Eksodas 33:22 - Buka Blahi Ka Cheke Holo

²² Kate siasigla mei nogu nolaghi biꞌo iara na, eghuteuna ari salaꞌu ka iagho teuna, iara ginauna pophoru nigho iagho lamna khora thina, eghuteuna iara ginauna toku tafru nigho ka khamegu na ghilei tei salaꞌu iara.

Eksodas 33:22 ပူးပေါင်းရင်းမြစ်များ

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Profet Isaia 2:21

Jaola ka narane igne, naiknore ginauna mhaghu rikha tei poru lamna khora glose nei ka thogele, naugna Lord mae ihei te king, mae au nolaghi fateote'o, eghuteuna mana ginauna fakakhana nogna nolaghi na kate diꞌatagna na.

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Famane Khoje 2:3

Kate au iagho farihoteidi keha mae majaghani re, iagho thofno jateula kaisei gaju te ure sisi farihoteidi keha gaju mata ra eghu. Iara magnahaghei fara te mala gnokro ka naungogna gaju igne, eghuteuna maimani gna sisi igne thofno mamahe fara.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Ululahu Kings 19:9

Ka vido igne mana tei ne ruma ka kaisei gluma thina ne au neu jare. Aonu Lord ne ghusna eghu ka mana, “Elija! Iagho mei eni unha agne?”

Profet Isaia 49:2

Mana neke eni chekegu iara na mala fnonu jateula naflahi mala magra eghu. Mana reireghi ghau iara jateula te pophoru ka khamegna na. Mana tarabana ghau iara jateula iara te kaisei jata te fnonu te tarabana te mala fada ra eghu.

Profet Isaia 51:16

Iara neke lilisei maloa gne ka thofno mala augna na, eghuteuna lilisei famaku nauthoglu igne. Iara neke cheke eghu ka naikno te au ka namono Jerusalem, ‘Ghotilo nogu naikno iara.’ Iara neke farirhiu ghami ghotilo, eghuteuna iara reireghi ghami ka khamegu iara.”