Eksodas 4:10 - Buka Blahi Ka Cheke Holo

¹⁰ Nu Moses ne cheke eghu ka Lord, “Lord, iagho thosei kuru ghau iara, naugna funu tifa te mei na, iara theome raꞌe cheke fakeli. Eghuteuna neuba iara ne chekehi balumu iagho, nogu cheke iara gre theome keli kolho. Iara cheke ghu na thoghei fara, eghuteuna iara theome laseni te cheke fakelidi chekere.”

Eksodas 4:10 ပူးပေါင်းရင်းမြစ်များ

Profet Jeremaea 1:6

Aonu iara ne cheke eghu, “Nu Lord God, iara mae majaghani fara. Iara theome raꞌe lase cheke fakeli!”

Eksodas 6:12

Nu Moses ne kegra ke ulugna Lord ne cheke eghu, “Nu iara theome lase cheke fakeli. Jame te tirodi fanomho naiknodi Israel igre ka iara na, faꞌunha eghu king igne fanomho ka iara? Eigna iara gne theome lase cheke!”

Fapea Korin 11:6

Neuba iara ne theome raꞌe lase cheke fara, nu kau Nonomho te Keli gne glalase na au ka iara. Eghuteuna leuleghu fata na ghehati la falalasehi igne ka ghotilo.

Mae Khuru 7:22

Eghuteuna maedi Ijep re ne farirhiuni mae Moses glepo te gnafa te lasedi mare re. Mana ne biꞌo haghe ne kaisei mae nolaghi fara ka nogna cheke ba ka nogna glokure.

Eksodas 4:1

Moses ne toreni Lord ne cheke eghu, “Faꞌunha eghu jame te tirodi fatutuanidi nogu cheke iara re, ba tirodi fanomho ka iara na? Eghuteuna jame te cheke eghu mare ka iara na, ‘Iagho chaghi! Lord na theome mei kolho ka iagho!’ Jame te eghu na, unha nate chekeni iara ka mare na?”

Fapea Korin 10:10

Kaisei naikno jame cheke eghu, “Mae Pol gne nogna letas re nolaghi fara. Nu kate au baluda tahati na mana theome nheta, eghuteuna nogna cheke mana re theo nafudi kolho!”

Thoutonu Eigna Mae Job 12:2

“Jau ghotilo thilo mae igre mae glalase fara! Jau kate lehe ghotilo thilo mae igre na, ginauna na theo kaisei mae glalase nate au ka nauthoglu igne!

Eksodas 3:11

Nu Moses ne cheke eghu ka God, “God, iara theome nabagu te tei kegra ke ulugna mae king te mala atha naiknodi Israel te mala jifla Ijep na, theo fara.”

Eksodas 6:30

Nu Moses kegra ke ulugna Lord ne cheke eghu, “Iara theome tangomana te eni igne! Iara theome lase cheke fakeli. Faꞌunha eghu king igne fanomho ka iara?”

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.