Eksodas 39:39 - Buka Blahi Ka Cheke Holo

³⁹ Olta mala Gahu Fafara balu kharaꞌo teke hohoro mare ka bras, nei phei gaju mala pala, nei keha glepo gna re. Dis biꞌo teke horo ka bras balu pesi gna.

Eksodas 39:39 ပူးပေါင်းရင်းမြစ်များ

Ululahu Kings 8:64

Ka narane igne King Solomon ne fablahi glalaba ke ulugna Sugablahi na, naugna olta teke horo mare ka bras igne ikoi fara, theome naba te kafe gahu fafara igre tagna na. Eghume ka vido igne te gahu te krono mare fafara na, fafara wit nei fafara garofa teu te mala au ka pharikeli balugna Lord.

Eksodas 38:30

Mare neke atha bras igre mala edi pesidi khegra igre maladi pohe te mala bobotho grengatha gna Suga Tapuale te Blahi na, nei mala eni Olta mala Gahu Fafara nei kharaꞌo biꞌo teke hohoro ka bras, eghuteuna gobigna lepo teke edi mare ka Olta igne.

Eksodas 27:4

Eghuteuna mare eni kaisei kharaꞌo teke hohoro ka u bras waea. Mare nhaꞌa lao kharaꞌo igne pari ka reil na mala soru lamna fari hotei rhegna olta igne, theome thoke pari. Eghuteuna mare edi fati ring ka bras, mala gefe ka fati phile gna kharaꞌo igne.

Eksodas 30:18

“Iagho ginauna horo kaisei dis ka bras eghuteuna iagho atha bras mala horo pesigna dis na. Iagho lilisei dis igne farihotei olta ghe Suga Tapuale te Blahi, eghuteuna iagho fafodu khoꞌu tagna.

Eksodas 39:38

Olta mala Gahu Insens teke ghiha ka gol, balu oel blahi te mala fablahi glepo, nei insens te famane sisiri, nei pohe biꞌo te mala bobotho grengatha ke ulugna suga tapuale na.

Eksodas 39:40

Pohe mala bara lithuini Suga Tapuale te Blahi igne nei khegra nei pesidi re, nei pohe te mala bobotho gna grengatha gna bara igne, nei gnarho gna Suga Tapuale te Blahi nei bara gna na, nei glepo teke tuge soru mare lamna glose te mala haru gnarho gna Suga tapuale igne. Keha glepoi te mala edi ka Suga Tapuale te Blahi mala Thafoni God.

Eksodas 27:1

Lord ne cheke eghu ka mae Moses, “Iagho ginauna eni kaisei olta ka thaba gaju akesia. Olta igne kaisei nanaba kolho, brahu gna nei krepa gna teuna thokeni phei gobi varadaki glima sentemita, eghuteuna haghe gna na thokeni kaisei gobi tolufulu glima sentemita.