Eksodas 32:27 - Buka Blahi Ka Cheke Holo

²⁷ Moses ne cheke eghu ka mare, “Igne unha te chekeni Lord nodi God naiknodi Israel, ‘Ghotilo te gnafa na kafe atha naflahi mala magra, eghuteuna tei ka vido te gnafa heva heva mala aknu falehe iheire teke eni puhi te diꞌa igne, neuba ne thabusimi, ba kherami, ba kherami fofodu ghotilo.’ ”

Eksodas 32:27 ပူးပေါင်းရင်းမြစ်များ

Naba 25:5

Mae Moses ne kilo meidi mae funei te gnafa re, ne cheke eghu ka mare, “Ghotilo ginauna tei falehedi mae ka ghotilo teke maimanihini god Baal ra.”

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Eksodas 32:29

Aonu Moses ne cheke eghu ka mare, “Gognaro, ghotilo fablahi ghami themi mala loku ranghini Lord, naugna ghotilo neke falehedi iheire teke eni puhi te diꞌa igne, neubane thumi nei thabusimi ghotilo. Tuana Lord te fablahi ghami ghotilo gognaro gne.”

Eksodas 32:26

Aonu mana tei ne kegra ka grengatha gna vido aheva te au teu mare na ne eha eghu fabiꞌo ka mare, “Ghotilo te gnafa te nogna Lord ra mei agne balugu iara!” Aonu vikegna Livae mei ne khapru faligohoni mana.

Eksodas 32:28

Aonu, mae Livaet gre ne leghuni nogna cheke Moses igne ne aknu falehe thilo thogha mae ka narane tuana.

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Diutronomi 13:10

Iagho fadi faleheni mana ka thina, naugna mana ne fariuriu batu fadelei nigho iagho ka Lord nomi God ghotilo na, mae ihei teke fakarhi ghami ghotilo Ijep ka namono teke sneka ghotilo tagna ia.

Fapea Kings 10:25

Kate fafara te gnafa na, mae Jehu jifla kosi ne cheke eghu ka nogna mae komanda nei soldia teure, “Ghotilo ruma mala kafe aknu falehedi hui, thosei snakreni kaisei mala rikha!” Aonu mare ruma balu naflahi ne aknu falehedi ne hui naiknore. Eghuteuna mare ne koko fajifla thinidire kosi. Aonu mare neke ruma lamna ka chogho blahi na.

Profet Esikiel 9:5

Iara nomhini Lord ne cheke eghu ka namno mae igre, “Ghotilo leghuni mae igne mala tei falithui ke lamnagna namono igne mala aknu falehe gnafa iheire te theo fagaglana ka greredi re. Ghotilo thosei kokhonini ihei ba snakreni kaisei naikno mala karha.