Eksodas 34:24 - Buka Blahi Ka Cheke Holo

²⁴ Iara ginauna khi fajifladi naikno ka glose nate tei ghotilo tagna igne, eghuteuna iara ginauna eni fakrepa biꞌo nomi glose ghotilo igne. Eghuteuna neuba ghotilo ne mei ka thilo narane biꞌo igre ne tarai nei pogho soru neu ka iara Lord nomi God gne, ginauna theo kaisei mae nate fariuriu blauni ka ghotilo glose igne.

Eksodas 34:24 ပူးပေါင်းရင်းမြစ်များ

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Eksodas 33:2

Iara ginauna kuruni kaisei nogu engel mala batu ghami ghotilo. Eghuteuna iara ginauna khi fajifladi ka glose tuana vikegna Kenan, nei vikegna Amo, nei vikegna Het, nei vikegna Peris, nei vikegna Hivi, nei vikegna Jebus.

Mae Khuru 18:10

Naugna iara au balumu iagho. Theo kaisei naikno nate fakabru nigho na, naugna kmana naikno ka namono igne nogu iara.”

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Diutronomi 12:20

“Kate togho ghami Lord nomi God te krepa nei biꞌo teu nomi glose ghotilo igne jateula te nhaꞌa chekeni mana na teuna, jau ghotilo magnahaghei fara te ghamu nafnahi na. Jame te eghu na, ghotilo tangomana te ghamu nafnahi leghuni unha te magnahagheni ghotilo na.

Nodi Khoje Hatimare Mae Jiu 80:8

Iagho neke atha fajifla ghami Ijep, eghuteuna iagho neke ngolhi fajifladi naiknodi keha kantri are. Aonu gognaro na iagho snakre ghami ghehati mala khotogna nodi namono mare Kenan.

Ululahu Kronikols 4:10

Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Diutronomi 19:8

“Jame te leghudi ghotilo gobigna lepo te chekedi iara ka ghotilo gognaro igre, eghuteuna ghotilo namhani Lord nomi God, nei leghudi ghotilo nogna vetula mana re teuna, mana ginauna tuthugha tei krepa biꞌo nomi glose ghotilo igne jateula teke cheke ranghidi mana kuꞌemi ghotilo tifa ra eghu, eghuteuna mana neke tusu ari ka vido te gnafa ka glose teke nhaꞌa chekedi mana ka ghotilo ra. Eghume kate biꞌo te krepa nomi glose ghotilo igne na, ghotilo ginauna vavahi thilo namono mala poru.

Diutronomi 7:1

Aonu mae Moses ne cheke eghu, “Lord, nomi God ghotilo na ginauna hata ghami ghotilo tei mala hata glose ka vikegna mae Het, nei ka vikegna mae Gigas, nei ka vikegna mae Amoa, nei ka vikegna mae Kenan, nei ka vikegna mae Peris, nei ka vikegna mae Hivi, nei ka vikegna mae Jebus. Mana ginauna ngolhi fajifladi keha naikno te au ka glose igne. Eghuteuna neuba fitu vike igre ne nheta ulu ghami ghotilo,

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Thoutonu Eigna Mae Job 1:10

Iagho doadofrani fabrahu mana baludi thugna nei gobigna lepo te khotodi mana re nei reireghidi mare. Iagho fablahidi nogna gloku mana re, nei rijon aheva te au mana igne la fodu ka sipu, ka kamel, ka buluka nei ka dongki eghu teke tusu lao iagho ka mana ra.

Fapea Kronikols 17:10

Ka narane te king mae Jehosafat igre, king nei naikno eghu te au ka kantri rhegna Juda igre mhaghu nodi fara ka Lord, aonu mare theome mei magra ka King Jehosafat.

Levitikas 18:24

“Thuagna nafnata puhi igre tangomana te fathona ghami ka tathagu iara na, eghume ghotilo thosei eni glepo te diꞌa igne. Tharaknagna Kenan igne neke edi nafnata glepo igre neke theome klino mare ka tathagu iara na, eigna iara ginauna ngolhi fajifladi eghuteuna tusu ari nodi glose mare na ka ghotilo.

Eksodas 34:11

Nu ghotilo famane fanomho fakeli ka gobigna lepo te tusu ari iara ka ghotilo gognaro igre. Iara ginauna tei ke ulumi ghotilo mala ngolhi fajifladi vikegna Amo, nei vikegna Kenan, nei vikegna Het, nei vikegna Peris, nei vikegna Hivi, nei vikegna Jebus.

Diutronomi 16:16

“Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Ululahu Kings 5:1

King Hiram mae biꞌo gna Taea igne mana kaisei kheragna keli King Devet. Eghuteuna kate nomhini mana mae Solomon te king tughuni mae kmagna na, mana ne kurudi keha nogna mae mala tei filoni mana.