Eksodas 34:1 - Buka Blahi Ka Cheke Holo

¹ Lord ne cheke eghu ka Moses, “Iagho sari phei thina tataba jateula teke phei ululahu ra eghu, eghuteuna iara ginauna nake rioriso ke klignadi cheke teke aula ka phei thina tataba teke rurhuja iagho ra.

Eksodas 34:1 ပူးပေါင်းရင်းမြစ်များ

Eksodas 32:19

Kate mei namo Moses ka vido te au teu naiknore tagna na, mana ne filo teidi naikno te ragi faligohoni teu mumuju buluka teke horo mare ka gol igne, mana thono diꞌatagna fara ne koko soru pari phei thina teke pala teke mei mana igre ne bruja ka phesigna thogele igne.

Nodi Khoje Hatimare Mae Jiu 119:89

Lord God, chekemu iagho na ginauna au fabrahu tifa e tifa. Uve, ginauna na au fabrahu kligna tifa e tifa.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Eksodas 34:28

Moses au neu ka vido igne balugna Lord nabagna phiatutu narane nei phiatutu bongi, ka narane igre, mana theome ghamu, nei jaola theome koꞌu. Eghuteuna Lord ne ghagra ke klignadi phei thina u Nhaꞌa Cheke igre, tuare Nabotho Vetula re.

Eksodas 32:16

God thegna teke edi phei thina igre, eghuteuna mana thegna teke ghagra cheke igre ke klignadi phei thina igre.

Eksodas 24:12

Ke leghugna igne, Lord ne cheke eghu ka mae Moses, “Iagho haghe ka thogele igne mala mei kegra rhegui iara. Iara ginauna tusu ari ka iagho phei thina tataba teke rioriso soru iara vetula ke klignadi igre mala tei iagho farirhiudi naikno ra.”

Eksodas 34:4

Aonu, Moses ne sari phei thina jateula teke phei ululahu ra neu. Hamerane ka keha narane na, Moses ne pala phei thina igre ne haghe ka Thogele Sanai, leghuni unha teke chekeni Lord na.

Diutronomi 4:13

Eghuteuna mana neke eni nhaꞌa cheke igne baluda tahati, neke cheke ranghi ghita tahati mala leghudi Nabotho Cheke teke rioriso mana ka phei thina tataba igre.

Profet Jeremaea 36:32

Aonu mae Jeremaea atha keha pepa brahu na ne tusu lao ka mae Baruk. Eghuteuna mae Baruk neke rioriso soru cheke te gnafa teke au ka pepa brahu ulu lahu teke gnubra King Jehoiakim igre ka pepa brahu igne, baludi kmana cheke teke chekedi mae profet ka mana re.