Eksodas 34:18 - Buka Blahi Ka Cheke Holo

¹⁸ “Leuleghu finogha, ka nhigra Abib, ghotilo mala ghathoni fabrahu eigna Narane biꞌo gna Bret te Theo Isi gna. Ka narane tuana, ghotilo ginauna ghamu kolho bret te theo isi gna na ghilei thokeni fafitu narane na jateula teke chekenihi iara ka ghotilo ia eghu. Naugna ka nhigra tuana, ghotilo neke jifla mei funumi Ijep.

Eksodas 34:18 ပူးပေါင်းရင်းမြစ်များ

Levitikas 23:6

Eghuteuna ka nabotho glima narane gna nhigra igne, ghotilo ginauna mala fufunu Narane biꞌo gna Bret te Theo Isi gna tuana. Narane biꞌo tuana eni nabagna fitu narane eghuteuna bret te ghamu ghotilo na mala theo kaisei isi tagna.

Eksodas 13:4

Ghotilo neke jifla Ijep ka narane gognaro gne ka nhigra ulu lahu te kiloi Abib.

Mae Khuru 12:3

Eghuteuna kate filoni mae Herod te keli tadi mae Jiure ka puhi te eni mana igne, mana ne magnahaghei loki nila mae Pita. Aonu, mare lokini mae Pita ka narane Gaghamu gna Bret te Theo Isi gna na ne koko laoni mana ka suga sosolo. Eghuteuna mae Herod ne lisa laoni mae Pita ka khamedi nabotho namno mae soldiare mala reireghini mana. Mae Herod ne magnahaghei hatani mae Pita mala fateni mana ke uludi naiknore ke leghugna Gaghamu Ghasa-Polho na.

Luku 22:1

U Gaghamu Bret te Theo Isi gna te kiloi mare “Gaghamu Ghasa-Polho” igne la namohi.

Nonomho Te Keli Teke Risoi Mae Mak 14:1

Phia narane te au na ame thokedi nga narane Gaghamu Ghasa-Polho ghe Gaghamu gna Bret te Theo Isi gna na. Hatimare mae pris ulu nei hatimare mae velepuhigna vetula nogna mae Moses teu gre fariuriu hiro puhi poru te mala lokini mae Jisas te mala faleheni mana na.

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Eksodas 12:2

“Uve, nhigra igne te ulu lahu ka nomi finogha ghotilo ia.

Eksodas 12:42

Ka bongi te jifla mare Ijep igne, Lord ne reireghi fakelidi ne jifla Ijep. Eghume leuleghu finogha na mae Israel gre ghathoni fabrahu bongi igne mala tarai ka Lord.

Naba 28:16

Lord ne cheke eghu, “Leghu finogha ka fanabotho fati narane gna nhigra ulu lahu na, ghotilo ginauna eni kaisei Gaghamu Ghasa-Polho mala ke ghatho ghau iara.

Naba 28:17

Eghuteuna ka fanabotho glimai narane gna nhigra tuana, ghotilo ginau ke fufunu Gaghamu mala Ima Bret te Theo Isi gna na. Gaghamu igne ginauna eni fabrahu nabagna fitu narane eghuteuna ghotilo mala ima kolho bret te theo isi tagna na eghu.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 23:14

“Ke lamnagna kaisei finogha na ghotilo mala lilisei fadelei thilo narane biꞌo malagu iara.