Eksodas 36:1 - Buka Blahi Ka Cheke Holo

¹ “Besalel ghe Oholiab, eghuteuna keha mae teke tusu ranghidi Lord glalase nei famane gaoghatho te keli teu igre mare mala edi glepo ka nogna Suga Tapuale te Blahi mana na, mae igre mala famane edi gobigna lepo igre jateula teke chekedi Lord re eghu.”

Eksodas 36:1 ပူးပေါင်းရင်းမြစ်များ

Eksodas 28:3

Eghuteuna iagho mala kilo meidi mae teke tusu lao iara glalase tadi ra mala susuki nodi pohe mae pris. Mare mala susuki pohe malagna Eron, mala taofini mana mala loku jateula pris biꞌo eghu.

Eksodas 39:1

Besalel baludi keha mae igre mare edi nodi pohe mae pris igre ka ghajo blu, nei ngonge, nei ukru. Hatimare mae pris fahaghe pohe igre ka narane te loku mare ke lamna Chogho Blahi. Eghuteuna mare jaola edi pohe malagna Eron, thofno leghuni unha Lord teke chekeni ka Moses.

Eksodas 25:8

“Iagho ginauna chekedi naikno ra mala hohoro kaisei nogu vido blahi iara, eghuteuna iara ginauna au fari hoteidi mare.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Naba 7:9

Nu mae Moses ne theome tufa lao kaisei kat, ba buluka eghu ka vikegna mae Kohat, naugna nodi gloku mare na mala reireghidi glepo blahi te tangomana pala mare ka fafradi thedire.

Eksodas 36:2

Moses ne kilodi Besalel ghe Oholiab, nei keha mae iheire Lord teke tusu lao glalase ka mare mala edi mare gloku re, nei iheire te sasaꞌa mala totogho. Kate kafe mei mare na, mana cheke ka mare mala fufunu gloku igne.

Ululahu Kronikols 28:21

Hatimare mae pris nei hatimare mae Livaet tarabana mala eni nodi gloku na ka Sugablahi igne. Eghuteuna mae te gnafa te lasedi thua nafnata gloku igre ginauna togho nigho iagho. Uve, mae funei nei mavitu teu igre, mare te gnafa na tarabana mala edi gobigna lepo nate chekedi iagho re.”

Eksodas 12:28

Eghume, ke leghugna igne naiknore kegra haghe ne tei eni unha teke chekeni Lord ka mae Moses ghe mae Eron na.

Eksodas 31:11

eghuteuna oel blahi igne mala fablahidi glepo teke chekedi iara igre, eghuteuna insens te famane sisiri keligna igne mala loku mae pris ke lamna chogho blahi. Mare mala edi glepo igre thofno leghuni unha teke chekedi iara ka ghotilo ra.”

Eksodas 38:23

Eghuteuna mae teke toghoni mana na Oholiab, thugna Ahisamak ka vikegna Dan. Mae igne thofno laseni fara puhi te mala kato thina te mala lalaoni glepo igre, nei mala ghaoghaho di famane glepo te edi mana re. Eghuteuna mana jaola lase fakelidi te mala edi famane pohe vegha, nei mala lalaoni pohe re ka ghajo blu, nei ngonge, nei ukru.

Ululahu Kronikols 2:20

Eghuteuna mae Hua gne kmagna mae Huri, eghuteuna mae Huri gne kmagna mae Besalel.