Eksodas 31:6 - Buka Blahi Ka Cheke Holo

⁶ Eghuteuna iara jaola vahini mae Oholiab, thugna mae Ahisamak ka vikegna mae Dan, mala toghoni mana. “Eghuteuna iara jaola neke tusu lao glalase biꞌo ka keha mae re, mala tangomana mare te edi gobigna lepo te chekedi iara ka iagho igre.

Eksodas 31:6 ပူးပေါင်းရင်းမြစ်များ

Eksodas 35:34

Lord tusu lao glalase ka mana nei ka Oholiab thugna Ahisamak ka vikegna Dan, mala tangomana phia mare te farirhiudi keha mae mala edila mare nafnata gloku igre.

Eksodas 35:10

Moses ne cheke eghu ka mare, “Mae te gnafa ka ghotilo te thofno lasedi gloku igre, mare mei mala edi glepo teke chekedi Lord mala edi tahati teku ra.

Eksodas 28:3

Eghuteuna iagho mala kilo meidi mae teke tusu lao iara glalase tadi ra mala susuki nodi pohe mae pris. Mare mala susuki pohe malagna Eron, mala taofini mana mala loku jateula pris biꞌo eghu.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Luku 10:1

Ke leghugna igne, mae Jisas ne vahidi keha fitusalei phei mae. Mana ne kuru fajifladi mala tei peapea mare ke ulugna mana ka namono biꞌo ba ka namono te ikodi te mala tei mana ginauna.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Eksodas 36:8

Eghuteuna mae iheire te lase loku fara igre, mare ne loku Suga Tapuale te Blahi igne. Mae igre ne eni ka nabotho vido famane pohe vegha, eghuteuna mare ne atha ghajo te blu, te ngonge, nei te ukru mala susuki keha thotoghale engel ka vido pohe igre.

Eksodas 6:26

Eron ghe Moses igre Lord neke cheke eghu ka phiamare, “Ghopa mala batudi naiknodi Israel igre mala jifla agne Ijep.”

Eksodas 31:5

Mana jaola kato thina te famane filodire mala lalaoni glepo igre, eghuteuna mana jaola tangomana te edi glepo igre ka thaba. Eghuteuna mana jaola lasedi fara te edi thuagna nafnata gloku te jateula igre teuna.

Eksodas 35:35

Lord ne tusu lao glalase ka phia mare mala kato thina te keli mala lalaoni gobigna lepo, nei mala edi keha nafnata glepo nate edi phia mare, nei mala edi famane pohe vegha, nei mala valakasi pohe ka ghajo te blu, ba ngonge, ba ukru, nei jaola mala edi keha nafnata pohe. Phia mae igre thofno lalase fara te mala ghaoghathodi thua nafnata glepo te keli, eghuteuna phia mare jaola tangomana te mala edi gobigna gloku re.

Eksodas 38:23

Eghuteuna mae teke toghoni mana na Oholiab, thugna Ahisamak ka vikegna Dan. Mae igne thofno laseni fara puhi te mala kato thina te mala lalaoni glepo igre, nei mala ghaoghaho di famane glepo te edi mana re. Eghuteuna mana jaola lase fakelidi te mala edi famane pohe vegha, nei mala lalaoni pohe re ka ghajo blu, nei ngonge, nei ukru.

Eksodas 35:4

Moses ne cheke eghu ka naiknodi Israel, “Igne unha teke chekeni Lord ranghi ghita te mala eni tahati na.