Eksodas 31:14 - Buka Blahi Ka Cheke Holo

¹⁴ “ ‘Ghotilo tajini narane igne mala gnafa, naugna nomi narane blahi ghotilo. Ihei te theome ghatho tahuni narane igne, eghuteuna ihei te loku ka narane tuana mala au kosi ka naiknogna Israel.

Eksodas 31:14 ပူးပေါင်းရင်းမြစ်များ

Profet Esikiel 44:24

“Eghuteuna jame naiknore fari pholai, mae pris mala leghuni nogu vetula iara na mala fadoglini ka mare fapholai igne. Mare mala tajidi nogu gaghamu iara re, leghuni unha te chekeni ka nogu vetula iara na, eghuteuna tajini narane blahi Sabat.

Profet Esikiel 20:24

Iara neke fatedi mare, naugna mare neke tirodi fanomho ka nogu cheke nei nogu vetula teu iara re. Eghuteuna narane Sabat mala gnafa mare teku iara igne, mare lausasabani kolho. Eghuteuna mare tarai kolho ka mumuju teke sari kuꞌedi tifa ra.

Profet Esikiel 20:21

“ ‘Nu goro sua gre jaola magri ghau iara. Eghuteuna neuba mare ne laseni te mae ihei ngala te leghudi nogu vetula iara re ngala nate hatini u nakarha te keli na ginauna neu, mare theome leghudi kolho nogu cheke iara re, ba taji fakelidi nogu vetula iara re. Eghuteuna narane Sabat mala gnafa mare teku iara igne jateula te fiti narane ra eghu kolho ka gaoghathodi mare na. Naugna igne iara diꞌatagu fara neke ghaoghatho te mala paradi mare ke lamnagna namono nagou na.

Profet Esikiel 20:16

Iara neke chekeni igne, naugna mare ne theome au glolodi kolho nogu vetula nei farirhiu teu iara re. Mare tirodi ghatho tahuni kolho narane Sabat mala gnafa mare teku iara igne, nu mare magnahaghei te tarai kolho ka nodi mumuju god thedire.

Nehemaea 9:14

Iagho farirhiudi eigna nou narane Sabat blahi, nei vetula nei cheke eghu teke tusu lao iagho ka nou mae gloku Moses mala lase fakelini naiknore puhimu iagho na.

Eksodas 20:8

“Ghatho tahuni narane Sabat gne nogu narane iara.

Jone 7:23

Te mala leghuni nogna vetula mae Moses na ghotilo tohi fagaglana sua nalhaꞌu na ka fahanagna narane na. Te khale kau narane Sabat fahanagna u narane na ghotilo ginauna eni tohi fagaglana na kau narane tuana. Naugna unha site diꞌatami ghotilo ka iara kate fakelini iara thinigna thongana kaisei mae kau narane Sabat gnea?

Eksodas 31:15

Ghotilo au namno narane te mala loku na, nu ka fafitu narane na, Narane Sabat mala thofno gnafa, kaisei narane blahi nogna Lord. Ihei te eni kaisei gloku ka narane tuana, ghotilo aknu faleheni.

Levitikas 16:29

“Igne vetula eigna Narane biꞌo te mala Hata Fadelei Nakhibo te mala leghuni fabrahu ghotilo na. Leuleghu finogha, ka fafitu nhigra, ka fabotho narane gna na, ghotilo naiknomi Israel baludi keha naikno te au balumi ghotilo are, ghotilo te gnafa na mala thosei ghamu nei thosei eni kaisei gloku.

Eksodas 30:33

Jame ihei te eni nafnata oel igne, ba tofa lao oel igne ka phaꞌugna ihei te theome pris na, mana au kosi ka naiknodi Israel.’ ”

Eksodas 30:38

Jame ihei te horo nogna insens jateula igne eghu, eghuteuna ihei te gahu glepo te famane sisiri keligna igne mala gna thegna teuna, ghotilo ginauna faꞌau kosini mana ka naiknodi Israel.”