jiu 146:8

Mana tothora tathadi iheire te dofu nei togho haghedi iheire te au pari lahu ka nakarhadire. Eghuteuna mana namhadi nei toghodi eghu fabrahu iheire te doglo puhidire.

Profet Isaia 6:7

Mana ne famei ka phepeogu iara na sisibe brana igne, ne cheke eghu ka iara, “Filo sagho, God, la hata fadeleihi nakhibomu iagho re, naugna sisibe brana igne la arihi ka phepeomu iagho na.”

Nodi Khoje Hatimare Mae Jiu 94:9

God ngala teke vuavuhadi khulida tahati gre! Ba? God na ne megli neu si ghotilo ia? Mana ngala teke vuavuhadi tathada tahati gre! Ba? God na ne dofu neu si ghotilo ia?

Nodi Khoje Hatimare Mae Jiu 51:15

Lord, togho ghau iara mala cheke eigna iara magnahaghei te cheke fakeli nigho na.

Profet Jeremaea 1:9

Aonu, Lord ne habo ka foflogu iara na, ne cheke eghu, “Filo sagho! Iara gognarona tusu ari ka iagho nogu cheke na mala tei toutonu iagho ka naiknore.

Profet Jeremaea 1:6

Aonu iara ne cheke eghu, “Nu Lord God, iara mae majaghani fara. Iara theome raꞌe lase cheke fakeli!”

Profet Esikiel 33:22

Ka grafi ame thoke mei nga mae igne ka sugagu iara teuna, Lord ne habo ghau iara ka nogna nolaghi na. Aonu kate mei mae igne hamerane ka keha narane na, Lord ne fasnaglini glapigu iara na ne tangomana iara te cheke na.

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Profet Isaia 42:7

Iagho ginauna nake fakelidi tathadi iheire te dofu mala ke fifilo fakeli, eghuteuna toghodi iheire te au ka suga sosolo te romno mala jifla mei ka nasnagla.

Luku 1:20

Nu fanomho ka igne! Iagho ginauna iho cheke naugna iagho ne theome fatutuani ni nogu cheke iara na. Glepo te chekedi iara ka iagho igre ginauna na thoke mei tutuani. Ke leghugna igne, iagho ginauna nake tangomana teke cheke na.”

Luku 1:64

Ka narane tuana, mae Sekaraea neke tangomana teke cheke na. Mana ne funu kilo fnaknoni God.

Jone 10:21

Keha naiknore ne cheke eghu, “Theo. Mae te au naitu na theome tangomana te cheke eghu na. Naugna naitu na theome tangomana te fakelini tathagna mae te dofu na.”

Jenesis 11:7

Mei ghopa mala soru goigonini tatilo nodi cheke mare igne, mala fari ihoi mare kate cheke fari thedi na.”

Proveb 20:12

Lord tusu ranghi ghita tatha mala fifilo, eghuteuna khuli mala fanomho.