Eksodas 33:6 - Buka Blahi Ka Cheke Holo

⁶ Aonu, funu ka narane te jifla kokoni mare Thogele Sanai, fapea nanghagna na Horeb igne, naiknodi Israel igre ne theome fahaghe nodi famane glepo re.

Eksodas 33:6 ပူးပေါင်းရင်းမြစ်များ

Eksodas 33:4

Kate nomhini naiknore cheke te brana igne, mare ne funu diꞌanagnafa fara ne theome fahaghe nodi dedenge nei nodi famane pohe teure.

Profet Jeremaea 2:19

Ghotilo tei koko ghau iara, eghume iara ginauna na snakre ghami ghotilo mala tei au fakhaba ka iara mala eni fabrahu ghotilo puhi te diꞌa na. Eghuteuna ghotilo ginauna na au papara fabrahu jare. Naugna igne, ghotilo ginauna filo glani puhi te tei koko ghau iara na, nei theome ghatho tahu ghau iara teuna. Igne thofno puhi diꞌa fara, naugna igne, ghotilo ginauna au papara.” Igne chekegna Lord God mae ihei te au nolaghi fateote'o.

Eksodas 32:3

Aonu naikno te gnafa re salo nodi dedenge re atha ne mei ka Eron.

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Eksodas 33:5

Mare ne eni igne naugna Lord ne cheke faheta ka Moses mala cheke eghu mana ka naiknodi Israel, “Ghotilo patu gama fara, jame neuba iara ne tei balumi ghotilo katha vido kolho, iara jame thofno goigoni ghami ghotilou ngala. Gognarona ghotilo atha koko nomi famane dedenge nei nomi famane pohe teure, eghuteuna iara ginauna ghathoni unha nate eni ka ghotilo na.”

Eksodas 33:7

Leuleghu fata na naiknodi Israel igre fakegra haghe nodi suga tapuale re ka kaisei vido, Moses atha kaisei suga tapuale neke fakegra haghe delei katha ka nodi vido naiknore. Mana kiloni suga tapuale igne, “Suga tapuale ikoi mala thafoni God,” eghuteuna ihei te magnahaghei hironi gaoghathogna Lord na, mana tei ka suga tapuale igne.

Profet Jona 3:5

Naiknodi Ninive igre ne fatutuani ni chekegna God igne ne tughu nagnafa. Neubane mae nafnakno ba theo, mare te gnafa na ne theome ima. Eghuteuna mare ne pipichi ka pohe thona, fagaglana eigna nodi diꞌanagnafa na.