Eksodas 31:15 - Buka Blahi Ka Cheke Holo

¹⁵ Ghotilo au namno narane te mala loku na, nu ka fafitu narane na, Narane Sabat mala thofno gnafa, kaisei narane blahi nogna Lord. Ihei te eni kaisei gloku ka narane tuana, ghotilo aknu faleheni.

Eksodas 31:15 ပူးပေါင်းရင်းမြစ်များ

Jenesis 2:2

Ka fafamno narane na God ne loku fahui nogna gloku na. Eghuteuna God neke theome loku ka fafitu narane na. God ne fablahini fafitu narane na mala kaisei narane blahi fara ka wik na. God neke fablahini narane igne naugna mana neke loku fagnafahi nogna gloku na ka nauthoglu igne. Eghume mana ne gnafa ka narane igne.

Levitikas 23:3

“Ghotilo au fitu narane te mala edi ghotilo nomi loku re, nu ka fafitu narane leuleghu wik na narane Sabat narane mala gnafa. Ka narane Sabat ghotilo mala theome mala loku, nu ghotilo mala kafe mei mala kilo fnakno ghau iara. Neubane ka namono aheva te tei au ghotilo tagna na, narane Sabat nogu narane iara Lord eghuteuna ghotilo mala ghatho tahuni.”

Eksodas 16:23

Mae Moses ne cheke eghu ka mare, “Igne unha te chekeni Lord na, nathuꞌu na narane mala gnafa, narane Sabat, nogna narane Lord. Eghume gognaro na ghotilo salo unha te magnahagheni ghotilo na mala gahu ka khaꞌaghi ba mala kuki ka suspen. Eghuteuna unha te salaꞌui na ghotilo lilisei malagna fei hamerane.”

Eksodas 34:21

“Ghotilo au namno narane te mala edi ghotilo nomi loku re, nu ka fafitu narane ghotilo mala gnafa. Neubane ka narane mala joꞌu thobi, ba narane mala pulei gano ka nagare, ghotilo te hui na mala gnafa ka narane igne.

Luku 23:56

Ke leghugna igne, rehati neke pulo ka suga na mala tarabana meresin glaghobe malagna thinigna mae Jisas. Eghuteuna kau narane Sabat na mare ne gnafa leghuni nogna vetula mae Moses.

Luku 13:14

Mae biꞌogna suga tharai na ne diꞌatagna fara ka mae Jisas, naugna mae Jisas ne fakelini gaꞌase tuana ka narane Sabat. Aonu mae biꞌogna suga tharai na ne cheke eghu ka naiknore, “Namno narane kolho te mala loku tahati na. Eghume ghotilo mei ka kaisei narane ka narane tuare mala ke fakeli fapulo ghami mare. Thosei mei mala fakeli ghami mare kau narane Sabat.”

Eksodas 35:2

‘Ghotilo au namno narane te mala edi ghotilo nomi gloku re, nu fafitu narane na nomi narane blahi ghotilo. Igne nogu narane Sabat iara Lord eghuteuna ghotilo mala gnafa tagna. Jame ihei te loku ka narane igne, ghotilo ginauna faleheni mana.

Eksodas 31:17

Narane Sabat igne kaisei fagaglana mala au fabrahu. Eghuteuna fagaglana igne mala laseni te iara Lord neke vuavuha maloa nei nauthoglu igne eghu ka namno narane, eghuteuna ka fafitu narane na, iara neke gnafa ka gloku.’ ”

Hibru 4:9

Eghume tahati tangomana te mala gnafa jateula God teke gnafa ke leghugna teke vuavuhadi gobigna lepo ka nauthoglu gne eghu.

Profet Esikiel 46:1

Lord God neke cheke eghu, “Ka namno narane igre mala loku, grengatha ke maghati gna glalaba ikoi rhegna nogu Sugablahi iara igne mala bobotho. Ghotilo ginauna tothora kolho ka narane Sabat nei ka Gaghamu Khafa.

Levitikas 23:32

Funu ka faheva narane gna nhigra igne ghilei plulu naprai ka fabotho narane na, ghotilo mala gnafa. Igne kaisei narane mala gnafa ghotilo, blahi ghotilo te ghamu kaisei gano na.”

Eksodas 31:14

“ ‘Ghotilo tajini narane igne mala gnafa, naugna nomi narane blahi ghotilo. Ihei te theome ghatho tahuni narane igne, eghuteuna ihei te loku ka narane tuana mala au kosi ka naiknogna Israel.

Eksodas 16:26

Ka fafamno narane gna wik na, ghotilo mala atha gano tuana. Eghuteuna ka fafitu narane na, narane mala gnafa, eghume ka narane igne na ghotilo ginau na theome filoni kaisei gano te mala salo ghotilo na.”

Eksodas 23:12

“Ke lamnagna kaisei wik na ghotilo mala loku namno narane kolho, nu ka fafitu narane na ghotilo gnafa ka gloku na. Eghume nomi buluka, dongki, mae gloku, gaꞌase gloku nei naiknodi delei eghu te mei au balumi ghotilo are eghu mala jaola gnafa fakeli ka nodi gloku re.

Eksodas 31:16

Ghotilo naiknomi Israel, narane igne fagaglana gna nhaꞌa cheke teke eni iara balumi ghotilo nei iheire nate karha mei ke leghumi ghotilo. Ghotilo tathaji fabrahu narane igne mala theome ghatho ihoni nhaꞌa cheke teke eni iara ka ghotilo igne.

Eksodas 35:3

Vido te gnafa te au ghotilo tagna na, ghotilo thosei ifu khaꞌaghi ka narane Sabat.’ ”

Levitikas 16:29

“Igne vetula eigna Narane biꞌo te mala Hata Fadelei Nakhibo te mala leghuni fabrahu ghotilo na. Leuleghu finogha, ka fafitu nhigra, ka fabotho narane gna na, ghotilo naiknomi Israel baludi keha naikno te au balumi ghotilo are, ghotilo te gnafa na mala thosei ghamu nei thosei eni kaisei gloku.

Diutronomi 5:12

Ghotilo tajini narane Sabat blahi, leghuni unha teke chekeni iara ka ghotilo tifa ia.