Eksodas 38:24 - Buka Blahi Ka Cheke Holo

²⁴ Gol atha te mei naiknore te mala tusu lao ka Lord te mala loku ka Suga Tapuale te Blahi igne, tahudi re thokeni nheva gobi nheva salei glima kilo. Kate skel mare gol igre, mare edi ka nodi skel mae pris.

Eksodas 38:24 ပူးပေါင်းရင်းမြစ်များ

Naba 18:16

Kate thokeni kaisei nhigra mae sua nalhaꞌu na, mae kmagna na ginau foli fajiflani mana ka iara. Eghuteuna foligna mana te nanhaꞌa lao iara na glima silva koen teke skel mare ka nodi skel mae pris ra. Tahugna silva koen igne jateula varadaki koen ikodi te kilodi mare ‘gera.’

Naba 3:47

Eghume folidi mae tuare, glima sileni silva kaisei mae eghu. Mare mala leghudi sileni teke skel mare ka nodi skel mae pris ke lamnagna Sugablahi ia.

Levitikas 27:25

Ihei te magnahaghei foli fajifla kaisei mae ba kaisei glepo mala snagla tei, mana mala foli fajifla ka praes pris teke fananaba ka silva teke skel mare ka nodi skel mae pris.

Profet Hagae 2:8

Eghuteuna bukrei silva nei gol teu te au ka nauthoglu igne nogu iara.

Levitikas 27:3

mana mala foli fajifla ka praes teke lilisei pris ka silva.” Kaisei mae te varadaki finogha tei thokeni namnosalei finogha, praes na glimafulu silva.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.

Eksodas 35:22

Uve, nalhaꞌu ba gaꞌase te thofno au nagnafadi fara te mala tusu lao glepo ka Lord igre, mare atha mei famane glepo teke horo mare ka gol, nei keha nafnata glepo mala lilisei ka pohe, nei dedenge, nei ring, nei chen mala babaꞌo. Mare pala haghe gol igre jateula nodi fafara eghu mala fagaglana gna te glepo igre nogna Lord.

Eksodas 30:24

nei namno kilo kasia. Iagho skel ka nodi skel mae pris ana. Iagho atha fati lita oliv oel,

Eksodas 29:24

Iagho atha bret baludi nafnahi igre, eghuteuna lisa lao ka khamegna Eron nei ka thugna mana re, eghuteuna iagho cheke ka mare mala pala mei haghe ke ulugu jateula kaisei thufa eghu ka iara.

Eksodas 25:2

“Chekedi naiknodi Israel ra mala atha mei nodi fafara re ka iara. Eghuteuna iagho atha mei unha te magnahaghei totogho mare ka nafnata gaoghatho te keli.