Eksodas 34:6 - Buka Blahi Ka Cheke Holo

⁶ Mana mei ne tei salaꞌu ke ulugna Moses, eghuteuna mana ne cheke eghu, “Iara Lord! Nei iara God. Leuleghu fata na iara kokhonidi naiknore, eghuteuna iara keli fara ka mare. Iara theome ghosei diꞌatagu, eghuteuna leuleghu fata na iara namhadi nogu naiknore nei ghatho tahudi fara mare.

Eksodas 34:6 ပူးပေါင်းရင်းမြစ်များ

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Nodi Khoje Hatimare Mae Jiu 145:8

Lord na thofno keli fara, nei kokhoni ghita eghu. Mana theome ghosei diꞌatagna, naugna nogna namha mana ranghi ghita tahati na thono biꞌo fara.

Nehemaea 9:17

Mare tirodi fanomho ka iagho, eghuteuna mare ghatho ihodi kofubobhoi teke edi iagho ka mare ra. Mare patugama fara, eghuteuna mare figri tagru nigho, gognarona mare vahini kaisei mae mala batudi ke figri mala naikno sneka Ijep. Nu iagho God tarabana mala hata koko nakhibodi naiknore. Leuleghu fata na iagho kokhonidi naiknore, eghuteuna iagho keli fara ka mare. Iagho theome tangomana te ghosei te diꞌatamu na, eghuteuna leuleghu fata na iagho namhadi nei ghatho tahudi eghu fara naiknore. Mare eni kaisei mumuju sua buluka nalhaꞌugna, ne cheke eghu, ‘Ghotilo maemi Israel ra! Igne noda god tahati na, mae ihei teke batu fajifla ghita Ijep!’ Eghuteuna mare edi thua nafnata glepo te diꞌa te mala goigoni nigho. Nu neuba ngau, iagho theome tei kokodi mare.

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Fapea Kronikols 30:9

Jame teke pulo mei ghotilo ka Lord, eghuteuna iheire teke hata kherada tahati ra teke tei au ka keha kantri delei ra, mare ginauna nake kokhonidi nake snakre fapulo meidi. Lord nomi God ghotilo igne thofno keli fara, eghuteuna mana tangomana te kokhonidi naiknore. Eghuteuna jame teke pulo mei ghotilo ka mana na, mana ginauna kelitagna fara ka ghotilo te au balugna mana na.”

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Diutronomi 5:10

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Nodi Khoje Hatimare Mae Jiu 138:2

Iara pogho soru nigho mala cheke fakelini nanghamu na ka sugamu te blahi igne, naugna iagho ne namha ghau iara nei theome ghatho ihoni nou nhaꞌa cheke na. Iagho neke togho ghami ghehati mala laseni nanghamu na nei chekemu eghu te nolaghi fara te salaꞌudi thua nafnotu fateote'o.

Nodi Khoje Hatimare Mae Jiu 116:5

Noda Lord God tahati na thofno mae keli fara. Uve, mana lolokelidi ne kokhonidi eghu naiknore.

Nodi Khoje Hatimare Mae Jiu 108:4

Puhi te namhadi koba iagho naiknore thono haghe fara, uve, haghe tei posa kligna ka maloa gno. Puhimu iagho te tajidi koba nou nhaꞌa cheke gre thono haghe fara, uve, thono haghe fara tei posa kligna ka khoveo gno.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Nodi Khoje Hatimare Mae Jiu 111:4

Lord magnahaghei ghita tahati te ghathodi fabrahu glepo te keli teke edi mana igrei. Eigna Lord ne thofno keli ranghi ghita nei kokhoni ghita eghu fabrahu.

Nodi Khoje Hatimare Mae Jiu 112:4

Ihei te leghuni puhi te keli na, nei kokhonidi keha naiknore, nei keli nei doglo teuna, mana jateula juta te phae fabiꞌo ka gromno ia eghu.

Nodi Khoje Hatimare Mae Jiu 57:10

God, nou namha iagho na thono biꞌo fara tei posa ka maloa gro. Puhi te tajini fabrahu iagho nou nhaꞌa cheke na biꞌo fara tei posa ka khoveo gro.

Eksodas 22:27

Naugna kaisei phoko tuana ngala te mala totoku te mala brana mana thinigna na bongi ro. Jame te theome ke tusu fapulo ghotilo nogna phoko mana na, unha gne na teke totoku te mala thuru mana na? Thono theo fara. Jame te tore mana ka iara mala toghoni teuna, iara ginau na nomhini nogna thore mana na, naugna iara tangomana te kokhonidi naikno te kuma re.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Lamentations 3:23

Uve, puhigna Lord na au fabrahu, jateula narane majaghani te haghe fabrahu hamerane boibongi ra eghu. “Uve, Lord, iara cheke fakeli nigho eigna iagho ne namhadi fabrahu nou naiknore!”

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Nodi Khoje Hatimare Mae Jiu 31:19

Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Profet Isaia 12:4

Ka narane tuana, vikeda tahati gre ginauna koje eghu: “Tahati mala cheke tegioni Lord! Uve, tahati cheke fakelini nanghagna te biꞌo! Eghuteuna tahati toutonuni ka naiknodi keha kantri are eidi unha teke edi God ra! Tahati toutonuni nanghagna mana te haghe fara salaꞌudi keha nangha te gnafare.

