Eksodas 32:4 - Buka Blahi Ka Cheke Holo

⁴ Eron atha dedenge gol igre gahu ne fablalho ne horo kaisei mumuju buluka nalhaꞌugna. Mana fakegra haghe mumuju buluka nalhaꞌugna igne, eghuteuna naiknore ne cheke eghu, “Ghotilo naiknomi Israel! Igne noda god tahati na, mae ihei teke atha ghita teke jifla Ijep!”

Eksodas 32:4 ပူးပေါင်းရင်းမြစ်များ

Diutronomi 9:16

Eghuteuna kate posa iara ka ghotilo na, iara filo ghami ghotilo te eni nakhibo biꞌo ranghini Lord nomi God. Ghotilo neke eni kaisei mumuju sua buluka ka gol. Ghotilo ghosei ngala te tei kokoni puhi teke chekeni Lord mala leghuni ghotilo teku ia.

Mae Khuru 7:41

Aonu mare ne hohoro kaisei mumuju mala jateula buluka eghu. Eghuteuna mare ne fafara ka mumuju buluka igne ne keli tadi ka unha teke hohoro thedi na.

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Ululahu Kings 12:28

Kate ghaoghatho fakelini igne, mae Jeroboam ne edi phei mumuju buluka nalhaꞌudi ka gol. Aonu mana ne cheke eghu ka naiknore, “Kmana fata ghotilo tei tarai koba Jerusalem, nu gognarona ghotilo thosei ke tei jare. Filo si ghotilo. Igre phei nomi god ghotilo maemi Israel ra. Phiamare neke hata kuꞌemi ghotilo tifa ra neke jifla Ijep.”

Profet Hosia 13:2

Gognarona mae Israel igre mare leghuni puhidi vikegna mae Ifreim te diꞌa igre, mare tapla jafra fabrahu ka nakhibo. Mare theome gnafa te hohoro mumuju ka silva te mala tarai nei pogho soru ranghini teuna. Mumuju igre neke hohoro kolho naikno leghuni nogna glalase na. Naiknodi keha kantri te au faligohodi mare igre cheke eghu, “Mae Israel igre mare falehe naikno mala fafara ka mumuju, eghuteuna mare gnangho ka mumuju buluka igne.”

Mae Khuru 17:29

“Tutuani fara, tahati kafe goro thugna God. Nu God na jateula kaisei mumuju teke ghathoni ba hohoro naikno kolho sia thosei eghu ka gaoghathomire. Theo. Mana theome glepo jateula gol ba silva ba thina.

Profet Hosia 10:5

Buluka gol te au ka namono Betel igne ginauna diꞌa, eghuteuna naikno te au ka namono biꞌo Samaria na igre ginauna mhaghu nodi nei diꞌanagnafa eghu ka buluka igne. Naikno te gnafa baludi mae pris igre ginauna tanhi nei diꞌanagnafa eghu eigna mumuju buluka igne. Naugna mae Asiria igre ginauna hata koko gol teke au ka thinigna mumuju buluka igne.

Profet Isaia 46:6

Naiknore tothora nodi gloi re, eghuteuna tofa soru gol ba silva mala skel. Aonu mare folini kaisei mae mala hohoro kaisei mumuju ka gol nei silva teu igre. Gnafa teuna, mare pogho soru ne tarai ka mumuju igne.

Fapea Kronikols 13:8

“Eghuteuna gognarona, ghotilo mei balu gaoghatho te mala magrini tharaknagna king mae ihei Lord teke vahini mare te mala king, mana tharaknagna King Devet. Nomi soldia ghotilo gre thono kmana, eghuteuna ghotilo pala mei balumi mumuju god teke eni mae Jeroboam ka gol.

Fapea Kronikols 11:15

Jeroboam fablahidi nogna pris thegna re te mala loku ka vido blahire. Mare tarai tufru soru ka mumuju nanigot nei ka sua buluka.

Eksodas 20:23

Fanomho fakeli ghotilo ia. Thosei hohoro mumuju ka gol ba ka silva mala jateula iara eghu mala pogho soru ranghini glepo tuana. Theo, ghotilo mala pogho soru ranghi ghau iara kolho.

