Eksodas 34:15 - Buka Blahi Ka Cheke Holo

¹⁵ “Ghotilo thosei eni kaisei nhaꞌa cheke te mala au fakeli baludi naikno gna glose igne, naugna kate pogho soru te tarai nei fafara mare ka nodi god re teuna, mare ginauna kilo ghami ghotilo mala tarai baludi. Glahu ghamu ghotilo gano teke fafara lao mare ka nodi god re.

Eksodas 34:15 ပူးပေါင်းရင်းမြစ်များ

Jajis 2:17

Neuba, mare theome fanomho fakeli kolho ka mae lida igre. Eghuteuna mare tei leghudi kolho god chaichaghi igre jateula gaꞌase te tei leghuni nalhaꞌu te theome khetogna naꞌa na. Eghuteuna theome raugha mare theome leghudi puhidi kuꞌedi mare te keli teke thofno leghudi nogna cheke Lord ra.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Nodi Khoje Hatimare Mae Jiu 106:28

Naugna mare ne kegra fodu baludi naikno khulumono re mala tarai ka mumuju Baal ka thogele Pio. Mare ne kafe ima nafnahi teke fafara naiknodi Pio re ka mumuju te theo karha tagna na.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Naba 25:2

Goro gaꞌase igre neke ghusnadi mare mala mei ka gaghamhu na ka vido te au gna nodi god thedi na. Aonu maedi Israel gre mei ne ima nafnahi baludi reꞌe nei jaola ne maimanihini god na.

Ululahu Korin 10:27

Jame kaisei mae te theome fatutuani ni Kraes tore ghami ghotilo mala tei ima balugna. Jame te magnahaghei ghotilo na, ima unha te lilisei mana ke ulumi na, thosei ghusna mala laseni jame iagho ghathoni glahu jafra te ima na.

Ululahu Korin 8:10

Naugna jame ihei te theome nheta gaoghathogna na ginauna filo nigho te ima teu iagho ke lamnagna nogna Sugablahi mumuju na. Eigna iagho laseni theome jafra te ima jare ka gano teke fafara ka mumuju na. Nu neuba iagho ginauna batuni mana mala ima koba gano teke fafara ka mumujure!

Ululahu Korin 8:7

Nu neuba ngau, keha naiknore theome kafe lase fakelini mumuju na, eigna mumuju na theome god tutuani. Naugna kate ima gano teke fafara ka mumuju na, mare ghaoghathodi na jateula te fafaradi thedi eghu ka nodi mumuju mae bongihehe tifa ra. Gaoghathodire theome heta kolho, eghuteuna gano teke fafara ka mumuju igne fathonadi kolho mare.

Profet Jeremaea 3:9

Tutuani fara, Israel ne theome mamaja te eni puhi te diꞌa na. Eghume glose igne ginauna na diꞌa fara ka tathagu iara na. Kate tei koko ghau iara na, mare tei tarai koba ka mumuju god teke sari thedi ka gaju nei thina teu igre.

Levitikas 17:7

Aonu ghotilo mala thosei ke fafarai ka nanigot naitu tuana, naugna puhi igne jateula gaꞌase te tei balugna mae te theome khetogna naꞌa ia eghu. Igne vetula te mala leghuni fabrahu ghotilo na.

Eksodas 34:12

Filo ghami themi, na eghunu eni ghotilo kaisei nhaꞌa cheke te mala au fakeli baludi naikno te au ka glose aheva nate tei ghotilo tagna, glahu jateula kaisei phighoro eghu nhaꞌa cheke tuana mala goigoni ghami ghotilo.

Thakle 2:20

Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.

Profet Hosia 9:1

Ghotilo naiknomi Israel! Thosei gleale'a nei eꞌei gaghamu biꞌo eghu koba, jateula te edi mae bongihehe ra eghu. Naugna ghotilo gognaro na jateula thau vine te tei kokoni khetogna na ia eghu la tei kokoni noda God. Eghuteuna gaoghathomi ghotilo na, mumuju Baal igne nate togho ghami te mala au ghemi kmana gano na eghu.

Profet Hosia 4:12

Eghuteuna ghotilo tarai koba ka mumuju teke hohoro kolho naikno igre, mala falalase ranghi ghami gaoghathodi nomi mifire. Te chekeni koba ghotilo na, vido gaju teke hohoro ghotilo themi igre nate falalase ka ghotilo unha te magnahaghei laseni ghotilo na. Ka puhi igre te ghatho iho ghau iara ghotilo na, eghume, ghotilo jateula gaꞌase te ghatho ihoni khetogna na te snakreni thinigna na ka keha nalhaꞌu delei ra eghu. Ghotilo lisa lao ghami themi mala nogna naikno mumuju, mala funei frunidi mumuju nakarhami are.

Nodi Khoje Hatimare Mae Jiu 73:27

Iheire te figri tagru nigho iagho re ginauna lehe dofidi. Eghuteuna iheire teke leghu nigho iagho tifa ra, mare gognaro na kela tei koko nigho iaghohi. Iagho ginauna goigonidi mare.

Esra 6:9

Jame mae pris di Jerusalem igre magnahaghedi keha buluka majaghani, ba sipu nalhaꞌudi, ba sua sipu nalhaꞌudi eghu mala fafara ka God gna kligna, ba wit, ba solt, ba waen, ba oliv oel, ghotilo tusu lao ka mare leuleghu rane.

