Eksodas 35:35 - Buka Blahi Ka Cheke Holo

³⁵ Lord ne tusu lao glalase ka phia mare mala kato thina te keli mala lalaoni gobigna lepo, nei mala edi keha nafnata glepo nate edi phia mare, nei mala edi famane pohe vegha, nei mala valakasi pohe ka ghajo te blu, ba ngonge, ba ukru, nei jaola mala edi keha nafnata pohe. Phia mae igre thofno lalase fara te mala ghaoghathodi thua nafnata glepo te keli, eghuteuna phia mare jaola tangomana te mala edi gobigna gloku re.

Eksodas 35:35 ပူးပေါင်းရင်းမြစ်များ

Eksodas 35:31

Eghuteuna Lord ne snakreni Tharunga gna na mala au balugna Besalel, ne tusu ranghini mana gaoghatho te keli nei glalase, mala lasedi nei edi eghu mana thua nafnata gloku te keli.

Profet Isaia 28:26

Mae igne laseni fara puhi te mala edi gloku igre, naugna God neke farirhiuni mana.

Eksodas 31:3

Iara ne snakreni Tharunga te Blahi na ne fodu ka mae Besalel eghuteuna tusu lao glalase ka mana mala tangomana mana te edi kmana gloku te keli.

Fapea Timoti 2:15

Hati nhetamu na mala kaisei mae gloku keli, eghuteuna God ginauna keli tagna ka nou gloku iagho na. Iagho famane farirhiu thofno chekegna God na ka puhi te doglo mala theome mamaja nou ke ulugna mana.

Eksodas 31:6

Eghuteuna iara jaola vahini mae Oholiab, thugna mae Ahisamak ka vikegna mae Dan, mala toghoni mana. “Eghuteuna iara jaola neke tusu lao glalase biꞌo ka keha mae re, mala tangomana mare te edi gobigna lepo te chekedi iara ka iagho igre.

Ululahu Timoti 4:16

Iagho reireghi fakelini nakarhamu themu na baludi farirhiu te edi iagho ra mala doglo fabrahu. Jame te eni iagho igne na, iagho ginauna fakarhi nigho themu baludi naikno te nomhi nigho are.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Galesia 3:5

Naugna unha si God teke tusu ari nogna nolaghi mae Tharunga te Blahi na ka ghotilo te mala edi farihoteimi u kofubobhoi igrea? Ba, naugna ghotilo neke leghuni vetula na, ba naugna ghotilo neke fatutuani ni u Nonomho te Keli te nomhini ghotilo gne? Tutuani fara, mana neke eni igne naugna ghotilo neke fatutuani ni mana.

Galesia 3:2

Kaisei glepo ngala te magnahagheni iara te mala cheke meini ghotilo ka iara na. Ba, ghotilo hata Tharunga te Blahi na naugna ghotilo te leghuni vetula na? Theo! Ghotilo hata Tharunga na naugna ghotilo ne fatutuani ni u Nonomho te Keli te nomhini ghotilo gne.

Ululahu Korin 12:12

Kraes na jateula kaisei thini eghu, eghuteuna au kmana grerege thini tagna. Neubane au kmana nafnata vido tagna, mana kaisei thini ngala.

Ululahu Korin 12:8

Tharunga te Blahi na tusu ranghini kaisei naikno glalase te mala toutonuni chekegna God na ka gaoghatho te keli, eghuteuna ka keha naikno na tusu ranghini nolaghi te mala cheke ka glalase te biꞌo fara mala toghodi naiknore.

Ululahu Korin 12:4

Jare na soasopai nafnata khokofakasai, nu kaisei Tharunga te Blahi ngala teke tusu meidire eghu.

Ululahu Korin 1:7

Eghume God neke tusu ari ka ghotilo nogna khokofakasai te gnafa Tharunga te Blahi kate ofoni teu ghotilo narane mala ke pulo meigna noda Lord Jisas Kraes. Eghuteuna Kraes ginauna jaola togho ghami ghotilo mala heta nei doglo eghu ke ulugna God ghilei thoke mei narane tuana.

Ululahu Korin 1:5

Naugna igne ghotilo thofno dedei fara ka puhi te gnafa, ka nomi cheke ba ka nomi glalase fateo.

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 19:6

Aonu mae Pol ne taofidi mala hatini mare u Tharunga te Blahi na. Mare ne funu cheke ka keha chekei nei toutonuni la chekegna God na.

Thoutonu Eigna Mae Job 7:6

Nakarhagu iara na ghosei tei salaꞌu jateula khoꞌu te britha ra eghu. Namo tei dofini naugna glepo theo nafugna kolho.”

Fapea Kronikols 2:14

Kmagna mana na maegna ka namono Taea, eghuteuna idogna mana na mei ka vikegna mae Dan. Mana laseni fara te horo glepo ka gol, silva, bras, aean, thina nei thaba. Eghuteuna mana jaola lasedi fara te mala susuki glepo ka pohe pipito, te ukru, ba te ngonge, nei ka famane pohe vegha. Mana lase horo tothoghale ka thua nafnata glepo thofno jateula te chekedi iagho ka mana re eghu. Te keli na iagho snakreni mana mala loku baludi nou mae gloku iagho are, nei baludi mae teke loku ranghini King Devet kmamu iagho tifa ia.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Eksodas 26:1

Lord ne cheke eghu ke mae Moses, “Iagho ginauna eni kaisei nogu Suga Tapuale te Blahi iara ka nabotho vido famane pohe brahu te vegha. Iagho valakasi ka ghajo blu, nei ghajo ngonge, nei ghajo ukru. Eghuteuna mae ihei te lase eni gloku igne, mana mala susuki kaisei thotoghale engel ka vido pohe igre.

Profet Isaia 38:12

Finoghagu re la salaꞌuhi, la hata fadeleihi ka iara, jateula mae greireghi sipu te hata fadelei nogna suga tapuale ra eghu. Uve, te chekeni iara na, nakarhagu na la gnafahi, jateula mae teke susuki vido pohe, tela gnafahi nogna gloku ra eghu, gnafa teuna mana kusu ka masin me lolhopo nga teura eghu. Lord, bongi narane na, iagho fagnafani nakarhagu iara na.

Eksodas 36:1

“Besalel ghe Oholiab, eghuteuna keha mae teke tusu ranghidi Lord glalase nei famane gaoghatho te keli teu igre mare mala edi glepo ka nogna Suga Tapuale te Blahi mana na, mae igre mala famane edi gobigna lepo igre jateula teke chekedi Lord re eghu.”