Eksodas 30:7 - Buka Blahi Ka Cheke Holo

⁷ “Leuleghu hamerane na, Eron mala tarabana mala fakasa juta igre ke kligna olta na. Eghuteuna mana atha insens te famane sisiri gna na.

Eksodas 30:7 ပူးပေါင်းရင်းမြစ်များ

Ululahu Samuel 2:28

Ka vikedi mae Israel ra, iara neke vahi ghami ghotilo ka tharaknagna mae Eron mala nogu pris iara. Iara neke vahi ghami ghotilo mala loku ka olta, mala gahu insens, nei mala fahaghe phoko blahi efod. Eghuteuna iara tusu ari nolaghi ka tharaknagna mae Eron mala hata vido ka fafara blahi te gahu naiknodi Israel ke kligna olta.

Luku 1:9

Mare leghui nodi kastom mae prisire ne lalahu khale mala laseni mae ihei nate ruma haghe ka Sugablahi nogna Lord na, mala gahu insens ke kligna te olta. Aonu, mare neke vahini mae Sekaraea eghuteuna mana ne ruma suga ne eni igne.

Ululahu Kronikols 23:13

Mae Amram neke au phei thugna nalhaꞌu: Mae Eron ghe mae Moses. Lord neke vahini mae Eron baludi thugna mana re mala fiofilodi glepo blahi teke tusu lao naiknore ka Lord, eghuteuna vikegna mana na eni koba gloku igne. Nodi gloku mare na mala gahu fafara mala tufru soruni Lord, eghuteuna mare edi keha gloku te mala fablahidi naiknore ka nanghagna Lord.

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Ululahu Samuel 3:3

eghuteuna mae Samuel thuru neu ka nogna Sugablahi Lord aheva te au teu Bokis Nhaꞌa Cheke na. Namo rane kate phae teu Juta gna Chogho Blahi na,

Eksodas 30:34

Lord ne cheke eghu ka Moses, “Iagho ginauna atha glepo te sisiri kelidi igre: nataf, nei sehelet, nei helbena, nei lebona. Iagho atha nanaba vido ka fati glepo te sisisri kelidi igre,

Eksodas 30:6

Aonu, iagho lilisei olta igne lamna ka Chogho Blahi ke demei gna pohe biꞌo te gefe ke ulugna nogu Bokis Blahi iara balu thotoku gna na. Igne vido aheva te mala thafo nigho iara na.

Eksodas 30:8

Eghuteuna grafiro, ke leghugna te fakasa juta na igre, mana gahu insens ke kligna olta. Puhi te mala gahu insens igne jateula te fafara ka Lord eghu, vikegna Eron igre ginauna mala leghuni fabrahu puhi igne.

Eksodas 40:27

Mana atha insens blahi te famane sisiri keli gna na ne gahu ke kligna olta, igne thofno leghuni unha teke chekeni Lord.

Fapea Kronikols 2:4

Uve, iara gognarona tarabana mala horo kaisei Sugablahi mala tarai nei tufru soruni eghu Lord nogu God, nei mala gahu insens te famane sisiri keligna fara. Eghuteuna ghehati ginauna fafara bret blahi na ka Lord leuleghu narane, hamerane nei grafi, ka narane Sabat, nei ka Gaghamu Khafa, nei ka keha nogna narane blahi God. Ghehati ginauna gahu fafara ka Sugablahi igne mala ghatho tahuni Lord. Eghuteuna ghehati ginauna eni igne fabrahu leghuni unha teke chekeni Lord.

Fapea Kronikols 26:18

Eghuteuna mare ne cheke faheta eghu ka mana, “Iusaea, iagho theo nou nolaghi te mei gahu insens agne te mala tarai ka Lord na! Ghehati pris ka tharaknagna Eron teke fablahi ghami mare gre kolho te au nolaghi te mala gahu insens na. Vido igne thono blahi fara! Iagho jifla gognarola naugna iagho ne khibo ranghini Lord! Mana ginauna na theome ke fablahi nigho iagho!”

Diutronomi 33:10

Ghotilo vikegna Livae ra tangomana te farirhiudi vikegna mae Jekop igre ka nogna vetula Lord. Ghotilo tangomana te toghodi naiknodi Israel igre te iuꞌijudi nogna vetula manare. Ghotilo gahu insens mala cheke fakelini Lord, ghotilo tangomana te gahu fafara ka nogna olta mana na.

Fapea Kronikols 2:3

Eghuteuna mae Solomon riso tei ka mae Haeram, king gna namono biꞌo Taea. Mana ne cheke eghu ka letas igne, “Iara magnahaghei nigho iagho te togho ghau iara jateula te sughu edi iagho ka mae kmagu iara Devet tifa ra eghu, iagho neke toghoni mana neke famei thaba gaju sida ka mana neke horo nogna suga ra.

Fapea Kronikols 29:7

Mare jaola bobotho grengathagna Sugablahi igne, eghuteuna mare ifu falehe jutare. Eghuteuna mare theome gahu insens nei theome gahu fafara ka Sugablahi te mala tarai ka nodi God mae Israel.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.