Eksodas 34:10 - Buka Blahi Ka Cheke Holo

¹⁰ Lord ne cheke eghu ka Moses, “Fanomho sagho, iara gognarona nake eni nogu nhaꞌa cheke teke eni iara balumi ghotilo ia. Iara ginauna edi glepo biꞌo ke ulumi ghotilo. Glepo igre neke theome edi nekeu aheva nga ke uludi naiknore ka nauthoglu igne. Eghuteuna naikno te gnafa te au faligoho ghami ghotilo are ginauna filodi glepo biꞌo nate edi iara Lord, eghuteuna mare ginauna jaglo nodi fara nei jaola mhaghu nodi.

Eksodas 34:10 ပူးပေါင်းရင်းမြစ်များ

Diutronomi 10:21

Ghotilo ghatho tahuni Lord! Eigna mana ngala nomi God ghotilo mae ihei teke edi glepo biꞌo te mamhaghuana teke filodi ghotilo ra.

Nodi Khoje Hatimare Mae Jiu 77:14

God, kaisei iagho ngala te tangomana te edi kofubobhoire. Uve, tifa na iagho neke fakakhana nou nolaghi na ka keha naiknore.

Profet Isaia 64:3

Tifa na iagho neke mei edi glepo teke theome ghathodi nei mhaghudi teku ghehati ra. Ka narane tuana, thogele te gnafa igre neke filo nigho iagho, eghuteuna thogele igre neke jateula naikno te mhaghu te fififri fara ra neku.

Nodi Khoje Hatimare Mae Jiu 66:5

Tore, mei si ghotilo, mala filodi glepo te biꞌo te edi God igre. Uve, mei si ghotilo mala filodi gloku te biꞌo fara te edi mana farihoteidi naiknore igre.

Profet Jeremaea 32:21

Ka nou nolaghi biꞌo, iagho neke edi thua nafnata kofubobhoi nei fagaglana neku neke mhaghu nodi fara naiknodi Ijep. Ka puhi igne, iagho neke atha fajifla ghami Ijep.

Fapea Samuel 7:23

Eghuteuna theo kaisei naikno ka nauthoglu igne te jateula nou naikno iagho Israel igre teuna. Iagho neke fakarhidi mala kafe laseni nanghamu te fnakno kligna lahu. Ulu lahu na iheire te sneka, nu iagho fasnaglidi mala nou naikno themu. Iagho neke fakarhidi kuꞌedi nou naikno iagho teke au Ijep ra. Iagho neke edi kofubobhoi te biꞌo kani teke brue fajifladi iagho keha naiknora balu nodi mumuju god.

Nodi Khoje Hatimare Mae Jiu 78:12

God neke eni kaisei kofubobhoi mala filoni mare neku ka sare na jare Soa ka kantri Ijep.

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Josua 6:20

Kate cheke te gnafa mae Josua cheke igre, mae pris igre kufli ne raugha fara, eghuteuna mare te gnafa na ne kafe thagru ne eha fabiꞌo fara. Eghuteuna gringnigna namono te bara ka thina biꞌo igne ne phike ne grofo pari ka glose na. Eghuteuna mae soldia igre ne kafe chari doglo ne tei ruma lamna namono. Mare ne uluni namono Jeriko ka narane tuana.

Eksodas 34:27

Aonu Lord ne cheke eghu ka Moses, “Iagho rioriso soru cheke igre, naugna ka cheke igre teke eni iara Nhaꞌa Cheke igne balumu iagho nei naiknodi Israel.”

Nodi Khoje Hatimare Mae Jiu 145:6

Naiknore ginauna toutonudi glepo biꞌo teke edi iagho ra, nei iara na toutonuni eigna fnakno fara iagho na.

Nodi Khoje Hatimare Mae Jiu 106:22

Kofubobhoi teke edi God Ijep ra thono biꞌo fara, eghuteuna glepo teke edi mana ka Thongna Ukru ra, thono glepo mala jaglo nodi fara, nu mare theome ghathoni mana kolho eghu.

Nodi Khoje Hatimare Mae Jiu 76:12

Mana tapla sorudi nodi gaghatho mae biꞌo te thono fahaehaghe fara ra. Tutuani, mana famamhagudi hatimare mae king.

Nodi Khoje Hatimare Mae Jiu 65:5

Kate tore ari nigho ghehati na, iagho cheke tughu ghami ghehati, ne tangomana ghehati te uluni u magra na. Iagho edi glepo biꞌo te mala fakarhi ghami ghehati na. Naikno te gnafa ka nauthoglu igne fatutuani nigho iagho.

Nodi Khoje Hatimare Mae Jiu 147:20

Mana theome edi glepo igre maladi naiknodi keha kantri delei. Theo, mare theome lasedi nogna famane farirhiu mana re. Tahati kilo fnaknoni Lord!

Diutronomi 4:13

Eghuteuna mana neke eni nhaꞌa cheke igne baluda tahati, neke cheke ranghi ghita tahati mala leghudi Nabotho Cheke teke rioriso mana ka phei thina tataba igre.

Nodi Khoje Hatimare Mae Jiu 68:35

Kate jifla mei God ka sugagna te blahi na, naiknore mhaghuni mana, mare ghatho tahuni mana. Mana noda God tahati maeda Israel. Mana tusu mei nolaghi biꞌo ka tahati mala nheta tahati. Tahati cheke fakelini God!

Eksodas 34:28

Moses au neu ka vido igne balugna Lord nabagna phiatutu narane nei phiatutu bongi, ka narane igre, mana theome ghamu, nei jaola theome koꞌu. Eghuteuna Lord ne ghagra ke klignadi phei thina u Nhaꞌa Cheke igre, tuare Nabotho Vetula re.

Diutronomi 9:19

Iara mhaghu noguni fara diꞌatagna Lord na naugna mana diꞌatagna fara jateula mana tarabana teu te mala aknu falehe ghami ghotilo na. Nu Lord neke nomhini nogu tharai iara na.

Nodi Khoje Hatimare Mae Jiu 72:18

Cheke fakelini Lord, noda God tahati naiknoda Israel. Kaisei mana ngala te edi glepo te keli re.

Nodi Khoje Hatimare Mae Jiu 136:4

Lord ngala teke edi kofubobhoi te biꞌo te jaglodi fara tahati gre. Mana ne namha ghita tahati tifa tifa.

Profet Maeka 7:15

Lord cheke tughu ghita ne cheke eghu, “Uve, iara ginauna edi kofubobhoi fari hoteimi ghotilo, jateula teke edi iara tifa ka narane teke atha iara kuꞌemi ghotilo teke jifla Ijep.”