Eksodas 32:32 - Buka Blahi Ka Cheke Holo

³² Neuba, iara tore nigho iagho mala atha koko nakhibodi naikno re. Nu jame te theo na, uve, iara tore nigho iagho mala ghiha koko nanghagu iara na ka buka teke rioriso nanghadi nou naikno iagho re ke lamnagna.”

Eksodas 32:32 ပူးပေါင်းရင်းမြစ်များ

Nodi Khoje Hatimare Mae Jiu 69:28

Te keli na iagho ghiha koko nanghadi mae naokare ka buka te au nanghadi naikno te au ka karhare, thosei kaha fodu baludi ka nou naikno iagho re.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Filipae 4:3

Iara jaola tore nigho iagho thofno mae kheragu te keli ia mala toghodi repa ka puhi igne. Naugna repa igre loku heta balugu iara mala toutonuni u Nonomho te Keli eigna mae Jisas Kraes. Repa jaola loku heta balugna mae Klement nei baludi keha nogu mae gloku iara gre. God la kulu riorisohi nanghadire ka nogna buka na. U buka tuana kafe au nanghadi naikno nate athini u karha fei tifa na.

Profet Daniel 12:1

Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Nodi Khoje Hatimare Mae Jiu 139:16

Kate theome karha nga teu iara na, iagho filo ghau iara. Ame fufunu nga narane gre ka nakarhagu iara na teuna, iagho neke tutu fakelihi igre neke rioriso soruhi ka nou buka na.

Nodi Khoje Hatimare Mae Jiu 56:8

Iagho laseni puhi biꞌo te au ka iara igne. Iara gne au diꞌanagnafa nei tanhi eghu nogu fara. Uve, iagho neke ghathoni igne neke kulu riorisonihi ka nou buka na.

Thakle 17:8

Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Diutronomi 25:19

Lord nomi God ghotilo igne ginauna togho ghami ghotilo mala gnafa ka glose teke tusu ari mana te mala khotogna na, eghuteuna mae naoka te au faligoho ghami ghotilo are ginauna theome eni kaisei puhi te diꞌa ka ghotilo. Aonu ka narane tuare, ghotilo ginauna tei falehedi gnafa vikegna mae Amalek. Ghotilo ginauna goigonidi gnafa, mala theome tangomana kaisei naikno teke ghathodi re. Ghotilo thosei ghatho ihoni igne!”

Diutronomi 9:14

Iagho thosei lhoti ghau iara, iara ginauna goigonidi mare. Iara ginauna na theome snakreni kaisei naikno mala ke ghathodi mare. Eghume iara ginauna eni vikemu iagho na mala kaisei vike te biꞌo nei nolaghi fara eghu uludi mare.’

Naba 14:19

Eghume ka nou namha te biꞌo, iara tore nigho iagho mala atha fadelei nakhibodi naikno igre, jateula iagho teke atha fadelei nakhibodi naikno igre vuha ka teke jifla mare Ijep te thoke gognaro gne eghu.”

Eksodas 32:10

Iara thono diꞌatagu fara ka naikno igre, eghuteuna iara ginauna goigonidi nei roꞌedi eghu mare. Iagho thosei fariuriu lhoti ghau iara. Iara ginauna eni nigho iagho baludi iheire nate karha mei ke leghumu iagho re mala kaisei vike biꞌo.”

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Profet Emos 7:2

mala ghilei thofno ghamu fahui gobigna lepo teke kotu ka vido tuana. Eghuteuna iara ne cheke eghu, “Lord God! Lord God hata fadeleidi nakhibodi nou naikno iagho te au Israel igre! Jame te paradi iagho naikno igre na, na faꞌunha eghu karha sigrea?”

Profet Esikiel 13:9

Iara ginauna paradi mae profet chaichaghi te gnafa te chaichaghi eidi mifi igre, eghuteuna mare jaola cheke eidi glepo nate thoke mei. Eghuteuna ghotilo mae profet chaichaghi ra ginauna theome tangomana te au baludi mae te mala baubatudi nogu naikno iara kate mei salofodu mare ka faidu na. Nanghami ghotilo re ginauna theome au ke lamna thura naiknodi Israel, eghuteuna ghotilo ginauna theome tangomana teke pulo Israel. Ka narane tuana, ghotilo naiknomi Israel ra ginauna laseni te iara Lord.

Thakle 22:19

Eghuteuna jame ihei te hata fadelei keha chekegna God te au ke lamnagna buka na igre, God ginauna theome snakreni mana te mala hata fablahi te chekeni ka buka igne. Mae tuana ginauna theome au ka namono blahi na nei mana ginauna na theome tangomana te hata kaisei sisi ka gaju te tusu meini u karha te theo ka gnafagna na.

Luku 10:20

Nu ghotilo thosei gleale'a, naugna te leghu ghami naiture, nu ghotilo gleale'a naugna God na la riorisohi nanghami ghotilo re kligna.”

Naba 11:15

Eghuteuna jame te eghu fabrahu iagho puhi igne ka iara na, falehe ghau iara gognarola. Nu te reireghi ghau iara iagho na, thofno lisa ghau iara ka glehe mala theome thoke ghau puhi!”

Fapea Samuel 18:33

King nomhini igne ne thono diꞌanagnafa gna fara. Mana kegra haghe ne tei ruma ka kaisei chogho kligna ka grengathagna bara thina na ne tanhi eghu fabiꞌo, “Thuguo Absalom! Thuguo Absalom! Te keli na jame iara nga teke lehe tughu nigho iagho na. Theome iagho, thuguo Absalom!”

Profet Isaia 4:3

Naikno te karha teu Jerusalem igre Lord neke kilodi nogna naiknore, naikno blahi. Eghuteuna mana riorisohi nanghadire ka nogna buka na.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Profet Malakai 3:17

“Aonu Lord mae ihei te au nolaghi fateoteꞌo igne ne cheke eghu, ‘Naikno igre mala nogu iara. Eghuteuna iara ginauna kokhonidi naikno igre jateula mae kmami ghotilo te kokhonidi thudi ra eghu.

Naba 11:25

Aonu Lord ne soru mei ka kaisei gromno ne cheke balugna Moses. Lord ne atha keha nolaghi gna nogna Tharunga te Blahi teke tufa ka mae Moses re, ne tufa lao ka fitusalei mae lida re. Kate mei Tharunga te Blahi na te au ka mare na, mare ne cheke jateula mae profet neu, nu kaisei fata kolho eghu.