Eksodas 32:17 - Buka Blahi Ka Cheke Holo

¹⁷ Josua neke balugna Moses ka teke soru mana funugna holo ka thogele ro, eghuteuna mae Josua ne nomhidi naogladi naikno te eha fabiꞌo re, aonu mana ne cheke eghu ka Moses, “Iara ne nomhidi naogladi re jateula mae naoka te mei te magra ka naikno tahati ra eghu!”

Eksodas 32:17 ပူးပေါင်းရင်းမြစ်များ

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Eksodas 17:9

Aonu mae Moses ne cheke eghu ka mae Josua, “Iagho na vavahi keha mae ka mae tahati igre mala jifla nathuꞌu mala tei magra ka hatimare mae Amalek. Nu iara ginau na kegra ka thogele ikoi igne balugu khodo mala atha iara teku God igne.”

Profet Emos 2:2

Iara ginauna koko soru khaꞌaghi ka kantri Moab mala nhako fahui suga te rheta ka namono biꞌo Keriot. Eghuteuna kaisei magra biꞌo ginauna posa mei. Hatimare mae soldia ginauna eha nei kufli eghu. Ka narane igne hatimare mae Moab ginauna lehe.

Profet Emos 1:14

Iara ginauna koko soru khaꞌaghi ka baragna namono biꞌo Raba mala nhako fahui suga te gnafa te rheta ka namono tuana. Kate magra na, hatimare mae soldia ginauna eha fabiꞌo, eghuteuna magra igne ginauna rheta fara jateula kaisei nuri saeklon eghu ka vido tuana.

Profet Jeremaea 51:14

Lord mae ihei te au nolaghi fateote'o igne mana na eni kaisei nhaꞌa cheke eghu ka ghotilo, ‘Iara ginauna kurudi mae naoka mala mei magra ka ghotilo. Eghuteuna kmana soldia fara jateula tothoghei cheche te goigonidi nagare ra eghu na mei goigoni ghami ghotilo. Eghuteuna mare ginauna na eha fabiꞌo, naugna mare ginauna na ulu ghami ghotilo.’ ”

Nodi Khoje Hatimare Mae Jiu 47:1

Ghotilo naikno ka namono te gnafa ra! Ghotilo kafe proaposa! Koje fabiꞌo balu glealeꞌa nei kilo fnaknoni God.

Thoutonu Eigna Mae Job 39:25

Kate nomhidi naogladi khufli re, rehati jaola sune ka nehudi re. Kate au khaba teuna, rehati tangomana te gnangho teini magra igne. Eghuteuna rehati tangomana te nomhi teidi kolho mae komanda kate eha mare ka mae soldia re.

Ululahu Samuel 17:52

Ka narane igne, hatimare mae soldia di Juda nei Israel teu igre ne thagru fabiꞌo ne ngolhi leghudi ne tei posa ka namono Gat, nei ke kosi namono Ekron. Mare ne aknu falehe kmana mae soldia di Filistia ne chara tongana ka nabrou te soru funu Saraem te tei posa Gat nei Ekron.

Ululahu Samuel 17:20

Aonu hamerane boibongi ka keha narane na, mae Devet ne kuruni kaisei mae mala tei reireghi sipu. Aonu mana leghuni unha te chekeni mae kmagna na igne ne atha gano igre jifla ne tei. Mana ne tei posa ka vido aheva te tarabana mala magra teu te eha fabiꞌo teu mae soldiare.

Jajis 15:14

Kate mei Samson Lehi na, soldia di Filistia igre chari ne mei balu eha fabiꞌo. Ka narane tuana, Tharunga gna Lord na ne mei ka Samson, neke farhetani mana. Mana ne kusu phei gnarho teke haru ka mana igre, jateula mae ihei te lolhopa buburu moja ra neu.

Josua 6:20

Kate cheke te gnafa mae Josua cheke igre, mae pris igre kufli ne raugha fara, eghuteuna mare te gnafa na ne kafe thagru ne eha fabiꞌo fara. Eghuteuna gringnigna namono te bara ka thina biꞌo igne ne phike ne grofo pari ka glose na. Eghuteuna mae soldia igre ne kafe chari doglo ne tei ruma lamna namono. Mare ne uluni namono Jeriko ka narane tuana.

Josua 6:16

Ka fafitu fata te tei faligohoni mare namono igne, mae pris igre ne tarabana mala kufli fabrahu. Aonu mae Josua ne cheke eghu ka mare, “Gognarona ghotilo eha fabiꞌo! Naugna Lord la snakrenihi namono igne ka tahati!

Josua 6:10

Nu mae Josua ne cheke eghu ka mae soldia igre, “Ghotilo thosei eha ba ghagri kaisei cheke ghilei thokeni narane nate chekeni iara ka ghotilo na. Eghuteuna iara ginauna na cheke ranghi ghami ghotilo ame eha fabiꞌo nga ghotilo eghu!”

Josua 6:5

Kate nomhini ghotilo te kufli te raugha mare na, ghotilo kafe eha fabiꞌo. Ka vido narane igne, gringnigna namono te bara ka thina igne ginauna phaꞌe khoko soru pari. Eghuteuna nou mae soldia iagho igre ginauna doglo tei ruma lamna namono.”

Eksodas 32:18

Nu Moses ne cheke eghu, “Theome naogladi naikno te ulu ka magra, ba theome naogladi naikno te nigra ka magra. Iara nomhidi kolho naogladi naikno te koje!”

Eksodas 32:6

Aonu, hamerane boibongi ka keha narane na, naiknore atha ne mei buluka, sipu, nanigot neu ne edi thua sopai nafnata fafara. Nu kate gnokro te ghamu naiknore vido gano teke fafara igre, mare ghamu nei koꞌu neu ne ghilei thaviru fara, ne funu eni tafri kolho puhi te diꞌa na.

Eksodas 32:16

God thegna teke edi phei thina igre, eghuteuna mana thegna teke ghagra cheke igre ke klignadi phei thina igre.

Ululahu Kronikols 7:27

Mae Nun ne karha ka mae Elisama. Eghuteuna mae Josua neke karha ka mae Nun.