Eksodas 32:14 - Buka Blahi Ka Cheke Holo

¹⁴ Aonu, Lord ne tughu nagnafagna na ne theome eni kaisei puhi biꞌo te mala goigonidi nogna naiknore, jateula teke chekeni mana ululahu tifa ia eghu.

Eksodas 32:14 ပူးပေါင်းရင်းမြစ်များ

Profet Jona 3:10

God filoni te tughu nakarha naiknore. Aonu mana kokhonidi naiknore ne theome paradi leghuni unha teke chekeni mana tifa na.

Profet Jeremaea 26:13

Eghume gognarona ghotilo koko puhimi te diꞌare! Tughu nakarha, eghuteuna funu eni unha glepo te keli na mala leghuni Lord noda God. Jame te eghu ghotilo na, Lord ginauna nake tughu gaoghatho gna na. Eghuteuna mana ginauna na theome eni gaoghatho mala roꞌe ghami ghotilo teku igne.

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Profet Jeremaea 18:8

Nu jame tughu naiknore puhidi te diꞌare meuna, iara ginauna kokhonidi nei na theome paradi eghu jateula teke kulu ghathoni iara ia eghu.

Ululahu Kronikols 21:15

Eghuteuna God ne kuruni engel ne tei goigonini Jerusalem. Nu Lord filoni engel igne ne funu goigonini Jerusalem, eghuteuna mana ne diꞌanagnafagna fara ka glepo te diꞌa te thoke mei ka naiknore igne. Eghuteuna mana tughu nagnafagna ne cheke eghu ka engel igne, “Hui! La nabahi!” Ka narane tuana, nogna Engel Lord na kegra neu rhegna kaisei vido te mala fagagae wit na. Vido igne nogna mae Arauna, kaisei mae ka vikegna mae Jebus.

Fapea Samuel 24:16

Eghuteuna engel te mala falehe naikno ka fogra igne ne tei thoke Jerusalem. Nu Lord ne kokhoni nognadi naiknore ne cheke eghu ka engel igne, “Gnafa jareghu! La nabahi!” Ka narane igne, engel nogna Lord na kegra neu rhegna vido te mala koko khune wit na. Igne nogna vido glose mae Arauna, kaisei mae ka vikegna mae Jebus.

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Profet Jeremaea 26:19

Ba, mae King Hesekaea baludi naiknodi Juda igre neke faleheni mae profet Maeka eidi nogna cheke mana igre? Theo kolho. King neke ghatho tahuni Lord neke tarai ka mana mala toghodi mare. Naugna igne Lord neke tughu gaoghatho neke theome goigonidi mare, jateula teke ghathoni mana na neku. Nu tahati namo thoke ghita kaisei puhi biꞌo fara.”

Diutronomi 32:26

Te chekeni iara na, iara ginauna ngolho fajifla ghami ghotilo, eghuteuna theo kaisei naikno ka nauthoglu igne nate tangomana na teke ghatho ghami ghotilo na.

Eksodas 33:13

Jame tutuani te eghu teu gaoghathomu iagho eigu iara na, iagho farirhiu ghau iara puhimu iagho te doglo na, mala lase fakeli nigho nei edi fabrahu nou gloku iagho re, eghuteuna iara tangomana te edi igre mala keli tamu iagho. Iara jaola tore nigho mala thosei ghatho iho ghau, eigna iagho neke vahidihi naikno igre mala thofno nou naikno iagho.”

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.

Jenesis 6:6

Lord ne diꞌanagnafa fara, ne cheke eghu, “Iara ginauna faluvu fahuidi naikno teke vuavuha iara ka nauthoglu igne. Iara jame neke theome vuavuhadi naikno igre ka nauthoglu igne! Eghuteuna iara ginauna na jaola faluvu fahuidi nanghaji ba bosu ba saba teu ka namhata igre. Iara diꞌanagnafagu fara naugna iara ngala teke vuavuhadi re glepo igre.”

Naba 14:20

Lord ne cheke eghu, “Unha te toreni iagho ia iara la atha fadeleihi nakhibodi mare re.

Diutronomi 10:10

Mae Moses ne cheke eghu, “Iara neke au ka thogele igne phiatutu narane nei phiatutu bongi, jateula teke eni iara ulu lahu ia neku. Eghuteuna Lord neke nomhini nogu tharai iara na ka narane tuana, aonu mana neke theome falehe ghami ghotilo.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Profet Emos 7:3

Eghume Lord neke tughu gaoghathogna na ne cheke eghu, “Glepo teke filoni iagho igne ginauna theome thoke mei.”

Profet Emos 7:6

Aonu, Lord God neke tughu gaoghathogna na ne cheke eghu, “Uve. Glepo igne ginauna na jaola theome thoke mei.”