Eksodas 32:1 - Buka Blahi Ka Cheke Holo

¹ Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Eksodas 32:1 ပူးပေါင်းရင်းမြစ်များ

Mae Khuru 7:40

Aonu mare ne cheke eghu ka mae Eron, ‘Ghehati magnahaghe nigho iagho te edi keha mumuju malami ghehati, mala tangomana te batu ghami ghehati na. Naugna mae Moses teke batu fajifla ghita tahati Ijep gne, ghehati theome laseni unha nga te eni mana na.’

Diutronomi 9:9

Ka narane tuana, iara neke haghe ka thogele na neke hata phei thina tataba te au nogna nhaꞌa cheke Lord teke eni mana balumi ghotilo ia. Eghuteuna iara neke au ka thogele igne phiatutu narane nei phiatutu bongi, eghuteuna ka narane tuare iara neke theome ghamu nei theome koꞌu.

Fapea Pita 3:4

Eghuteuna mare ginauna cheke eghu ka ghotilo, “Tore, aheva si mae Jisas na ia? Mana neke nhaꞌa cheke mala ke pulo mei, nu au meu aheva eghu si mana gnea? Mae ku'edara lehe la gnafahi, nu gobigna lepo igre theome ke tughu funu ka narane teke vuavuhagna nauthoglu gne.”

Eksodas 24:18

Aonu mae Moses ne haghe ka thogele na ne tei ke lamna khoveo, aonu mana ne au jare nabagna phia tutu narane nei phia tutu bongi.

Matiu 24:48

Nu jame mae gloku tuana kaisei mae diꞌa, mana na cheke eghu ka gaoghathogna thegna na, ‘Nogu mae funei iara ia ginauna nake theome ghosei ke pulo mei.’

Mae Khuru 17:29

“Tutuani fara, tahati kafe goro thugna God. Nu God na jateula kaisei mumuju teke ghathoni ba hohoro naikno kolho sia thosei eghu ka gaoghathomire. Theo. Mana theome glepo jateula gol ba silva ba thina.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Profet Hosia 12:13

Eghuteuna ka narane teke au mae Israel ka kantri Ijep, Lord neke kuruni kaisei mae profet mala tei hata fajifladi Ijep. Eghuteuna mae profet igne neke reireghi fakelidi mare.

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.

Eksodas 32:7

Lord ne cheke eghu ka Moses, “Iagho faghosei sukha, naugna gognarona, nou naikno iagho teke atha teke jifla iagho Ijep ra, la diꞌa fara.

Eksodas 14:11

Naiknore ne jaola ne cheke eghu ka mae Moses, “Iagho mala atha mei ghami ghehati agne mala lehe ka namono nagou igne neku sia? Ba, la ikohila si beku Ijep ia? Jame te keli na ghehati jame au neku kolho Ijep mala lehe kolho jare.

Eksodas 13:21

Fei narane na, Lord ne tei ke uludi nogna naiknore ke lamna khoveo te thuta te mala falalase ranghidi u nabrou na. Eghuteuna fei bongi mana tei ke uludi ka khaꞌaghi. Ka puhi igne Lord tangomana te batudi leghu fata fei narane ba fei bongi na.

Eksodas 16:3

Naiknore ne cheke eghu ka phia mare, “Jame te keli na Lord gne jame neke falehe ghami ghehati kolho Ijep. Au teku jare ia ghehati neke au ghemi kmana nafnata gano te magnahaghedi ghehati re. Nu ghopa ne atha mei ghami ghehati ka namono nagou te theo kaisei gano gna igne neu. Ba ghopa magnahaghei ghami ghehati te mei lehe agne sia? Jame au meu ghehati Ijep me lehe meu na keli!”

Jenesis 44:15

Mae Josep ne cheke eghu ka mare, “Unha nafnata puhi na site eni ghotilo ka iara ignea? Ba, ghotilo theome lase ghau ngala iara tangomana te lasedi fagaglana nei gaoghathodi mifi gre teu gne sia? Iara laseni ngala unha te eni ghotilo na.”

Josua 7:13

“Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Eksodas 33:3

Glose nate tei ghotilo tagna igne, glosegna na thono keli fara, eghuteuna gano na karha kelidi fara tagna fabrahu. Nu iara ginauna theome tei balumi ghotilo, naugna ghotilo ne patu gama fara, eghuteuna jame te tei iara balumi ghotilo na, iara jame goigoni ghami ghotilo kolho ke lamna nabrou.”

