Eksodas 33:18 - Buka Blahi Ka Cheke Holo

¹⁸ Eghuteuna Moses neke tore, neke cheke eghu ka Lord, “Lord, iara magnahaghei nigho iagho fara te fakakhana ka iara siasigla gna nou nolaghi biꞌo iagho na.”

Eksodas 33:18 ပူးပေါင်းရင်းမြစ်များ

Eksodas 33:20

Nu iara theome tangomana te snakreni ka iagho te filoni tathagu nei foflogu teu iara na, naugna theome tangomana kaisei naikno te filo ghau iara na, jame te eghu na, mana ginauna lehe.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Nodi Khoje Hatimare Mae Jiu 4:6

Lord, kmana naikno tarai eghu, “God filo mei ghami. Ghehati magnahaghei nomi kmana glepo te keli ka iagho.”

Jone 14:21

Mae ihei te nomhidi nei leghudi teu nogu vetula iara re, mae tuana ngala te namha ghau iara na. Eghuteuna mae ihei te namha ghau iara na, mae Kmagu iara na ginauna namhani mana. Eghuteuna iara ginauna namha nila mana, nei na fatakle ghau thegu ka mana.”

Nodi Khoje Hatimare Mae Jiu 63:3

Nou namha iagho na thofno biꞌo fara salaꞌuni nauthoglu igne, tutuani fara, biꞌo salaꞌudi thua nafnata fateo te au ka nakarhagu iara gne. Naugna igne iara magnahaghei te cheke fakeli nigho.