Eksodas 33:14 - Buka Blahi Ka Cheke Holo

¹⁴ Lord ne cheke eghu, “Moses, thosei nanga nou! Iara ginauna tei balumu iagho! Gobigna lepore ginauna keli ranghi nigho iagho.”

Eksodas 33:14 ပူးပေါင်းရင်းမြစ်များ

Josua 21:44

Lord ne tusu ranghidi pharikeli heva heva ke lamnadi glose aheva teke nhaꞌa cheke mana ranghidi kuꞌedi mare tifa ra. Eghuteuna ka narane igre, theo kaisei naoka te tangomana te uludi mare na, naugna Lord neke toghodi neke uludihi mare nodi naoka mare igre.

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Nodi Khoje Hatimare Mae Jiu 95:11

Iara diꞌatagu fara ka mare, naugna igne iara neke cheke eghu, “Ghotilo ginauna theome tei thoke ka kantri teke magnahagheni fara te tusu ari ka ghotilo mala gnafa.”

Josua 22:4

Eghuteuna gognarona Lord nomi God ghotilo na ginau tusu ranghidi vikemi ghotilo re pharikeli mala au fakeli ka nomi glose ghotilo re, jateula teke nhaꞌa cheke mana tifa ia. Eghuteuna thofno keli fara ghotilo teke figri ka nomi namonore, ka nomi glose teu te khotodi ghotilo ka keha phile Khoꞌu biꞌo Jordan, aheva Moses teke tusu arihi ka ghotilo tifa ra.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Eksodas 13:21

Fei narane na, Lord ne tei ke uludi nogna naiknore ke lamna khoveo te thuta te mala falalase ranghidi u nabrou na. Eghuteuna fei bongi mana tei ke uludi ka khaꞌaghi. Ka puhi igne Lord tangomana te batudi leghu fata fei narane ba fei bongi na.

Josua 23:1

Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Diutronomi 3:20

Ghotilo mala toghodi kherami are ghilei au nodi namono mare te mala au tagna na. Eghuteuna mare jaola neke hata glose ka keha phile ke mosu Khoꞌu biꞌo Jordan aheva Lord nomi God ghotilo nate tusu ari ka ghotilo. Eghuteuna ghotilo mala au baludi mare ghilei gnafa magra na, eghuteuna Lord ginauna toghodi mare mala au fakeli, jateula ghotilo te au fakeli ka glose teke tusu ari iara ka ghotilo igne. Eghuteuna ke leghudi glepo igre, ghotilo ginauna tangomana na teke pulo mei mala au ka glose tekela tusu arihi iara ka ghotilo igne.’

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Diutronomi 4:37

Naugna mana neke namhadi fara kuꞌemi ghotilo tifa ra, mana neke vahi ghami ghotilo mala nogna naikno mana. Eghume ka nogna nolaghi mana, mana neke hata fajifla ghami Ijep.

Diutronomi 12:10

Ghotilo ginauna tei kasa ka Khoꞌu biꞌo Jordan mala thofno au fabrahu ka glose aheva Lord nomi God teke tusu ari mala khotogna ghotilo teku na. Eghuteuna mana ginauna togho ghami ghotilo mala au muana nei theome nangadi nomi naokare.

Diutronomi 25:19

Lord nomi God ghotilo igne ginauna togho ghami ghotilo mala gnafa ka glose teke tusu ari mana te mala khotogna na, eghuteuna mae naoka te au faligoho ghami ghotilo are ginauna theome eni kaisei puhi te diꞌa ka ghotilo. Aonu ka narane tuare, ghotilo ginauna tei falehedi gnafa vikegna mae Amalek. Ghotilo ginauna goigonidi gnafa, mala theome tangomana kaisei naikno teke ghathodi re. Ghotilo thosei ghatho ihoni igne!”

Diutronomi 31:8

Lord thegna ginauna batu ghami ghotilo, eghuteuna mana ginauna au balumi ghotilo. Mana ginauna theome tangomana nate lisa koko ghami ghotilo na, eghume gaoghathomi ghotilo re mala theome glaꞌe soru nei mhaghu eghu.”

Profet Jeremaea 31:2

Lord ne cheke eghu, “Tifa, kani teke au kuꞌemi ghotilore ka namono nagou ra, iara neke keli ranghidi neke theome lehe ka magra, eghuteuna hiro nodi namono te mala gnafa na.”

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Profet Daniel 12:13

“Ghema Daniel, gaoghathomu iagho na mala au rheta ka God ghilei thokeni huigna naranemu na. Ka narane tuana iagho ginauna lehe, nu iagho ginauna nake karha fapulo mala hata nou taba biꞌo na ka narane leghu lahu igne.”