Eksodas 39:43 - Buka Blahi Ka Cheke Holo

⁴³ Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Eksodas 39:43 ပူးပေါင်းရင်းမြစ်များ

Fapea Kronikols 30:27

Aonu mae pris nei mae Livaet teu igre ne kegra haghe ke uludi naiknore ne tarai ka God mala fablahidi naikno igre. Eghuteuna God mae ihei te au kligna ka nogna namono blahi na ne nomhidi nodi tharai mare re.

Ululahu Kings 8:14

Kate kegra teu naiknodi Israel ka vido tuana, king figri mei ne fablahidi naiknore.

Fapea Samuel 6:18

Eghuteuna kate gnafa fafara igne, mana ne fablahidi naiknore ka nanghagna Lord mae ihei te au nolaghi fateote'o.

Nodi Khoje Hatimare Mae Jiu 104:31

Jame te keli na nogna nolaghi biꞌo God igne mala au fabrahu tifa e tifa. Uve, keli fara te keli tagna God ka unha teke vuavuha mana re.

Fapea Kronikols 6:3

King figri lao ka naiknodi Israel te kegra teu ka vido tuana ne fablahidi mare.

Josua 22:6

Aonu Josua ne fablahidi, ne cheke eghu ranghidi, “Ghotilo tangomana te tei ka namono na. Eigna gognarona ghotilo dedei nomi fara, ghotilo au kmana nomi buluka, sipu, nanigot, nei silva, nei gol, nei bras, nei aean, nei jaola kmana nomi pohe. Ghotilo hata glepo teke uludi ghotilo ka magra ka nomi naoka ra, eghuteuna tufa ka vikemi ghotilo are.” Eghuteuna kate cheke te gnafa ka mare na, mare neke pulo ka namono. Tifa na, Moses neke snakre tei glose ka vido gaga vikegna Manase, eghuteuna glose igne te au ka rijon Basan ke maghati ka keha phile Khoꞌu biꞌo Jordan. Nu ke leghu na, Josua neke tusu lao glose ka keha vido gaga vike igne, ka keha phile ke mosu Khoꞌu biꞌo Jordan, ka namono aheva teke aula keha vikere.

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Jenesis 1:31

God ne filodi glepo te keli igre ne glealeꞌa fara. Rafi soru nei hamerane haghe. Igne fafamno narane na.

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Nehemaea 11:2

Keha naiknore magnahaghei te tei au Jerusalem, eghuteuna naiknodi Israel igre ne cheke fakelidi mae igre.

Ululahu Kronikols 16:2

Eghuteuna ke leghugna te fafara te gnafa na, mae Devet ne fablahidi naiknore ka nanghagna Lord.

Eksodas 40:25

Mana lilisei juta igre ke kligna gna Thaba igne, ke ulugna vido aheva Lord nate au tagna, igne thofno leghuni unha teke chekeni Lord.

Eksodas 39:42

Naiknodi Israel igre mare edi gobigna lepoi igre thofno leghuni unha teke chekeni Lord ka Moses.

Eksodas 40:1

Lord ne cheke eghu ka Moses,

Profet Jeremaea 13:5

Aonu iara ne leghuni unha te chekeni Lord igne ne tei pophoru pohe igne Pera.

Eksodas 7:6

Aonu, Moses ghe Eron ne eni unha Lord teke chekeni mala eni phiamare teku na.

Eksodas 12:28

Eghume, ke leghugna igne naiknore kegra haghe ne tei eni unha teke chekeni Lord ka mae Moses ghe mae Eron na.

Eksodas 25:9

Eghuteuna ghotilo mala horo Suga Tapuale te Blahi igne nei gobigna lepo te mala au ke lamnagna suga igne, thofno leghuni unha nate falalase iara ka iagho igne.”

Levitikas 16:34

“Vetula igre ghotilo mala leghudi fabrahu. Kaisei narane kolho leghu finogha na ghotilo mala edi glepo igre ka narane biꞌo igne mala hata fadelei nakhibomi te gnafa ghotilore.” Eghume, Eron neke leghudi unha teke chekedi Lord ka Moses.

Ululahu Kings 6:38

Eghuteuna ka fahana nhigra ka nabotho kaisei finogha gna King, mare ne loku fahui Sugablahi igne. Mare horo ne thofno horoghoto ka unha teke ghathoni mana na. King Solomon ne hata fitu finogha te horo Sugablahi igne.

Ululahu Kings 8:55

Aonu mana ne cheke fabiꞌo ne fablahidi naiknodi Israel.