Eksodas 34:25 - Buka Blahi Ka Cheke Holo

²⁵ “Kate aknu falehe ghotilo kaisei buluka ba sipu mala fafara mei ka iara teuna, ghotilo jaola thosei atha mei bret te au isi tagna na. Eghuteuna kate aknu falehe ghotilo kaisei buluka ba sipu malagna Gaghamu Ghasa-Polho na, ghotilo thosei tathaji kaisei vido nafnahi gna mala au ghilei thoke hamerane.

Eksodas 34:25 ပူးပေါင်းရင်းမြစ်များ

Eksodas 23:18

“Ghotilo thosei fafara ka iara dadaragna sipu na balugna bret te theo isi gna na. “Eghuteuna ghotilo thosei lilisei kaisei garofa ka fafara igne ghilei ke hamerane.

Eksodas 12:10

Ghotilo thosei toki keha nafnahi ghilei hamerane, nu jame te salaꞌui keha nafnahi te ghilei hamerane na, faghamu khaꞌaghi mala theo reꞌe.

Diutronomi 16:3

Eghuteuna kate ghamu ghotilo gaghamu igne, ghotilo ghamu bret te theo isi gna na. Ka fitu narane igre ghotilo ghamu bret te theo isi tagna na. Igne unha teke ghamu tahati kani teke papara fara teke ghosei teke jifla Ijep. Ka puhi igne ghotilo tangomana te ghathoni fabrahu nakarhami ghotilo ka narane teke jifla ghotilo Ijep.

Naba 9:12

Eghuteuna thosei tathaji keha gano ghilei thokeni keha narane na, nei thosei lolhopa nhubradi sipu te ghamu mare are. Kate eni mare Gaghamhu Ghasa-Polho na, mare mala leghudi vetula te gnafa re.

Levitikas 7:15

Mae ihei te eni fafara igne mana tangomana te ghamu nafnahigna na, eghuteuna mana mala ghamu fahui nafnahi igne ka narane tuanala. Mana theome tangomana te tathaji kaisei nafnahi te ghilei hamerane na.

Eksodas 29:34

Jame te salauꞌi teu keha nafnahi nei bret teu te ghilei thokei hamerane na, iagho faghamu khaꞌaghi fahui, naugna gano igre blahi mala nogu iara, theo ihei nga te tangomana te ima na.

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Matiu 13:33

Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Levitikas 2:11

“Flaoa ka famane wit atha te mei ghotilo ka iara igne mala theome au isi tagna. Ghotilo theome tangomana te lilisei isi ba jurukuli ka gano te gahu ghotilo igne jateula thufa blahi eghu ka iara.

Diutronomi 16:4

Ka fitu narane gaghamu tuare, blahi ranghini ihei te hata isi ke lamnami ghotilo na. Nafnahi te fafara ghotilo ka grafigna narane ulu lahu na, ghotilo thosei tokiu ghilei hamerane ka keha narane na.