Eksodas 37:17 - Buka Blahi Ka Cheke Holo

¹⁷ Mare ei thaba mala lilisei fitu juta ke klignadi, ka famane gol. Mare tuge gol igne mala ei pesigna nei khegra gna. Kapu mala lilisei oel ke kligna gna, mare edi kapu igre mala jateula sisi eghu filodi re, mala vido te gnafa ka thini gna na kaisei vido gol kolho.

Eksodas 37:17 ပူးပေါင်းရင်းမြစ်များ

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Thakle 1:12

Aonu iara ne figri mala filoni mae ihei te cheke mei ka iara igne. Kate filo lao iara na, iara ne filodi fitu juta teke hohoro ka gol te kegra teu jare.

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Matiu 5:15

Jame kaisei mae fakasa juta, mana theome tangomana te lilisei ke pari khara'o na, theo. Nu mana na lilisei haghe kligna, mala kafe phae ka iheire te au kau suga na.

Profet Sekaraea 4:11

Aonu iara ne ghusna eghu ka mana, “Nu unha gaoghathodi phei gaju oliv te kegra ka phei philegna thaba igne?”

Profet Sekaraea 4:2

Mana ne ghusna eghu, “Unha te filoni iagho gognarona?” Iara ne cheke eghu ka mana, “Iara ne filoni kaisei thaba mala lilisei juta teke horo mare ka famane gol. Kligna ka thaba igne au kaisei dis mala lilisei oel. Eghuteuna ke klignadi fitu juta igre kafe au fitu wik mala phaedi fitu juta igre.

Fapea Kronikols 13:11

Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.

Ululahu Kronikols 28:15

Tuana te niha gol te mala horo juta gol na nei thaba te mala liliseidi juta re, nei niha silva te mala horo juta silva re, nei thaba te mala liliseidi juta re.

Levitikas 24:4

Eghume Eron mala fiofilodi fabrahu juta ka Thaba mala lilisei Juta teke edi mare ka famane gol te au ke ulugu iara Lord.”

Eksodas 31:8

Keha glepore igre: tevo mala lilisei bret blahi baludi glepogna re, nei glepo mala lilisei juta baludi gobigna lepo igre eghu te mala horo ka famane gol, nei olta mala gahu insens,

Eksodas 37:16

Mare edi thua nafnotu glepo ka gol mala gna tevo igne. Glepo igre, tapera nei dis, baludi kapu nei botol mala totoho waen te mala fafara lao mare ka Lord.

Eksodas 37:18

Mare edi namno grege mala jifla mei ka khegra igne, thiloi jifla mei ka kaisei phile eghuteuna keha thiloi re jifla mei ka keha phile na.

Naba 8:4

Mare ne tutu lao gol ka thaba mala nhaꞌa juta na, ne fufunu tutu pari ne ghilei haghe thoke ka bukrei sisi kligna re leghuni nogna groghe teke fakakhana Lord ka mae Moses tifa na.”