Eksodas 34:29 - Buka Blahi Ka Cheke Holo

²⁹ Moses neke soru funugna ka Thogele Sanai, mana pala balugna phei thina te rioriso chekedi Nhaꞌa Cheke te au ka phei thina igre. Nu mana theome kulu laseni te siasigla tathagna nei foflogna teure naugna mana neke cheke balugna Lord.

Eksodas 34:29 ပူးပေါင်းရင်းမြစ်များ

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Luku 9:29

Kate tarai teu mana na, thinigna mae Jisas na ne nhogri eghuteuna nogna pohere ne vegha fara.

Eksodas 32:15

Moses figri neke soru ka thogele na. Mana pala ne mei phei thina tataba teke rioriso Lord nogna Nhaꞌa Cheke re ka phei philegna re.

Thakle 1:16

Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Fapea Korin 3:13

Ghehati theome jateula mae Moses eghu. Mana neke toku tafru thinigna na mala theome filoni naiknodi Israel re. Naugna siasigla gna God na ne thoghei ne tei dofini ka thinigna mana na.

Thakle 10:1

Iara ne filoni kaisei engel te nolaghi fara ne soru mei funu kligna. Mana pipichi ka kaisei grokho balugna kaisei maja ka pha'ugna na. Eghuteuna tathagna na siasigla jateula naprai eghu, eghuteuna phei ghahegnare jateula khegra biꞌo te phae teu ka khaꞌaghira eghu.

Mae Khuru 6:15

Mae te gnafa te gnokro ke lamnagna u faidu igne, mare ne filo tutu ka mae Stivin. Eghuteuna kate filo mare ka tathagna nei foflogna teu mae Stivin re, mana ne siasigla jateula tathagna nei foflogna eghu kaisei engel.

Jone 5:13

Nu mae teke keli fapulo na theome laseni mae ihei teke fakelini mana na. Naugna kmana naikno fara au tekeu ka vido tuana. Aonu mae Jisas ne megei nga ne jifla ne tei nogna.

Mae Khuru 12:9

Aonu mae Pita ne leghuni engel na ne jifla ka chogho na. Nu gaoghathogna mae Pita na ne filoni kaisei mifi eghu ne theome ghathoni ne glepo tutuani teuna.

Mae Khuru 23:5

Mae Pol ne cheke eghu, “Kheraguro, iara theome filo glanini ne mae pris biꞌo mana teuna. Tutuani, grioriso te blahi na cheke eghu, ‘Thosei cheke fadiꞌani mae ihei te mala funei frunidi nou naikno iagho re.’ ”

Luku 2:49

Mae Jisas ne cheke eghu, “Ido, naugna unha ghopa ne hiro ghau iara? Ghopa theome laseni te keli fara te au iara ka sugagna mae Kmagu na?”

Nonomho Te Keli Teke Risoi Mae Mak 9:6

Mana theome laseni kaisei unhanga te mala chekeni na, naugna thilomare ne mhaghu nodi fara.

Jajis 16:20

Eghuteuna naꞌa ne eha eghu, “Samson dofra haghe! Maedi Filistia igre la mei!” Aonu Samson ne dofra haghe. Kate dofra haghe na, mana ghaoghathogna na ne keli neu kolho na snagla teu nogna eghu. Nu mana theome laseni nogna nolaghi Lord tela tei kokonihi mana na.

Josua 8:14

Kate filoni mae king gna Ai armi gna Israel igne, mana baludi nogna mae soldiare chari ne soru ka nabrou na ka glogu Jordan mala magra ka mare. Nu mae king gna Ai igne mana theome lasedi nogna soldia mae Josua te poru teu ke leghugna re.

Josua 2:4

Nu naꞌa porudihi phei mae igre ne cheke eghu ka mare, “Tutuani, phei mae igre neke mei ka sugagu iara na gne, nu iara theome lasedi neke mei funudi aheva.

Nonomho Te Keli Teke Risoi Mae Mak 14:40

Aonu, kate ke pulo mei mana ka thilo mae fanomhore, mana ne filodi thilomare thuru neu ngala, naugna tathadire ne kukape. Eghuteuna thilomare theome laseni unha nate chekeni ka mae Jisas.

Eksodas 16:15

Kate filoni naiknore glepo igne na, mare ne cheke eghu fari thedi, “Tore, unha glepo si ignea?” Mae Moses ne cheke eghu, “Igne ngala u bret teke tusu mei Lord mala ima ghotilo teku mana na.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Diutronomi 10:5

Aonu iara figri neke sukha mei funu ka thogele ro, eghuteuna iara lilisei phei thina igre ka bokis teke horo iara jateula teke chekeni mana na teu igne. Eghuteuna phei thina igre au ngala ka bokis tuana gognarogne.”

Eklesiasti 8:1

Ihei gne te au tagna gaoghatho te keli na? Ihei gne te lasedi u gaoghathodi glepo igre? Uve, gaoghatho te keli nei glalase teu igre kolho te tangomana te tuthughu tathagna nei foflogna teu ihei te romno soru ka diꞌanagnafa na mala ke gleale'a fapulo.

Eksodas 34:35

leuleghu fata na naiknore tangomana te filodi tathagna nei foflogna teu mana re siasigla. Aonu Moses toku tafru tathagna nei foflogna teure ghilei thokeni narane teke tei mana te mala ke cheke balugna Lord.