Fapea Kings 10:29

Neuba, mae Jehu neke theome goigoni phei mumuju buluka nalhaꞌudi teke horo mae Jeroboam thugna mae Nebat ka gol. Mana neke lilisei kaisei Betel, eghuteuna keha na Dan. Mana neke batudi naiknodi Israel gre neke pogho soru ka phei mumuju igre.

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Ululahu Kings 12:32

Mae Jeroboam ne vahini kaisei narane biꞌo ka nabotho glimai gna narane fahana gna nhigra na, igne jateula kaisei nodi narane biꞌo eghu mae Juda. Mana neke horo kaisei olta Betel mala fafara ka phei mumuju buluka igre. Mana jaola neke fablahidi hatimare mae pris igre Betel mala loku ka vido blahi teke edi mana igre.

Eksodas 28:11

Iagho vahini kaisei mae te lase ghagra nanghadi mare ke klignadi phei thina igre. Eghuteuna mare atha famane gol mala edi phei glepo jateula sisi ikodi te mala loku ka phei thina igre eghu.

Eksodas 28:9

Mare atha phei famane thina ukru te kilodi soham, eghuteuna mare ghagra nanghadi nabotho phei thugna Jekop re ka phei thina igre.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Ululahu Korin 10:7

Tahati mala thosei pogho soru ka mumuju jateula mare eghu. Eigna grioriso te blahi na cheke eghu, “Naiknore gnokro soru mala ima nei koꞌu. Aonu kegra haghe mala tei gnognoro tafri.”

Eksodas 32:3

Aonu naikno te gnafa re salo nodi dedenge re atha ne mei ka Eron.

Eksodas 32:5

Kate filoni Eron igne, mana ne horo kaisei olta ke ulugna buluka nalhaꞌugna tuana, ne cheke eghu ka naiknore, “Nathuꞌu, tahati ginauna eni kaisei gaghamu mala ghatho tahuni Lord.”

Eksodas 32:7

Lord ne cheke eghu ka Moses, “Iagho faghosei sukha, naugna gognarona, nou naikno iagho teke atha teke jifla iagho Ijep ra, la diꞌa fara.

Eksodas 32:24

Aonu iara neke cheke eghu ka mare, ‘Ghotilo iheire te babaꞌo keha glepo ka gol ra atha mei ka iara.’ Aonu mare ne famei ka iara. Aonu iara neke khogla koko lao kolho gol igre ke lamna khaꞌaghi, eghuteuna jare ne jifla mei mumuju gna buluka nalhaꞌugna igne!”

Eksodas 32:35

Ke leghu, Lord ne kuru mei kaisei fogra biꞌo ne thokedi naiknore, naugna mare neke tarai ka mumuju gna buluka teke horo Eron ka gol igne.

Fapea Kings 10:20

Mae Jehu ne cheke eghu ka mare, “Ghotilo vahini kaisei narane mala kafe mei tarai tahati ka Baal.” Aonu mare ne vahini kaisei narane.

Profet Isaia 30:22

Eghuteuna mumuju god te toku tafru ghotilo ka silva nei gol teu igre, ghotilo ginauna koko jateula glepo te diꞌa ra eghu. Ghotilo ginauna koko glepo igre na cheke eghu ka mare, “Iara tirogu nigho fara.”

Profet Esikiel 23:8

Naꞌa leghudi kolho puhi te diꞌa teke edi teke mei funu Ijep kani gaꞌase majaghani gna teku naꞌa na. Ka narane tuana, mae nalhaꞌure mei thuru fodu balugna naꞌa, nei loku ka chuꞌugna re, eghuteuna mare lalahu fadiꞌa balugna naꞌa.

Eksodas 20:4

“Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Jajis 8:24

Eghuteuna mana ne cheke eghu, “Nu iara magnahaghei te toreni kaisei glepo ka ghotilo. Tusu mei dedenge teke hata ghotilo ka noda naoka tahati ra.” Nodi kastom naiknodi Midian te au baludi vikegna Ismael igre jaola fahaghe dedenge gol.

Jajis 8:27

Gidion ne horo kaisei glepo blahi te kiloi Efod ka gol ne lilisei ka nogna suga na namono Ofra. Theome raugha naiknodi Israel igre ne tei kokoni Lord ne tarai ka glepo blahi igne, jateula gaꞌase te tei kokoni khetogna te au balugna keha nalhaꞌui ra neu. Eghuteuna igne jateula kaisei phighoro eghu ka Gidion nei tharaknagna.