Eksodas 33:7 - Buka Blahi Ka Cheke Holo

⁷ Leuleghu fata na naiknodi Israel igre fakegra haghe nodi suga tapuale re ka kaisei vido, Moses atha kaisei suga tapuale neke fakegra haghe delei katha ka nodi vido naiknore. Mana kiloni suga tapuale igne, “Suga tapuale ikoi mala thafoni God,” eghuteuna ihei te magnahaghei hironi gaoghathogna Lord na, mana tei ka suga tapuale igne.

Eksodas 33:7 ပူးပေါင်းရင်းမြစ်များ

Profet Isaia 59:2

Nu nakhibomi ghotilo re fota ghami ka Lord. Eghuteuna mana fofotho phei khulignare, naugna eidi puhimi ghotilo te diꞌa igre.

Proveb 15:29

Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Diutronomi 4:29

Nu ka keha namonore ghotilo ginauna hironi Lord nomi God. Eghuteuna jame te ghaoghatho fakeli ghotilo ka nomi glalase fateote'o te hironi mana na, ghotilo ginauna tangomana te filo deni mana na.

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Nodi Khoje Hatimare Mae Jiu 35:22

Nu Lord, iagho filoni ghau iara te leghuni u puhi te keli na. Lord, thosei gnokro kmu meu, thosei tei koko ghau iara.

Nodi Khoje Hatimare Mae Jiu 27:8

Kate cheke eghu iagho ka iara na, “Mei sagho mala pogho soru ke ulugu iara,” iara na cheke eghu, “Lord, iara thofno keli tagu fara, iara na ari ka iagho.”

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Eksodas 18:7

Kate nomhini mae Moses cheke igne na, mana tei ne thafoni mae Jetro ka nabrou na. Mae Moses ne tuturupuku soru ke ulugna mae Jetro, aonu mana kegra haghe ne gnanghoni mae Jetro. Ke leghugna te fari faghuaghusnai fari thedi eigna nakarhadi re, phia mare ne tei ruma ka suga tapuale mae Moses na.

Eksodas 18:12

Aonu mae Jetro ne fafara ka God glepo tautagu te thofno krono fara. Mana ne jaola ne eni keha fafara na ka God. Eghuteuna mae Eron nei hatimare mae biꞌodi Israel gre ne mei ima balugna mae Jetro ke ulugna God.

Eksodas 33:6

Aonu, funu ka narane te jifla kokoni mare Thogele Sanai, fapea nanghagna na Horeb igne, naiknodi Israel igre ne theome fahaghe nodi famane glepo re.

Eksodas 33:8

Leuleghu fata na Moses nolo tei ka suga tapuale ikoi igne, naiknore tangomana te jifla mei te kegra ke ulu ka nodi suga tapuale re. Mare filo leghuni Moses ghilei tei dofini mana lamna.