Eksodas 32:33 - Buka Blahi Ka Cheke Holo

³³ Nu Lord ne cheke eghu, “Iheire teke eni nakhibo igne ranghi ghau iara na, iara ginauna ghiha koko nanghadire ka nogu buka na.

Eksodas 32:33 ပူးပေါင်းရင်းမြစ်များ

Profet Esikiel 18:4

Mae te gnafa igre nogu iara. Uve, ido nei mama nei goro sua langau teu igre nogu iara. Nu mae ihei te tapla jafra ka nakhibo na, mana ginauna lehe ka nakhibogna thegna.

Nodi Khoje Hatimare Mae Jiu 69:28

Te keli na iagho ghiha koko nanghadi mae naokare ka buka te au nanghadi naikno te au ka karhare, thosei kaha fodu baludi ka nou naikno iagho re.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Nodi Khoje Hatimare Mae Jiu 9:5

Iagho la fatedihi naikno bongihehe te pogho soru ka mumuju ra. Iagho la roꞌe sorudihi naikno te gnognoro ra, eghuteuna naikno igre ginauna na theo kaisei naikno nate ghatho fapulodire tifa e tifa.

Levitikas 23:30

Eghuteuna jame kaisei naikno eni kaisei gloku ka narane biꞌo igne, iara ginauna faleheni mana.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Filipae 4:3

Iara jaola tore nigho iagho thofno mae kheragu te keli ia mala toghodi repa ka puhi igne. Naugna repa igre loku heta balugu iara mala toutonuni u Nonomho te Keli eigna mae Jisas Kraes. Repa jaola loku heta balugna mae Klement nei baludi keha nogu mae gloku iara gre. God la kulu riorisohi nanghadire ka nogna buka na. U buka tuana kafe au nanghadi naikno nate athini u karha fei tifa na.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Nodi Khoje Hatimare Mae Jiu 69:29

God, iara gne au kokhoni ghau fara, eghuteuna gaoghathogu na la funu glaꞌe soru. Farhetani gaoghathogu gne nei fakarhi ghau eghu.

Profet Esikiel 18:20

Mae ihei te tapla jafra ka nakhibo na, mana ginauna mala lehe. Thugna mana re ginauna theome tangomana te au papara ka nakhibogna mae kmadi na, eghuteuna mae kmadi na theome tangomana te au papara ka nakhibodi thudi re. Ihei te au doglo na, mana ginauna hata nogna fablahi, nu ihei te diꞌa na mala au papara eidi glepo te diꞌa teke edi mana re.