Eksodas 34:21 - Buka Blahi Ka Cheke Holo

²¹ “Ghotilo au namno narane te mala edi ghotilo nomi loku re, nu ka fafitu narane ghotilo mala gnafa. Neubane ka narane mala joꞌu thobi, ba narane mala pulei gano ka nagare, ghotilo te hui na mala gnafa ka narane igne.

Eksodas 34:21 ပူးပေါင်းရင်းမြစ်များ

Eksodas 23:12

“Ke lamnagna kaisei wik na ghotilo mala loku namno narane kolho, nu ka fafitu narane na ghotilo gnafa ka gloku na. Eghume nomi buluka, dongki, mae gloku, gaꞌase gloku nei naiknodi delei eghu te mei au balumi ghotilo are eghu mala jaola gnafa fakeli ka nodi gloku re.

Luku 13:14

Mae biꞌogna suga tharai na ne diꞌatagna fara ka mae Jisas, naugna mae Jisas ne fakelini gaꞌase tuana ka narane Sabat. Aonu mae biꞌogna suga tharai na ne cheke eghu ka naiknore, “Namno narane kolho te mala loku tahati na. Eghume ghotilo mei ka kaisei narane ka narane tuare mala ke fakeli fapulo ghami mare. Thosei mei mala fakeli ghami mare kau narane Sabat.”

Ululahu Samuel 8:12

Mana ginauna vavahi keha mae mala komanda ka kaisei thogha soldia, eghuteuna kehare mala komanda ka glimafulu soldia. Thumi ghotilore ginauna mala loku ka nagare manare, eghuteuna kehare ginauna mala tei hata gano ka nagare igre. Mare ginauna loku ka glepo mala magra baludi glepodi nogna chariot mana re.

Diutronomi 21:4

Aonu mare batuni sua buluka igne soru ka kaisei vido te au khoꞌu tagna. Vido igne theome au kaisei nagare tagna. Aonu ka vido igne nate lolhopa mare graragna na mala aknu falehe.

Eksodas 35:2

‘Ghotilo au namno narane te mala edi ghotilo nomi gloku re, nu fafitu narane na nomi narane blahi ghotilo. Igne nogu narane Sabat iara Lord eghuteuna ghotilo mala gnafa tagna. Jame ihei te loku ka narane igne, ghotilo ginauna faleheni mana.

Luku 23:56

Ke leghugna igne, rehati neke pulo ka suga na mala tarabana meresin glaghobe malagna thinigna mae Jisas. Eghuteuna kau narane Sabat na mare ne gnafa leghuni nogna vetula mae Moses.

Profet Isaia 30:24

Nomi buluka nei dongki teu te mala dokha glose ka nagare na are ginauna ghamu gano te keli mala nheta.

Jenesis 45:6

Gognaro na la phei finogha hi te theo gano na. Nu keha glima finogha re au ngau te mala theo gano na.

Eksodas 31:15

Ghotilo au namno narane te mala loku na, nu ka fafitu narane na, Narane Sabat mala thofno gnafa, kaisei narane blahi nogna Lord. Ihei te eni kaisei gloku ka narane tuana, ghotilo aknu faleheni.

Levitikas 23:3

“Ghotilo au fitu narane te mala edi ghotilo nomi loku re, nu ka fafitu narane leuleghu wik na narane Sabat narane mala gnafa. Ka narane Sabat ghotilo mala theome mala loku, nu ghotilo mala kafe mei mala kilo fnakno ghau iara. Neubane ka namono aheva te tei au ghotilo tagna na, narane Sabat nogu narane iara Lord eghuteuna ghotilo mala ghatho tahuni.”

Nehemaea 13:15

Ka narane tuare iara filodi naiknodi Juda igre loku ka narane Sabat. Keha naiknore hata grep, eghuteuna tapla ke klignadi mala ei waen. Eghuteuna kehare mala hata mei gano nei waen, nei grep, nei fig, nei keha soasopai glepoi eghu, eghuteuna lilisei ke kligna dongki mala hata tei Jerusalem mala foli. Naugna igne, iara ne cheke faheta eghu ka mare, “Ghotilo thosei foli glepo tuare ka narane Sabat!”