Eksodas 38:8 - Buka Blahi Ka Cheke Holo

⁸ Mare eni kaisei dis biꞌo eghuteuna mare jaola eni pesi gna na. Mare atha ka nodi thiro goro gaꞌase te loku ka grengatha gna Suga Tapuale te Blahi na ne edi phei glepo igre ka bras.

Eksodas 38:8 ပူးပေါင်းရင်းမြစ်များ

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Ululahu Samuel 2:22

Ka narane igre, mae Eli gne la kuekuꞌe fara, eghuteuna leuleghu fata na mana nomhidi thoutonu eidi unha te edi phei mae thugna re ka naiknore, nei puhi te thuru fodu phiamare baludi goro gaꞌase te loku ka grengathagna nogna Sugablahi Lord na.

Eksodas 40:7

Eghuteuna iagho atha mei Dis Biꞌo mala wasi ia, mala nanhaꞌa fari hoteidi Olta mala Gahu Fafara nei Suga Tapuale te Blahi, eghuteuna iagho fafodu koꞌu tagna.

Ululahu Timoti 5:5

Jame kaisei thau te lehe khetogna na au kolho thegna, eghuteuna theome toghoni thegna teuna, naꞌa na nhaꞌa lao nogna fatutuani te biꞌo na ka God, eghuteuna toreni nogna thotogho God na bongi narane.

Jone 13:10

Mae Jisas ne cheke eghu ka mana, “Mae ihei tela kulu apu tela gaehi na mana theome tangomana teke apu thinigna tongana na. Khogla ghahegnare kolho nate titihi na. Aonu, iara na titihi ghahemu iagho gre kolho, naugna ghotilo nogu mae fanomho iara gre la kafe gaehi. Nu te chekeni iara na, ghotilo theome kafe gae.”

Profet Sekaraea 13:1

“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Jone 18:16

Eghuteuna, mae Pita tei ofo neu ke kosi rhegna grengatha na. Aonu, keha mae fanomho te laseni mae pris ulu na neke jifla kosi. Mana ne cheke ka gaꞌase gloku te reireghi grengatha na, mana tathaleini mae Pita ne ruma lamna suga.

Matiu 26:69

Kate gnokro teu mae Pita ka glalabagna suga na, kaisei gaꞌase te loku ka mae pris biꞌo na mei ne cheke eghu ka mana, “Iagho kaisei mae balugna la mae Jisas gna Galili.”

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Ululahu Kings 7:38

Mae Huram jaola ne edi nabotho dis biꞌo teke hohoro ka bras ne lilisei ka kat igre. Biꞌodi dis khoꞌu igre te funu ka keha phile na te thoke ka keha phile na, kaisei mita nei nhanasalei sentemita. Eghuteuna kaisei besin na tangomana te thokeni nhana gobi nhanasalei lita.

Eksodas 31:9

nei olta mala gahu fafara baludi gobigna lepo re, nei dis teke horo ka bras balu pesigna.

Eksodas 38:7

Mare huta tei phei gaju igre mala tei ruma ka ring te au ka keha phile gna olta igne. Mare horo olta igne ka thaba, eghuteuna thora jateula bokis eghu.

Eksodas 30:17

Lord ne cheke ka Moses,

Fapea Kronikols 4:2

Mare horo kaisei tangk biꞌo ka bras. Haghegna na salaꞌudi phei mita, eghuteuna ke lamna te funu ka keha phile na te tei thoke ka keha phile na, namo fati mita vidogna, eghuteuna thutagna te lithui ke kosi na nabotho thiloi mita vidogna.