Eksodas 35:21 - Buka Blahi Ka Cheke Holo

²¹ Iheire fateo te thofno magnahagheni fara ka nagnafadi fateote'o te mala tusu lao keha glepo ka Lord, nei thofno magnahagheni fara te eni igne teuna, mare atha mei glepo igre mala tusu lao ka Lord. Mare atha mei glepo mala eni Suga Tapuale te Blahi te mala thafoni God, nei glepo mala tarai ke lamna gna Suga Tapuale te Blahi igne, nei mala edi nogna pohe pris.

Eksodas 35:21 ပူးပေါင်းရင်းမြစ်များ

Eksodas 25:2

“Chekedi naiknodi Israel ra mala atha mei nodi fafara re ka iara. Eghuteuna iagho atha mei unha te magnahaghei totogho mare ka nafnata gaoghatho te keli.

Ululahu Kronikols 29:14

“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala.

Eksodas 35:29

Nalhaꞌu te gnafa nei gaꞌase te gnafadi Israel, iheire te magnahaghei toghoni gloku teke chekeni Lord ka Moses, mare atha ne mei glepo igre ne tusu lao kolho ka Lord.

Eksodas 35:5

Tahati gnafa mala fafara ka Lord. Ihei te magnahaghei fafara ka Lord, mana tangomana te tusu lao: “gol, silva, bras,

Eksodas 36:2

Moses ne kilodi Besalel ghe Oholiab, nei keha mae iheire Lord teke tusu lao glalase ka mare mala edi mare gloku re, nei iheire te sasaꞌa mala totogho. Kate kafe mei mare na, mana cheke ka mare mala fufunu gloku igne.

Eksodas 35:22

Uve, nalhaꞌu ba gaꞌase te thofno au nagnafadi fara te mala tusu lao glepo ka Lord igre, mare atha mei famane glepo teke horo mare ka gol, nei keha nafnata glepo mala lilisei ka pohe, nei dedenge, nei ring, nei chen mala babaꞌo. Mare pala haghe gol igre jateula nodi fafara eghu mala fagaglana gna te glepo igre nogna Lord.

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Profet Jeremaea 30:21

Kaisei mae ka mare thedi nate king te mala funei frunidi mare na. Iara ginauna atha meini mae igne mala mei namo ka iara. Naugna mare theome tangomana te mei thedi te namo ka iara na.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Esra 7:27

Aonu Pris Esra ne cheke eghu, “Tahati cheke fakelini Lord nodi God kuꞌeda tifa ra! Mana loku ka gaoghathogna king, mala ghatho tahuni king nogna Sugablahi Lord Jerusalem.

Ululahu Kronikols 29:9

Naiknore ne thofno kelitadi fara naugna hatimare mae biꞌo re ne magnahaghei fara te tusu lao kmana glepo ka Lord. Eghuteuna King Devet jaola ne kelitagna fara ne salaꞌui.

Ululahu Kronikols 29:3

Ke klignadi glepo teke kulu lilisei tekuhi iara igre, gognarona iara nake lisei laoi nogu gol nei silva teku thegu re, naugna iara magnahaghedi fara mare te horo nogna Sugablahi nogu God na.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Ululahu Kronikols 28:2

Aonu King Devet kegra haghe ne cheke eghu ka mare, “Ghotilo thabusiguro nei nogu mavitu teura! Ghotilo fanomho mei! Iara thofno magnahagheni fara te horo kaisei Sugablahi mala lilisei nogna Bokis Nhaꞌa Cheke Lord igne ke lamnagna. Igne vido nate tangomana God nate au tagna na. Eghuteuna iara la tarabanahi gaoghatho te mala horo Sugablahi igne.

Fapea Samuel 7:27

“Lord God, iagho mae ihei te au nolaghi fateote'o ia, iagho nodi God mae Israel, iagho neke chekeni kaisei cheke ka iara nou mae gloku gne. Te chekeni iagho na, iagho ginauna vahini kolho vikegu iara igne te au nolaghi te mala king na. Eghume iara theome mhaghu te tarai ka iagho na.

Jajis 5:12

Eghuteuna mare ne cheke eghu, ‘Dofra haghe, dofra haghe Debora! Kegra haghe kojeni khojegna magra ia! Kegra haghe Barak! Thugna Abinoam, hata tei nomi naokare!’

Jajis 5:9

Iara thofno glealeꞌa fara ka noda lida tahati maeda Israel. Uve, iara glealeꞌa fara ka iheire te sasaꞌa mala magra. Cheke fakelini Lord!

Jajis 5:3

“Mae funei ra, ghotilo fanomho! Mae biꞌo ra, ghotilo fanomho fakeli! Iara ginauna koje kaisei khoje ka gita mala kilofnaknoni Lord, nodi God maedi Israel.

Eksodas 35:20

Aonu mavitu gna Israel ne kafe jifla kokoni Moses neke figri ka nodi suga re.

Ululahu Kronikols 29:8

Eghuteuna mae iheire te au nodi famane thina igre, mare mei ne tusu lao ka mae Jehiel mae ihei te fiofilodi famane glepo te mala horogna Sugablahi igne. Mae Jehiel ka tharaknagna mae Geson.

Esra 2:68

Kate posa naiknore Jerusalem, mare ne tei ka vido aheva teke augna nogna Sugablahi Lord tifa na. Aonu keha ka phaꞌu maedi tharakna igre na, mare ne tusu lao sileni leghuni unha te tangomanadi mare na, mala toghodi mare mala ke babana fapulo gna Sugablahi igne ka vido aheva teke augna tifa na.