Eksodas 31:13 - Buka Blahi Ka Cheke Holo

¹³ “Iagho ginauna chekedi naiknodi Israel ra nogu cheke iara gne, ‘Narane Sabat gne nogu iara, eghume ghotilo tathaji fakeli fabrahu narane igne. Narane Sabat gne kaisei fagaglana theo ka gnafagna u Nhaꞌa Cheke fari hoteigu iara nei ghotilo te theo ka gnafagna, mala lase fakelini ghotilo te iara Lord teke fablahi ghami ghotilo mala thofno nogu naikno iara.

Eksodas 31:13 ပူးပေါင်းရင်းမြစ်များ

Profet Esikiel 20:20

Ghotilo mala ghatho tahuni nogu narane Sabat iara igne. Narane igne mala ke ghatho fapuloni nhaꞌa cheke teke eni iara balumi ghotilo ia. Ghotilo mala gnafa ka narane igne, eghuteuna ghotilo ginauna laseni, iara ngala nomi Lord God ghotilo na.”

Profet Esikiel 20:12

Uve, iara jaola neke cheke ranghidi mala ghatho tahuni mare nogu narane Sabat na mala gnafa mare tagna, mare tangomana te leghuni, nei laseni eghu teke eni iara nhaꞌa cheke igne baludi mare. Eghuteuna mare mala jaola laseni te iara Lord, iara neke fablahidi mala nogu naikno blahi iara.

Levitikas 19:30

“Ghotilo mala tajini narane Sabat, eghuteuna ghotilo mala ghatho tahuni vido te blahi te mala kilo fnakno ghau iara tagna na, naugna iara Lord.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Levitikas 20:8

Ghotilo faꞌuvedi nei leghudi eghu nogu vetula nei nogu cheke teu iara gre, naugna iara Lord neke fablahi ghami ghotilo.

Eksodas 31:17

Narane Sabat igne kaisei fagaglana mala au fabrahu. Eghuteuna fagaglana igne mala laseni te iara Lord neke vuavuha maloa nei nauthoglu igne eghu ka namno narane, eghuteuna ka fafitu narane na, iara neke gnafa ka gloku.’ ”

Jone 17:17

Mama, fablahidi kau chekemu te tutuani fara.

Levitikas 19:3

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.

Profet Esikiel 44:24

“Eghuteuna jame naiknore fari pholai, mae pris mala leghuni nogu vetula iara na mala fadoglini ka mare fapholai igne. Mare mala tajidi nogu gaghamu iara re, leghuni unha te chekeni ka nogu vetula iara na, eghuteuna tajini narane blahi Sabat.

Profet Esikiel 37:28

Nogu vido blahi iara na ginauna au fabrahu farihoteidi mare, eghume naiknodi keha kantri igre ginauna laseni te iara Lord neke vahidi naiknodi Israel igre mala nogu naikno blahi iara.’ ”

Nehemaea 9:14

Iagho farirhiudi eigna nou narane Sabat blahi, nei vetula nei cheke eghu teke tusu lao iagho ka nou mae gloku Moses mala lase fakelini naiknore puhimu iagho na.

Levitikas 26:2

“Ghotilo mala tajini narane Sabat, eghuteuna ghotilo mala ghatho tahuni vido te blahi te mala kilo fnakno ghau iara tagna na. Naugna iara Lord.

Levitikas 23:3

“Ghotilo au fitu narane te mala edi ghotilo nomi loku re, nu ka fafitu narane leuleghu wik na narane Sabat narane mala gnafa. Ka narane Sabat ghotilo mala theome mala loku, nu ghotilo mala kafe mei mala kilo fnakno ghau iara. Neubane ka namono aheva te tei au ghotilo tagna na, narane Sabat nogu narane iara Lord eghuteuna ghotilo mala ghatho tahuni.”

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Levitikas 25:2

“Cheke ka naiknodi Israel kate tei ghotilo ka glose aheva teke nhaꞌa cheke hi iara mala tusu ari ka ghotilo teku ia, leuleghu fata ka fafitu finogha na, ghotilo mala thosei joꞌu gano ka nomi glose na. Nomi glose ghotilo na mala gnafa jateula narane Sabat eghu. Ghotilo mala eni igne mala fagaglana gna ghotilo te ghatho tahu ghau iara Lord.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Jone 17:19

Iara na fablahi ghau thegu mala loku ranghi nigho iagho, mala tangomana langau mare te thofno blahi fara te mala loku ranghi nigho iagho na.”

Matiu 23:17

Ghotilo mae noli nei dofu eghu! Aheva gne te glepo ulu na, sesere ba Sugablahi gne? Sugablahi igne glepo ulu te mala fablahidi sesere igre.

Eksodas 31:12

Lord ne cheke eghu ka Moses,

Diutronomi 5:12

Ghotilo tajini narane Sabat blahi, leghuni unha teke chekeni iara ka ghotilo tifa ia.

Profet Isaia 56:2

Iara ginauna fablahidi iheire te tajini narane Sabat, ba iheire te leghuni vetula eigna narane tuana. Eghuteuna iara ginauna fablahidi iheire te theome eni kaisei glepo te diꞌa.”

Profet Jeremaea 17:22

Ghotilo thosei eni kaisei gloku ba pala jifla kaisei glepo te tahu ka sugamire. Ghotilo tajini fabrahu narane Sabat te blahi igne, jateula teke chekeni iara ka kuꞌemi ghotilo tifa ra eghu.

Profet Emos 8:5

Leuleghu fata na ghotilo cheke eghu, “Niha nau gnafa nga Narane gaghamu biꞌogna Khafa gnea, mala sabiri tahati noda wit gre? Te keli na narane Sabat gne jame nabagna na ghosei gnafa, mala tangomana tahati te sabiri noda gobigna lepo gre. Eghuteuna tahati ginauna tugha haghe noda praes na eghuteuna tahati famamhaku skel gre mala chaghidi iheire te foli ka tahati gre.