Eksodas 33:20 - Buka Blahi Ka Cheke Holo

²⁰ Nu iara theome tangomana te snakreni ka iagho te filoni tathagu nei foflogu teu iara na, naugna theome tangomana kaisei naikno te filo ghau iara na, jame te eghu na, mana ginauna lehe.

Eksodas 33:20 ပူးပေါင်းရင်းမြစ်များ

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Jenesis 32:30

Mae Jekop ne cheke eghu, “Iara la filonihi tathagna nei foflogna teu God na, eghuteuna iara gne na theome lehe eghu.” Aonu mae Jekop ne kiloni vido igne Peniel.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Jajis 6:22

Kate laseni Gidion mana te filoni nogna Engel Lord na, mana mhaghu nogna ne cheke eghu, “Lord God, iara diꞌa nagnafagu fara! Iara ginauna lehe naugna iara la filodi tathagna nei foflogna teu nou engel iagho na!”

Jajis 13:22

Manoa mhaghu nogna fara ne cheke eghu ka khetogna na, “Tapa ginauna lehe, naugna tapa la filoni God!”

Diutronomi 5:24

Mare neke cheke eghu, ‘Lord, noda God tahati igne, gognarona mana fakakhana siasiglagna nogna nolaghi biꞌo na nei puhi te thono haghe fara mana na eghu ka tahati. Eghuteuna tahati nomhini naoglagna mana na mei funu ke lamna khaꞌaghi. Gognarogne ghehati nomhini God tangomana te cheke ka tahati naikno na, neuba ghehati karhau ngala, theome lehe!

Hibru 1:13

Eghuteuna God neke theome cheke eghu ka kaisei mae engel unha teke cheke eghu mana ka mae Thugna na, “Iagho gnokro agne fei nhetagu, mala ghilei tapla sorudi iara nou mae naoka iagho gre ke parigna nou nolaghi na.”

Eksodas 33:18

Eghuteuna Moses neke tore, neke cheke eghu ka Lord, “Lord, iara magnahaghei nigho iagho fara te fakakhana ka iara siasigla gna nou nolaghi biꞌo iagho na.”

Eksodas 33:23

Kate lisei fadelei iara khamegu na, iagho ginauna filoni kolho thagrugu iara na, nu iagho na theome filoni tathagu nei foflogu teu iara na.”

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Eksodas 24:9

Ke leghugna igne, mae Moses, mae Eron, mae Nadab, mae Abihu nei fitusalei nodi mae funei hatimare mae Israel igre eghu ne haghe ka thogele na, ne filoni nodi God mae Israel igne. Ke paridi ghahegna God igre au kaisei glepo te jateula thina tataba te klino fara jateula maloa teu fifilogna na, famane thina igne mare kiloni “safa”.