Eksodas 37:9 - Buka Blahi Ka Cheke Holo

⁹ Eghuteuna mana jaola edi phei engel igre mala fari totoi, eghuteuna repa filo soru ka thotoku igne. Eghuteuna phei baghidi re fnerha tei ka repa, mala tava baghidi re ke kligna gna bokis igne.

Eksodas 37:9 ပူးပေါင်းရင်းမြစ်များ

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Jone 1:51

Mae Jisas ne cheke eghu ka mare, “Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.”

Profet Isaia 6:2

Hatimare mae engel ne kegra falithuini mana. Eghuteuna mare te gnafa na sopa au namno baghi, keha phei re mala toku tafru tathagna nei foflogna teure, eghuteuna keha phei re mala toku tafru thinigna na, eghuteuna keha phei re mala flalo.

Eksodas 25:20

Phei engel igre fari totoi ke kligna bokis, eghuteuna filo soru ka thotokugna bokis igne. Eghuteuna baghidi re fnerha ke kligna bokis.

Jenesis 28:12

Kate thuru teu mana jare na, mana ne mifi ne filoni kaisei glalako funu pari posa kligna. Eghuteuna mana ne filodi nogna tothoghei engel God re ne haghe nei soru neu ka glalako igne.

Jenesis 3:24

Ke leghugna te kuru fajifladi ka nagare Eden, God ne lilisei kaisei tothoghei engel mala kegra ke maghati gna nagare Eden, nei lilisei kaisei naflahi khaꞌaghi te dudulu te figri tafri na. Mana neke eni igne mala theome tangomana repa te lao thoke ka gaju te mala tusu lao karha na ka naiknore.

Eksodas 37:8

aheva repa te thofno kaisei ka thotoku igne. Kaisei khegra ka keha khukru na, eghuteuna kehana ka keha khukru na.

Eksodas 37:10

Mare ne horo Tevo malagna Bret Blahi igne ka thaba gaju akesia. Brahu gna na thokeni nheva salei sentemita, eghuteuna krepa gna na thokeni phiatutu glima sentemita, eghuteuna haghe gna na thokeni namno salei fitu sentemita.

Ululahu Kings 6:27

Mare fakegra haghe phei engel igre lamna ka Chogho te Blahi fara na. Aonu khukru baghidi phei engel igre namo ka gringnigna chogho igne, eghuteuna keha khukru baghidi phei engel igre loku fodu farihotei.