Eksodas 32:2 - Buka Blahi Ka Cheke Holo

² Eron ne cheke eghu ka mare, “Uve, ghotilo tei atha dedenge gol ka khetomi nei thumi teu ghotilo are mala atha mei ka iara.”

Eksodas 32:2 ပူးပေါင်းရင်းမြစ်များ

Profet Hosia 2:8

Nu naꞌa theome lasedi gano, nei oel, nei waen, eghu te hata naꞌa are neke tufa iara ka naꞌa. Eghuteuna silva, nei gol teu te lalaoni naꞌa are jaola neke tufa iara ka naꞌa. Naꞌa theome laseni kolho silva nei gol eghu te lalaoni naꞌa te tarai ka mumuju Baal igre, iara teke tufa ka naꞌa re.

Profet Esikiel 16:17

Iagho jaola hata keha famane glepo te keli ka silva nei ka gol teke faꞌari iara ka iagho ra, eghuteuna iagho hata mala horo nou mumuju themu. Igne jateula mae nalhaꞌu teke thuru balumu iagho ia eghu.

Eksodas 35:22

Uve, nalhaꞌu ba gaꞌase te thofno au nagnafadi fara te mala tusu lao glepo ka Lord igre, mare atha mei famane glepo teke horo mare ka gol, nei keha nafnata glepo mala lilisei ka pohe, nei dedenge, nei ring, nei chen mala babaꞌo. Mare pala haghe gol igre jateula nodi fafara eghu mala fagaglana gna te glepo igre nogna Lord.

Jenesis 24:47

“Iara neke ghusna eghu ka naꞌa, ‘Iagho thugna gaꞌase mae ihei?’ “Naꞌa neke cheke eghu, ‘Iara thugna Betuel. Beteul na, thudi Naho ghe Milka.’ Aonu iara neke lilisei kaisei ring ka nehugna na nei phei khome ka phei khamegna re neku.

Jenesis 24:22

Kate koꞌu te gnafa kamel re, mana ne hata ne tusu lao ka Rebeka kaisei ring teke hohoro ka gol mala lilisei ka nehu na, tahugna na glima gram, nei phei khome neke hohoro la ka gol, tahu dire phei gobi gram.

Eksodas 20:23

Fanomho fakeli ghotilo ia. Thosei hohoro mumuju ka gol ba ka silva mala jateula iara eghu mala pogho soru ranghini glepo tuana. Theo, ghotilo mala pogho soru ranghi ghau iara kolho.

Eksodas 32:3

Aonu naikno te gnafa re salo nodi dedenge re atha ne mei ka Eron.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Profet Isaia 30:22

Eghuteuna mumuju god te toku tafru ghotilo ka silva nei gol teu igre, ghotilo ginauna koko jateula glepo te diꞌa ra eghu. Ghotilo ginauna koko glepo igre na cheke eghu ka mare, “Iara tirogu nigho fara.”