Eksodas 38:21 - Buka Blahi Ka Cheke Holo

²¹ Igre glepo teke edi mare ka gol, nei silva, nei bras eghu te edi mare ka Suga Tapuale te Blahi jaola te kiloni mare “Suga tapuale fagaglana gna nogna Nhaꞌa Cheke Lord.” Moses neke cheke ka Itama thugna pris Eron mala rioriso soru glepo igre, eghuteuna chekedi mae Livaet mala toghoni mana.

Eksodas 38:21 ပူးပေါင်းရင်းမြစ်များ

Mae Khuru 7:44

“Uve, kani au nga tekeu mae kuꞌeda ra ka namono nagou na, mare pala neke tei koba baludi suga tapuale tuana, fagaglana gna God te au baludi na. Mare hohoro suga tapuale tuana leghuni unha teke chekeni God ka mae Moses na, igne ne nanaba fara ka thotoghale teke filoni mana na.

Fapea Kronikols 24:6

Aonu king ne kilo meini Pris Jehoada, mae ihei te lida ka hatimare mae pris. Joas ne cheke eghu ka mana, “Naugna unha sagho te theome chekedi mae Livaet ra te salo takis ka naiknodi Jerusalem nei Juda teu ra? Mae Moses nogna mae gloku Lord neke chekeni takis igne ka vikegna Israel tifa ra mala foli takis te mala reireghigna Suga Tapuale te Blahi na.”

Naba 10:11

Ka fa varadaki narane ka fapea nhigra gna fapea finogha na, ke leghugna teke jifla mare Ijep na, nogna gromno Lord na ne thugha tei ke kligna gna Suga Thapuale te blahi na,

Naba 9:15

Ka teke lisu haghe mare suga thapuale gna nogna bokis blahi nhaꞌa cheke Lord na, kaisei gromno biꞌo nogna Lord ne mei toku tafruni suga thapuale na. Eghuteuna kate bongi na, mare ne filoni gromno igne ne agha jateula khaꞌaghi neu.

Naba 1:53

Nu vikegna mae Livae gne te mala au faligohoni Suga Thapuale te Blahi igne, mala fiofiloni nei reireghini eghu, mala theome tangomana kaisei naikno te mei goigonini na. Ka puhi igne, iara ginauna theome diꞌatagu ka naiknodi Israel.”

Naba 1:50

Nodi gloku vikegna mae Livae gre mala reireghini Suga Tapuale te Blahi igne baludi gobigna lepo te au ke lamnagna. Leuleghu fata na mare mala lisei haghe nodi suga tapuale re faligohoni Suga Tapuale te Blahi na, eghuteuna ghotilo ginauna na pala balumi Suga Thapuale te Blahi igne kate tei ghotilo ka keha vido re. Eghuteuna mae ihei nga ke kosigna vikegna mae Livae ne mei ke lamnagna vido te blahi igne, ghotilo ginauna faleleheni mae tuana.

Naba 18:2

Mae kheramu iagho, mae Livaet gre nate togho nigho iagho kate loku iagho baludi thumure ke ulugna Suga Tapuale te blahi na.

Eksodas 6:23

Eron neke tolaghi ka Eliseba thugna gaꞌase Aminadab greghagna Nason. Eghuteuna Eron ghe Eliseba ne au fati thudi nalhaꞌu, Nadab, Abihu, Eleasa, nei Itama.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Fapea Pita 1:13

Igne gaoghathogu iara na, karha nga teu iara ka nauthoglu gne, jame te keli na iara togho ghami ghotilo mala thosei ghatho ihodi ghotilo.

Hibru 9:11

Nu mae Kraes mae pris biꞌo na hata la meihi glepo te keli ka tahati gognaro gne. Mana rumahi ka chogho te blahi fara teke theome horo naikno nei theome nogna nauthoglu igne. U chogho tuana te au ka suga tapuale gna kligna te ulu nei klino ke tulao gna suga tapuale tifa na.

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Matiu 17:4

Aonu mae Pita ne cheke eghu ka mae Jisas, “Lord, keli fara te au tahati agne na. Jame magnahaghei iagho na, iara na horo thilo grorofe agne, kaisei malamu iagho, kaisei malagna mae Moses nei kaisei malagna mae Elija.”

Nodi Khoje Hatimare Mae Jiu 15:1

God, ihei gne te nabagna te mala ruma ka sugamu iagho na? Ihei gne te nabagna te mala tufru soru nigho Saion ka nou thogele te blahi na?

Thoutonu Eigna Mae Job 26:1

Job ne cheke eghu:

Thoutonu Eigna Mae Job 22:23

Kate figri fapulo iagho ka God mae ihei au nolaghi fateote'o igne na, iagho lilisei puhi te diꞌa ka nakarhamu na, eghuteuna iagho ginauna nake keli.

Thoutonu Eigna Mae Job 11:4

Te chekeni iagho na glepo te ghathodi iagho re doglo. Eghuteuna te chekeni iagho na nakarhamu iagho na klino ka tathagna God na.

Ululahu Kronikols 6:3

Mae Amram neke au thilo thugna, phei nalhaꞌu nei kaisei gaꞌase, nanghadire, mae Eron, mae Moses nei Miriam. Mae Eron neke au fati thugna nalhaꞌu, nanghadi fati mae igre neke mae Nadab, mae Abihu, mae Eleasa nei mae Itama.

Naba 24:5

Namono ghotilo vikegna mae Jekob gre thono famane fara!

Eksodas 40:3

Iagho atha Bokis Blahi gna Nhaꞌa Cheke. Nabotho Vetula te au ka phei thina tataba igre mala nhaꞌa lao lamna ka Bokis Blahi igne, eghuteuna lilisei lamna Suga Tapuale te Blahi igne, eghuteuna fagefe lao pohe igne mala fofota chogho igne ka phei vido, mala fofotho chogho te au teu Bokis Blahi igne.

Eksodas 26:33

Iagho mala fagegefe pohe biꞌo igne ka thagho teke horo ka gol, mala fofota gna chogho biꞌo ke lamnagna suga tapuale igne ka phia vido. Chogho ululahu igne mare kiloni Chogho Blahi, eghuteuna keha chogho na au ke dela gna, Thofno Chogho Blahi igne. Eghuteuna iagho mala lilisei lamna ka Thofno Chogho Blahi igne nogu Bokis Nhaꞌa Cheke Blahi iara na.

Eksodas 25:16

Eghuteuna phei thina tataba te rioriso soru nogu Nhaꞌa Cheke iara ke klignadi igre, iara ginauna tusu ari ka ghotilo, eghuteuna ghotilo mala lilisei phei thina igre ke lamna bokis.

Thakle 15:5

Ke leghudi glepo igre, iara ne filoni suga tapuale te au God tagna na kate thora Sugablahi kligna na.

Eksodas 38:20

Eghuteuna mare atha bras mala horo peg mala tuge sukha lamna glose mala haru phukri gna Suga Tapuale te Blahi nei phukri gna bara na.

Eksodas 38:22

Besalel thugna Uri thugna Hua ka vikegna Juda, mana edi gobigna lepo igre thofno leghuni unha teke chekeni Lord ka Moses.