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Naba 15:39

Gnarho kmo'e te susuki fodu mare igre mala fagaglana gna nogu cheke iara na. Eghuteuna kate filodi mare gnarho kmo'e igre, mare ginau ke ghathodi nogu farirhiu iara re nei leghudi eghu. Ka puhi igne mare ginauna theome tangomana te leghudi nodi gaoghatho thedire, nei mare ginauna theome tangomana te leghudi unha te magnahaghei mare na.

Eksodas 34:10

Lord ne cheke eghu ka Moses, “Fanomho sagho, iara gognarona nake eni nogu nhaꞌa cheke teke eni iara balumi ghotilo ia. Iara ginauna edi glepo biꞌo ke ulumi ghotilo. Glepo igre neke theome edi nekeu aheva nga ke uludi naiknore ka nauthoglu igne. Eghuteuna naikno te gnafa te au faligoho ghami ghotilo are ginauna filodi glepo biꞌo nate edi iara Lord, eghuteuna mare ginauna jaglo nodi fara nei jaola mhaghu nodi.

Eksodas 23:32

Ghotilo thosei eni kaisei nhaꞌa cheke baludi naikno tuare ba ka nodi mumuju god re.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Eksodas 22:20

“Naiknore mala fafara ka Iara ngala, theome ka ihei nga. Eghuteuna jame ihei te fafara ka mumuju na, ghotilo falelehe naikno tuana.

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Naba 25:1

Ka vido tuana, naiknodi Israel gre neke au ka vido sare biꞌo Akesia. Eghuteuna keha mae ka naiknodi Israel gre ne vuha ei puhi diꞌa tafri baludi goro gaꞌasedi Moab.

Diutronomi 7:3

Ghotilo mala thosei snakredi thumi nalhaꞌure mala tolaghi ka thudi gaꞌase mare re, eghuteuna thudi nalhaꞌu mare igre thosei mei tolaghi ka thumi gaꞌase ghotilo re.

Diutronomi 32:37

Aonu mana ginauna ghusna eghu ka ghotilo, ‘Ahevau nomi god te mala tei poru ghotilo tagna na?

Diutronomi 32:38

Ghotilo neke faghamudi ka garofadi nafnahi teke fafara ghotilo ra, eghuteuna tusu ranghidi waen mala koꞌu mare, nu god igre theome togho ghami nei reireghi ghami eghu ghotilo.

Josua 23:12

“Ghotilo laseni igne, jame te figri tagruni nei theome leghuni teu ghotilo Lord te loku fodu baludi naikno bongihehe are ba tolaghi ka thudi gaꞌase mare re, ba snakredi mare mala tolaghi ka thumi gaꞌase ghotilo re, Lord ginauna tirogna togho ghami ghotilo. Eghuteuna jame te fofodu ghotilo ka naikno bongihehe are nei tei magra baludi mare teuna, Lord ginauna tirogna ngolhi fajifladi naikno bongihehe te au ka nomi namono ghotilo are. Jame te loku fodu ghotilo ka puhidi mare te thono diꞌa fara are na, mare ginauna na jateula kaisei phighoro eghu mala fakhale ghami ghotilo. Eghuteuna ghotilo ginauna na jateula te snoꞌo ke lamnagna kaisei khora ra eghu. Eghume puhidi mare te diꞌa tuare ginauna para ghami ghotilo jateula te puphuri naikno ka thagrumi ghotilo ra eghu, ba jateula nila te churu ka tathami ghotilo ra eghu. Eghuteuna ginauna na theo kaisei naikno ka ghotilo nate au ka namono teke tusu arihi mana ka ghotilo igne.

Jajis 3:6

Eghuteuna naiknodi Israel igre snakredi thudire mala tolaghi ka vike igre. Aonu naiknodi Israel igre ne tarai nodi god chaichaghi mare igre.

Ululahu Kronikols 5:25

Naiknodi thilo vike igre theome ghatho tahuni nodi God mae kuꞌedi tifa ra. Mare ne funu tarai ka nodi mumuju god iheire teke roꞌedi God ka namono Kenan.

Esra 9:12

Eghume ghotilo thosei snakredi thumi gaꞌase are mala tolaghi ka thudi nalhaꞌu mare are, eghuteuna ghotilo thosei hata thudi gaꞌase mare are mala tolaghi mei ka thumi ghotilo are. Ghotilo ginauna thosei toghodi naikno igre mala rheta nei au fakeli eghu mare. Jame te leghudi ghotilo nogu cheke iara igre na, ghotilo ginauna tangomana te au fakeli nei ghamu fakeli teu ka glose igne, eghuteuna ke leghu na vikemi ghotilo re ginauna au fakeli fabrahu ka glose igne.’

Eksodas 22:19

“Ghotilo falelehe mae nalhaꞌu ba gaꞌase te eni puhi te diꞌa ka khuma ba ka bosu ba ka buluka teu are.

Diutronomi 31:18

Iagho laseni, ka narane tuana, iara ginauna thofno poru ka mare naugna mare ne leghudi puhi te diꞌa re figri ne tei tarai nei pogho soru neu ka keha god delei.