Eksodas 35:29 - Buka Blahi Ka Cheke Holo

²⁹ Nalhaꞌu te gnafa nei gaꞌase te gnafadi Israel, iheire te magnahaghei toghoni gloku teke chekeni Lord ka Moses, mare atha ne mei glepo igre ne tusu lao kolho ka Lord.

Eksodas 35:29 ပူးပေါင်းရင်းမြစ်များ

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Eksodas 35:4

Moses ne cheke eghu ka naiknodi Israel, “Igne unha teke chekeni Lord ranghi ghita te mala eni tahati na.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Galesia 6:16

Iara toreni God mala tusu lao pharikeli nei lolokeli ka iheire te leghuni gaoghatho igne nei ka iheire te gnafa te thofno nogna naikno God.

Ululahu Korin 9:17

Jame thegu iara kolho teke vahini gloku igne na meuna, iara jame tangomana te hata sileni eigna. Nu iara neke theome vahini, iara eni kolho unha God teke cheke ranghi ghau na.

Ululahu Korin 3:5

Ba, mae ihei mae Apolosi na? Mana kaisei mae biꞌo? Theo! Ba, mae ihei mae Pol na? Iara na kaisei mae kolho. Ghepa mae Apolosi phei nogna mae gloku God kolho mala togho ghami ghotilo mala fatutuani ni God. Ghepa te gnafa na eni kolho gloku teke tusu ranghi ghami God na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Ululahu Kronikols 29:14

“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala.

Ululahu Kronikols 29:6

Aonu hatimare mae mala baubatu ka tharakna, hatimare mae funei ka vike, keha mae komanda ka armi, nei hatimare mae biꞌo te mala fiofilodi nogna gobigna lepo king teu igre mare ne kelitadi kolho ne tusu lao kmana glepo.

Ululahu Kronikols 29:3

Ke klignadi glepo teke kulu lilisei tekuhi iara igre, gognarona iara nake lisei laoi nogu gol nei silva teku thegu re, naugna iara magnahaghedi fara mare te horo nogna Sugablahi nogu God na.

Jajis 5:9

Iara thofno glealeꞌa fara ka noda lida tahati maeda Israel. Uve, iara glealeꞌa fara ka iheire te sasaꞌa mala magra. Cheke fakelini Lord!

Jajis 5:2

“Kilo fnaknoni Lord! “Noda mae mala baubatu tahati ra kegra haghe mala magra, eghuteuna tahati te gnafa na glealeꞌa mala leghudi mare ka magra.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Diutronomi 11:32

ghotilo mala thofno leghudi nogna cheke nei nogna farirhiu teu mana te tusu ari iara ka ghotilo gognarogne.”

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Eksodas 36:3

Moses ne tusu lao ka mare gobigna lepo teke famei naiknodi Israel ka mana mala eni Suga Tapuale te Blahi igne. Leuleghu hamerane na, iheire te magnahaghei fafara ka Lord igre, mare atha mei koba kmana glepo.

Fapea Kronikols 35:8

Eghuteuna nogna mae biꞌo mana re jaola hata ne mei nodi totoghore ka naiknore, nei ka hatimare mae pris, nei ka hatimare mae Livaet malagna gaghamu igne. Aonu mae Hilkaea, nei mae Sekaraea, nei mae Jehiel eghu thilo mae biꞌo gna nogna Sugablahi God igre, thilo mare jaola hata ne mei phei thogha namno gobi sua sipu nei nanigot majaghani teu igre ne falao ka mare malagna Gaghamu Ghasa-Polho igne. Eghuteuna thilo mare jaola falao thilo gobi buluka nalhaꞌudi mala fafara.

Esra 3:5

Ke leghugna narane biꞌo igne, mare eni fafara te krono fara igne leuleghu hamerane grafi mala tufru soruni Lord. Eghuteuna mare fafara ka Gaghamu Khafa, nei ka keha nogna narane biꞌo Lord. Mare jaola edi fafara te mala tufru soruni Lord leghuni unha te magnahagheni mare na.

Esra 8:28

Iara tusu lao glepo igre ka hatimare nabotho phei mae pris igre, neke cheke eghu ka mare, “Ghotilo mae mala loku ranghini Lord nodi God kuꞌeda tifa ra, eghuteuna dis igre jaola nogna Lord. Eghuteuna gol nei silva teu igre jaola mala namha ranghini Lord.

Eksodas 35:5

Tahati gnafa mala fafara ka Lord. Ihei te magnahaghei fafara ka Lord, mana tangomana te tusu lao: “gol, silva, bras,