Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eksodas 32:11 - Buka Blahi Ka Cheke Holo

11 Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.

အခန်းကိုကြည့်ပါ။ ကော်ပီ




Eksodas 32:11
23 ပူးပေါင်းရင်းမြစ်များ  

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.


Lord, naugna unha sagho te snakre ghami te tei snivi ghehati ka puhimu iagho te keli gnea? Naugna unha sagho te snakre ghami te thufu ghehati te figri fadelei ka iagho gnea? Funu tifa te ghilei mei posa ka narane gognaro igne, ghehati nou naikno iagho, eghuteuna ghehati nou naikno gloku iagho. Iagho ke pulo mei mala togho ghami!


Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”


Mana ne cheke eghu ka Lord, “Ne unha ne famei sagho puhi igne ka iara nou mae gloku gnea? Unha site eni fadiꞌa iara ka iagho te famei iagho puhi igne ranghidi naikno grea?


Lord ne cheke eghu ka Moses, “Iagho faghosei sukha, naugna gognarona, nou naikno iagho teke atha teke jifla iagho Ijep ra, la diꞌa fara.


Nu mae Moses ne cheke eghu ka Lord, “Jame te nomhi naiknodi Ijep re eigna igne na, ginau unha eghu mare cheke na? Naugna mare laseni nigho iagho fara teke atha fajifladi naikno igre jare ka nou nolaghi na.


“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.


Iagho tangomana te eni igne, naugna mare nou naikno iagho. Tifa na kuꞌemi ghehati ra neke au Ijep, eghuteuna mare neke au papara fara jateula te au ke lamna khaꞌaghi ra neku kolho.


“Naikno igre nou naikno gloku iagho nei nou naikno iagho. Iagho fakarhidi ka nou nolaghi biꞌo nei nou nanheta.


Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!


“Lord! Filo mei sagho ka iara, mala ghatho ghau iara: Iagho neke parani kaisei naikno jateula igne neku tifa na? Neubane gaꞌase te namhadi fara thudi re, rehati ghamu thinidi thudi te lehe re! Nou mae pris nei profet teu iagho igre, mae naoka igre aknu falehedi ke lamna nou Sugablahi iagho!


Nu iara neke theome eni igne, naugna jame laseni naiknodi Ijep gre igne meuna, mare ginauna faparini nanghagu iara na. Naugna iara neke nhaꞌa chekehi ka naiknodi Israel te au farihoteidi naiknodi Ijep igre te mala hata fajifladi iara nogu naiknore ka kantri Ijep. Jame te theome leghuni iara nogu nhaꞌa cheke na, naiknodi Ijep igre ginauna faparini nanghagu iara na.


Ghotilo mae pris te loku ranghini Lord ka sugagna mana ra, ghotilo mala diꞌanagnafa nei tanhi eghu fari hotei grengatha nei olta. Ghotilo tarai eghu ka Mana, “Lord God, kokhoni ghami, thosei snakredi naiknodi keha kantri igre mala cheke fapari ghami nei cheke fadiꞌa ghami eghu. Eigna thofno diꞌa fara te cheke eghu mare na, ‘Aheva gne nomi God ghotilo na?’ ”


Aonu mae Ebraham ne cheke eghu, “Lord, thosei diꞌatamu ka nogu cheke iara te kmana igre. Iara gne khogla naikno kolho. Iara gne theome nabagu te mala chekeni kaisei glepo ka iagho na.


“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.


Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”


Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.


Ba, te theo thugna kaisei nalhaꞌu mana na, nanghagna mana na ginauna theohi ka tharaknada tahati re sia? Eghume kate tufa vido glose ghotilo ka thabukna ka tharaknami ghehati na, ghotilo jaola tufa mei keha nomi vido ghehati, nu ghehati magnahagheini nanghagna kmami na te karha teuna.”


“Lord, iagho nomi God ghehati. Tifa na iagho neke hata fajifla ghami Ijep. Eghuteuna naiknore ghatho tahuni nou nolaghi biꞌo iagho na. Nu funu tifa te ghilei mei posa ka narane gognarogne, ghehati tapla jafra fabrahu ka nakhibo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