Nodi Khoje Hatimare Mae Jiu 111:8

Nogna vetula mana te tutuani fara nei doglo teu igre ginauna au fabrahu tifa e tifa.

Ululahu Kings 19:11

Eghuteuna Lord ne cheke eghu ka mana, “Iagho jifla tei kosi, eghuteuna iagho ari thafo ghau iara ke kligna thogele, naugna Iara Lord namo mei salaꞌu agne.” Eghuteuna mana ne kuru mei kaisei nuri biꞌo jateula kaisei saeklon neu ne nghali thogele igne ne phike thina re. Nu Lord na theome au ka nuri igne. Ke leghugna nuri igne, glose na nghali ka nakheu. Nu Lord na jaola theome au ka nakheu igne.

Nodi Khoje Hatimare Mae Jiu 146:6

Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Eksodas 33:19

Eghuteuna Lord ne cheke eghu, “Nanghagu iara na Lord, eghuteuna mae ihei te vahini iara na te mala keli ranghini na, iara ginauna keli ranghini, eghuteuna mae ihei te vahini iara te mala kokhoni nina iara ginauna kokhoni ni. Iara ginauna tei ke ulumu iagho mala filoni iagho iara te keli fara na, eghuteuna iara ginauna chekeni ka iagho nanghagu te blahi na.

Diutronomi 4:31

Ghotilo tangomana teke pulo mei na naugna Lord nomi God ghotilo na kokhoni ghami ghotilo. Mana theome tangomana te tei koko ghami ba goigoni ghami ba ghatho ihoni nhaꞌa cheke teke eni baludi kuꞌemi ghotilo tifa ra.

Diutronomi 32:3

“Iara ginauna cheke fakelini nanghagna Lord! Tahati te gnafa na cheke fakelini mana naugna mana haghe fara!

Ululahu Kings 8:30

Lord, fanomho mei ka nogu tharai iara nou mae gloku gne, eghuteuna filo mei ka vido igne kate tharai nou naikno gre. Neuba iagho ne au kligna fanomho mei ka nomi tharai gre. Kate fanomho na, iagho hata fadeleidi nakhibomi gre.

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Profet Isaia 65:16

Jame kaisei naikno ka kantri igne tore mala fablahi, mana tore ka nanghagna God mae Ihei te Cheke Tutuani. Eghuteuna jame kaisei naikno nhaꞌa cheke, mana ginauna nhaꞌa cheke ka nanghagna God mae Ihei te Cheke kate Tutuani. Puhi biꞌo te gnafa teke thokedi mare tifa ra ginauna hui, eghuteuna iara ginauna na jaola theome ghathodi.”

Profet Jeremaea 9:24

Nu jame ihei te magnahaghei fahaehaghe na, mana fahaehagheni kolho te lase ghau iara Lord. Iara na namhadi fabrahu naikno te au ka nauthoglu igne, nei eni ranghidi fabrahu puhi te doglo na. Igre unha te magnahaghedi iara re.”

Profet Jeremaea 32:18

Leuleghu fata na, iagho namhadi nei kokhonidi eghu kmana thogha naikno. Nu jame te tapla jafra kaisei phagusu ka nakhibo na, iagho ginauna paradi naikno te leghudi puhi te diꞌa tuare baludi goro thudi nate karha mei ke leghudi re. God, iagho thofno keli fara, nei nolaghi fara eghu, eghuteuna nanghamu iagho na Lord, mae ihei te au nolaghi fateote'o.

Profet Nahum 1:3

Neuba, Lord na theome ghosei diꞌatagna ka nogna naiknore, nu mana au nogna nolaghi te mala paradi iheire te edi puhi te diꞌare. Kate mei na, Lord ginauna tangomana te mei ke kligna saeklon. Eghuteuna kate tapla mana ka glose na, gaughavu ginauna haghe jateula khoveo biꞌo eghu.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Naba 12:8

Tuana site mei fakakhana iara te facheke teu balugna mana grea, eghuteuna kate facheke teu iara balugna mana na, iara theome chekedi cheke te ninhigrana gaoghathodire. Nu iara facheke balugna mana ka cheke te bligi gaoghathodire. Mana la filo ghauhi iara. Ne unha site theome mhaghu ghopa te cheke faparini nogu mae gloku iara gnea?”

Fapea Samuel 24:14

Aonu mae Devet ne cheke eghu ka mae Gad, “Iara thofno diꞌanagnafagu fara ka cheke te eni iagho igne. Eghume te keli na, lisa lao ka thegna Lord mala eni unha te magnahaghei eni mana ka ghehati na, naugna Lord na mae namha. Nu iara theome magnahaghedi mae naoka igre te mei goigoni ghau iara na.”

Proveb 3:3

Thosei koko puhi te namhadi naiknore eghuteuna keli ranghidi fabrahu. Fakakhana ka nakarhamu na jateula kaisei babaꞌo eghu tathaji ka nagnafamu na.