Jenesis 44:4

Ka te theome tei khaba nga teu mare ka namono na, mae Josep ne cheke eghu ka nogna mae gloku te mala reireghigna nogna suga na, “Iagho chari tei ke leghudi mae ira. Kate tei te posa iagho ka mare na, iagho na cheke eghu ka mare, ‘Nogu mae funei iara ia neke keli ranghi ghami ghotilo neke eni unha te keli na ka ghotilo. Naugna unha si teke eni ghotilo puhi te diꞌa na ka mana gnea?

Jenesis 39:8

Nu mae Josep ne tirogna ne cheke eghu ka naꞌa, “Theo. Iara tirogu, naugna nogu mae funei iara gne mana neke vahi ghau iara mala reireghidi iara nogna gobigna lepo te gnafa ka suga na igre. Eghume mana theo kaisei ghatho peapea, kate loku teu iara igne na.

Jenesis 19:14

Aonu mae Lot jifla ne tei cheke eghu ka phei mae te magnahaghei tolaghi teu ka phei thugna gaꞌase mana re, “Faghose, jifla kokoni namono igne! Lord ginauna na roꞌeni namono igne.” Nu phei mae igre gaoghathodi na ne cheke fagauglahu kolho mana eghu.

Matiu 24:43

Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli nei theome snakreni nogna suga na mala ruma mana.

Jenesis 21:26

Nu mae Abimelek ne cheke eghu, “Iara theome laseni mae ihei teke eni igne. Naugna iagho neke theome chekeni igne ka iara tifeiro na. Gognaro gne ngala te nomhini iara cheke igne ka iagho na.”

Eksodas 20:23

Fanomho fakeli ghotilo ia. Thosei hohoro mumuju ka gol ba ka silva mala jateula iara eghu mala pogho soru ranghini glepo tuana. Theo, ghotilo mala pogho soru ranghi ghau iara kolho.

Eksodas 32:23

Naikno gre mei neke cheke eghu ka iara, ‘Unha te thokeni Moses mae ihei teke batu ghita teke mei funu Ijep ia? Glahu keha glepo diꞌa thokeni mana jau. Eghume ghehati magnahaghei nigho iagho horo kaisei noda god, mala tangomana mana na teke batu ghita na.’

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Profet Esikiel 20:8

“ ‘Nu mare figri tagru ghau iara, eghuteuna tirodi fanomho ka iara. Mare theome koko mumujudi Ijep te tarai koba mare igre. Eghume, kani au teku mare Ijep ra, iara neke diꞌatagu fara neke tarabana te mala paradi mare ka nogu nolaghi biꞌo na.

Eksodas 24:12

Ke leghugna igne, Lord ne cheke eghu ka mae Moses, “Iagho haghe ka thogele igne mala mei kegra rhegui iara. Iara ginauna tusu ari ka iagho phei thina tataba teke rioriso soru iara vetula ke klignadi igre mala tei iagho farirhiudi naikno ra.”

Eksodas 32:22

Eron ne cheke eghu, “Funei, thosei diꞌatamu ka iara. Iagho themu lasedihi naikno igre magnahaghei fara te leghudi puhi te theome doglo re.

Diutronomi 9:1

Aonu mae Moses ne cheke eghu, “Naiknomi Israel, ghotilo fanomho fakeli! Gognarona ghotilo namo kasa ka Khoꞌu biꞌo Jordan mala tei hata glose na ka naikno te nheta ulu ghami ghotilo. Nodi namono re biꞌo fara, eghuteuna gringni thina te bara te lithui na thono haghe fara.

Diutronomi 31:8

Lord thegna ginauna batu ghami ghotilo, eghuteuna mana ginauna au balumi ghotilo. Mana ginauna theome tangomana nate lisa koko ghami ghotilo na, eghume gaoghathomi ghotilo re mala theome glaꞌe soru nei mhaghu eghu.”

Nodi Khoje Hatimare Mae Jiu 106:19

Ka Thogele Sanai, mare neke hohoro kaisei mumuju buluka ka gol neke pogho soru tagna.